سؤال بخصوص فتيس الميجان الاوتوماتيك بيكون فيه فلتر ولا لأ
لاني ناوي اغير زيت فتيس بس مش عارف هوه فيها فلتر بيتغير معاها
ولا لأ .
عرض للطباعة
سؤال بخصوص فتيس الميجان الاوتوماتيك بيكون فيه فلتر ولا لأ
لاني ناوي اغير زيت فتيس بس مش عارف هوه فيها فلتر بيتغير معاها
ولا لأ .
يتم تغير الزيت فقط
حوالي ٣.٥ لتر توتال في حدود ١٥٠ ج فقط
هات Total AT42 لزجتة Dexeron III
1. العربية تبقى سخنة وجى من مشوار
2. اطفى العربية وفك الطبة الى تحت مقاس 17 MM مفتاح الن مربع وسيب الزيت ينزل لحد ما يقف
3. فى طبة تانية من جوة لو فتكتها هتزل بتاع كيلو كمان مفتحها الن برضة 18 مم تقريبا بس فكك مش لازم يعنى تفكها
4. اربط الطبة ال هى 17 مم بس مش قوى علشان هتفكها تانى علشان تقيس الزيت
5. حط 3 لتر زيت ودور العربية وخليها على n او P وسيب العربية دايرة دقيقة كدة
6. انزل فك الطبة تانى وابتدى زود شوية زيت صغييرين لغاية ما تلاقى مكان الطبة تحت ابتدى ينقط نقط بسيطة كدة مقاسك مظبوط
7. اقفل الطبة الى تحت
8. هات العربية على n وطفيها
9. اقفل الطبة الى فوق وشكرا ومتعملش الحوار بنفسك اعملة عند حد اشتغل فى ميجان وعارف بس انا كتبتلك بالتفصيل علشان تبقى واقف وفاهم اية الى بيتم.
ملحوظة : موضوع العربية هتاخد اد اية ختختلف ازا كان الفتيس سخن ولا بارد ازا كان هيفك الطبة الثانية ولا لا من الاخر 3.5 او 4 لتر مش هتفرق
ملحوظة اخرى ( خلى باللك لو باقلك مدة كبيرة مغيترش الزيت ممكن لما الزيت ينزل يكتم الفلتر والعربية متمشيش وتبقى اسوء ).