الموضوع: مليون

السلام عليكم و رحمة الله و بركاته

احب أبدأ كلامى بإعجابي الشديد بيكم يا رجاله و ربنا يجعل اللي انتو بتعملوا مع الناس دا في ميزان حسناتكم و أخص بالذكر أ\فادي اللي هو مايعرفنيش بس انا لما جيت جبت عربيتي vectra B2 اتصلت بيه سألته عليها و على السعر و الراجل متأخرش و نصحني و قاللي أبص على أيه قبل ما أشتري ... ربنا يجازيك خير يا فادي و بردوا انا مش عايز انسي حد أ\ طناني و أ\ أحمد فهمي اللي أستفد جداً من مشاركاتهم لان انا بطبعي بحب ميكانيكا السيارات المهم عشان ماطولش عليكم .... كل سنة و كلكم طيبين و بخير

مشكلتي بقا كالاتي لمبة ال abs عندي بشعرة ساعة تروح و ساعة تيجي ...

أول لما أدور العربية اللمبة تطفي عادي جداً زي الناس بعد شوية كدا تنور تاني بس مش مع دوسة الفرامل يعني أول ما أبتدي أمشي بالعربية شوية و تبدا تسخن ألائي اللمبة نورت اكون مثلاً رايح مشوار و وصلت أطفي و انزل أغيب مثلاً نص ساعة أرجع الائيها طفيا عادي أمشى شوية تنور و ساعات يعدي اليوم و متنورش و انا ماشي المهم رحت اكشف الائيت ال ERORR (TELTALE HIGH VOLTAGE OR OPEN CIRCUIT ) انا مش هقول انا شاكك في أيه عشان موجهش تفكيركم عنده انا هستنا ردكم عشان اشوف اللي فى دماغي صح و لا غلط

و كل سنة و أنتم طيبين و عيد سعيد علينا جميعاً