العربيه في مجملها كويسه و سعر ال 70 الف مناسب ليها لانها اعلي فئه و بعد الكشف في التوكيل لو مش محتاجه مصاريف يبقي توكل علي الله و الحاجات اللي فيها ممكن تتلم بسهوله ان شاء الله المهم عند حد بيفهم
العربيه في مجملها كويسه و سعر ال 70 الف مناسب ليها لانها اعلي فئه و بعد الكشف في التوكيل لو مش محتاجه مصاريف يبقي توكل علي الله و الحاجات اللي فيها ممكن تتلم بسهوله ان شاء الله المهم عند حد بيفهم
أعتقد ممكن تترد على البارد خبطة الشنطة
و لو العربية سليمة و أساسياتها تمام حرام تتساب لمجرد انها مخبوطة أو هاترش حتى
ده رأيي الشخصي
والله انت بتشجعنى
و بخصوص الشنطه صعب تترد على البارد لان ملهاش مالكه تتملك منها وراها عضم الشنطه وده طبعا استحاله يتفك ويرجع تانى سليم
و السؤال هو ممكن ابدل غطا الشنطه بواحد استيراد مفيهوش غلطه نفس اللون ؟؟؟ والفرق يبقى كام ؟؟ اصلى مش عايز معجون وعك
و مش عارف انا شخصية بتحب تكون كل حاجه تمام
ياترى ممكن الاقى الى فى بالى
و محدش رد على سؤالى هو الازاز الى فيها ده اصلى ؟؟؟ وايه الاستيكر الابيض ده الى على الكسر ايه دلالته ؟؟؟
اولا بالنسبه للازاز الشرخ مش مؤثر و بيتعالج من 60 ل 100 جنيه و مش هتشوفه تاني خااااالص
و الاستيكر ده انا شايفه على عربيتين موديل 2007 شكله بقى بيتلزق عليه من بعد عربيتي
والفانوس حضرتك من جنب الفانوس اللي تحت ممكن تلاقي الماركه مطبوعه عليه و تعرفها
و الشبكه بمسمار صغير جداااااااااا تتمسك و تبقى فل و النقر تترد بارد تمااااام و الشنطه بيتهيألي هتحتاج ترش بس مش مشكله انا من الصوره ماشاء الله حاله حلوه متتسابش و لو 70 حلو و لو التوكيل طلعلك القطط الفطسانه اللي كفائتها اقل من 70% كسر فيها سنه بحجه الحاجات اللي فيها اللي هي مش فيها و ربنا يوفقك
شفط الشنطه لو شفط بس و دى واحد جارى عملها فى بيجو 307 كانت واخده خبطه فى السوكه بتاعه الشنطه و مكبوسه لجوه و مارشش و ممعجنش هيه بترد تانى لبره بيبقى شفط هوا
و باب الشنطه انا معرفش بكام بالظبط بس مش هيزيد عن 1000 و ده انا كده بضرب رقم فوق كمان
الزجاج شكله أصلى والله أعلم وعايزك تتأكد من عمل حساس المطر والنور والشرخ واحد بتاع زجاج يكون أمين وفاهم
الفوانيس ممكن تكون ديبو والله أعلم بس دى مش مشكلة يعنى أصل الفوانيس الأصلية مع الشمس وكدا 5 سنين طبيعى إنها تبهت وبرضه تجرب عمل الموتور
وحضرتك قلت إن الاكصدام راشش يعنى ممكن يكون معجون دى عايزة تتشاف بالعين المجردة
أنا معنديش فكرة عن السمكرة بس دى كلها حاجات تخلص مع سمكرى نضيف وفاهم إن شاء الله
وبعد دا كله مع عداد الكيلومترات بعد كشف التوكيل
طبعا متركزش فى الحاجات الاستهلاكية بس غالبا لو استعمال العربية كويس هتلاقى المساعدين كويسين بإذن الله
لو مكانك مش هتأخر ثوانى وهشتريها خصوصا 70 ألف كسوق سعرها مناسب جدا كقيمة سعرها أقل من قيمتها الحقيقية وربنا يوفقك