الموضوع: الرائعه النترا 2012

المشاركة الأصلية كتبت بواسطة semsem kane

اكيد مش هتلاقوا فرق لان معظم اللى بيشترى كورى عارف هو جايبة لية ( سيارة بتؤدى الغرض منها - استعمال مدينة مالهاش فى الثبات العالى ولا الجرى بالمناورات ولا فرامل high performance , عشان كدة مريحة معظم الناس

يعنى انا لو والدى اشترى هيونداى مش هيجى يقولى العربية مش ثابتة على 140 كم مثلا لانة اخرة 80 كم , مش هيجى يقولى العربية فراملها وحشة على 200 كم لانة عمرة مابيعدى ال100 كم

مش هيحتاج ال +و- عشان يعرف التسارع بتاع السيارة هو ال d وشكرا , ولا عمرة هياخد غرزة عشان يعرف العربية بتعوم من ورا ولا لأ ولا هتعمل منة over steering ولا لأ

عشان كدة الهيونداى ناجح

واى شاب معاة هيونداى لا يمكن يقدر يعمل المناورات اللى بتعملها ال bmw و civic , subaru على سرعات عالية

رحم الله امرىء عرف قدر نفسة

الهيونداى حلو اوى عليها تمشى بيها عادى وبسرعات معقولة لان ولا الطريق ولا اللى حواليك ولا العربية هيساعدوك انك تعمل sport ride

واساسا ال sport ride دي اصلا مش مطلوبه لا في القاهره ولا بره القاهره و هو عشان واحد ربنا فتح عليه واشتري عربيه غاليه حبتين يقوم يعقد بيها خلق الله اللى حواليه و يقعد يعمل غرز ومناورات ويلبس خلق الله اللى حواليه في بعض !!!!!!!!
هو اساسا فيه كام واحد فى مصر محترف سواقه بالمعني الصحيح - مش بمعني انه بيسوق بيجري و يغرز وخلاص

يعنى حضرتك عايز تفهمنى انك عمرك ماسوقت بالطريقة دية , وانك لما سوقت بالطريقة دية لبست الناس فى بعض

والله انا الحمد لله بسوق بالقيادية دية طول عمرى وعمرى ماأذيت حد او حتى خليت اللى بعمل قدامة الغرزة , انة حتى يدوس فرامل او يحدف على اللى جنبة عشان يتفاداتنى , انا بخاف على الناس قبل نفسى

مافيش ياباشا فى مصر خالص احنا كلنا ماشيين ببركة وستر ربنا [/quote]

صح معاك حق ، كلنا ماشيين بستر ربنا ، وانا عن نفسي بالتزم بالسواقه السليمه - يعني بالتزم بسرعة الطريق و حتي كمان سرعة الحارات على الطريق و بادي اشارات وبربط الحزام و باصر ان اللى راكبين معايا يربطوا الحزام من قبل حتي صدور قانون المرور وكده

بس لا تنكر ان السواقه الملتزمه هي اسلم طريق للحفاظ على عربيتك و عربيات اللى حواليك

وللامانه انا مبعرفش اعمل غرز او امركه او حاجات من دي ولا حتي كان نفسي اتعلم الحاجات دي خالص - يمكن عشان اول ما اتعلمت السواقه كان عندي 30 سنه واكنت عربيتي وزيرو و كنت خايف عليها جدا
وشكرا

المشاركة الأصلية كتبت بواسطة se_coralsea

و الله أنا نفس الكلام لدرجة أن اللي بيركبوا معايا (لو مش فاهمين في قواعد الأمان و السلامة) بيتخنقوا حتي الابواب و الشبابيك بأفتحها بقدر مناسب أوأتحكم أنا في غلقها خاصة لو معايا اطفال في العربية

و برضه أنا زي حضرتك ما اعرفش يعني أيه غرزة و أيه هيا الالغرزة المقفولة و المفتوحة و القطم و الفروق بينهم لأني شايف أن ده شغل ترزية مش قيادة سيارات

كل اللي أعرفه عن القيادة هو أنها

فن - ذوق - أخلاااااااق

فعلا معاك حق السواقه فن وذوق واخلاق و ده اللى بتشوفه فى كل الدول دلوقتي سواء فى الشرق او الغرب حتي الدول اللي كانت ناميه الى وقت قريب - تقدمت هذه الدول بفضل الله اولا ثم لانهم اخذوا بالاسباب ومنها الالتزام و الوقوف عند الحدود