بالفيديو النترا 2012تحصل على افضل سيارة في امريكا وكندا

من خلال تصفحى لبعض المواضيع الخاصة بالالنترا الجديده فى المنتدى و جدت ان البعض متحامل على الالنترا الجديده جدا باظهار عيوب فى عفشتها او فى اتزانها ........الخ و اللى هو طبعا بعد استعمالى للعربيه لمده سنه دلوقت بالتمام و الكمال انا شاريها فى شهر 9/ 2011 مالقيتش فيها اى شئ من اللى بتكلموا عليه ده الملاحظ ان اللى بيفندوا عيوب العربيه أغلبهم من ملاك التيوتا أو النيسان أو الرينو اللى انا حاسس انهم مستكترين على هيونداى أنها تنتج عربيه زى دى
عموما النترا أخدت أحسن عربيه فى شمال أمريكا 2012
و احسن عربيه فى كندا 2012


http://img40.imageshack.us/img40/8482/showroomen.jpg


شاهد الفيديو
2012 North American Car and Truck of the Year Awards - YouTube

عشان الناس اللى مش بتصدق

انا معجب بيها جدا بس مش عارف ليه حاسس ان التابلوه فقير فى خاماته

انا معجب بيها لكن هل النترا فى مصر هى نفسها اللى فى اوروبا وامريكا ؟

اقتباس:

---

المشاركة الأصلية كتبت بواسطة grandh135

انا معجب بيها لكن هل النترا فى مصر هى نفسها اللى فى اوروبا وامريكا ؟

---

لأ طبعا
اللي هنا مفيهاش immobilizer حتى
بره فيه regulations و standards أعلى بكتير من هنا
احنا هنا أعلى حاجة فيها abs بس ,بره ال ESP ده أساسي
ده غير طبعا abs و ebd و 2 airbags و eba

ده حتى غبور بيشيل بارات الحماية اللي في البيبان

الخلاصة المصري ملهاش أي علاقة باللي بتنزل في امريكا أو اوروبا

اقتباس:

---

المشاركة الأصلية كتبت بواسطة msalama

من خلال تصفحى لبعض المواضيع الخاصة بالالنترا الجديده فى المنتدى و جدت ان البعض متحامل على الالنترا الجديده جدا باظهار عيوب فى عفشتها او فى اتزانها ........الخ و اللى هو طبعا بعد استعمالى للعربيه لمده سنه دلوقت بالتمام و الكمال انا شاريها فى شهر 9/ 2011 مالقيتش فيها اى شئ من اللى بتكلموا عليه ده الملاحظ ان اللى بيفندوا عيوب العربيه أغلبهم من ملاك التيوتا أو النيسان أو الرينو اللى انا حاسس انهم مستكترين على هيونداى أنها تنتج عربيه زى دى

---

ممكن أعرف حضرتك بتقارنها بـإيه, يعني حضرتك جربت إيه تاني

عشان تحكم على اتزانها أو عفشتها أو خاماتها أو أي حاجة عموما :)

احنا لما بنقول الالنترا احسن سيارة فى امريكا قصدنا كسيارة انها ممتازة مش مهم الاوبشن يزيد او يقل لكن السيارة كسيارة جيدة لان فى بعض الناس بتشكك لسه فى الكورى مع انه حاليا افضل من اليابانى

اخى العزيز صاحب الموضوع
العربيه الالنترا ممتازه وشكلها ثورى وعربيه كويسه بالنسبه لمصر لكن
هل حضرتك تعلم ان العربيات اللى بتنزل مصر بتبقى اقل انواع العربيات فى الامان والاعتماديه والجوده
هل تعلم ان الانترا اللى خدت الجوائز دى مستحيل تلاقى واحده منها من اللى الوكيل جايبهم
ده غير ان الطرق فى الخارج مختلفا تماما عن الطرق فى مصر دى لو مصر فيها طرق اصلا
ملاك التيوتا والنسان والرينو اصلا موش مستكترين عربيه زى دى فى مصر لكن فعلا العربيه زيها زى اى عربيه فيها عيوب
وبترجع فى الاخر انا عاوز اشترى ايه وايه اللى ينفعنى والميزانيه اد ايه
اللى راكب صينى لو الميزانيه اكبر حايشترى كورى
واللى راكب كورى والميزانيه اكبر اكيد حايشترى يابانى وهاكذا
الموضوع مالوش علاقه بالحقد ولا الغيره ليه علاقه بناس بتفهم فى العربيات وتقدر تميز ايه الفروق بين العربيات موش فرحانه بعربيه وبتدافع عنها وخلاص
اسف على كلامى وتقبل مرورى

مشكورررر ..

اقتباس:

---

المشاركة الأصلية كتبت بواسطة Rsarabia

احنا لما بنقول الالنترا احسن سيارة فى امريكا قصدنا كسيارة انها ممتازة مش مهم الاوبشن يزيد او يقل لكن السيارة كسيارة جيدة لان فى بعض الناس بتشكك لسه فى الكورى مع انه حاليا افضل من اليابانى

---

+1

هو أنا مختلف معاك في نقطة الابشانز
أنا بكلمك في absو ebd و eba و esp كلها عوامل أمان
ده أنا كمان مكتبتش فرق الخامات و فرق الابشانز
بره بتنزل بـ اوتو بارك و أبشانز منحلمش بيها أصلا

عشان كده بيشتروها بره , عوامل أمان معقولة (بنسبة لبرة ) و أبشانز كويسة و خامات معقولة و صيانة سهلة و سعر كويس
برة عارفين إنها عربية استهلاكية و مش طالبين منها غير كده

بس مش زي عندنا هنا تلاقي واحد بيقارنها بـ octavia ولا focus
و يقولك أصلها دي مش عارف كام حصان و ال octavia كام حصان
اكن الدنيا كلها سبق ,مفيش بقى فرق خامات فرق أبشانز فرق عوامل أمان

و متلاقيش حد جايبها يجري بيها زي عندنا هنا

أنا شايف ان السق في مصر بيحكمه السعر قبل أي حاجه. الناس بتحط فلوسها كلها في العربيه فمفيش عند المشتري اختيارات كتير. اللي بيجيب الصيني مختارهاش عشان هيه أحسن عربيه ولكن عشان هيه اللي على قد فلوسه وكذلك اللي راكب كوري. الأوروبي والياباني كمان درجات. يعني رينو لوجان فئه والفلوينس فئه تانيه ومعظم الناس لو عندها ميزانيه أكبر مكانتش هتركب العربيه اللي هيه راكباها.

منجيش بقى في سوق بالشكل ده ونقول العربيه بتاعتي احسن من بتاعتك. ماهو اللي راكب النترا لو كان ميزانيته تسمح بأعلى منها مكنش جابها ولا فكر فيها وكلامى هنا عن الانترا بالذات لأن الموضوع عنها لكن ده يمشي على كل العربيات اللي تحت 200 الف جنيه تقريبا ورقم 200 الف أنا بعتبره الفاصل بين العربيات الوسط والعربيات العاليه.

كلام جميل جدا
الكوري فعلا تطور كتير جدا و لسة هيتطور تاني
و سبق كتير من الياباني في رأيي

بس الفكرة فيه ناس بتحط الكوري في مقارنة مع عربيات مش فئته أصلا زي ماحضرتك قلت
و كمان بتستخدمه استخدام خطأ

يعني مع احترامي لاي حد بس هيونداي دي عربيات مايتمشيش بيها أكتر من 140
بذات الهيونداي غير الكيا بصراحة راسية عنها

المشكلة في اللي مجربش الاعلى منها ,بيبقى مبالغ في وصفه ليها :)
و على فكرة معظم الياباني نفس الكلام برده ,بس ميزته الاعتمادية بتاعته
و ده اللي شافعله قدام الكوري والاوروبي