اللي معاه فكترا سي يندم لو باع و جاب الاسترا الجيده السيدان ؟؟؟؟
انا عارف الفكترا سي ملهاش حل (مع تحفظي الشخصي عالايزي ترونك)
انا مجربتش الاسترا الجديده .. ارجو لو حد جرب الاتنين الافاده
عرض للطباعة
اللي معاه فكترا سي يندم لو باع و جاب الاسترا الجيده السيدان ؟؟؟؟
انا عارف الفكترا سي ملهاش حل (مع تحفظي الشخصي عالايزي ترونك)
انا مجربتش الاسترا الجديده .. ارجو لو حد جرب الاتنين الافاده
انا مستنى رد واحد كدة ؟
هي الاسترا السيدان نزلت؟
انا مش هندم خالص طالما مش هسوق ايزي ترونك (مع العلم انا ماسوقتش استرا)
الى عاشور عاشور
واضح انك معاك او جربت الفيكترا سي
هل جربت الفيكترا بي او. بي2 ? لو اه ياريت تقولنا هل فيه فرق في الثبات في الهاندلينج ولا الاتنين متقاربين اصلي حاسس ان السي اعلى شوية من البي
Sent from my htc
انا جربت كل العربيات الاوبل لحاد موديلات 2008 ... وانا عامل الموضوع دا من حبي في الفكترا سي
مع تحفظي الشخصي على اليزي ترونك برضو وعلى فكره انا سويق مانيوتل يمكن عشان كدا بحس ان بالحمار اللي بينقل رجله تقيله عالدبرياج قوي ..المقصود الكنترول طبعا
وبالنسبه لمقارنه البي بالسي مع احترامي مينفعش خالص دي حاجه ودي حاجه تانيه خالص ...الفكترا بي محترمه جدا لاكن في رأيي الشخصي الفكترا سي وهميه.
انا معايا سي وبركب فيكترا من ١٣ سنه والاسترا غير الفيكترا حتى فى الجديده بس طبعاً مستقبلاً مفيش فيكترا واكيد البطيل المنطقى استرا وبالنسبه للأيزى ترونيك اللى بيعرف يسوقو معندوش مشكله وعايز تعرف ان العيب منك شغل مثبت السرعه واتفرج على العربيه وهى بتنقل هتزعل من نفسك والله وخير ان شاء الله
فهمي باشا:
1- كدا انت بتأكدلي احساسي اللي هوا الاسترا السيدان متنفعش تكون بديل للفكترا
2-موضوع ان لايزي ترونك لازم واحد يعرف يسوقو متفق معاك جدا وهيا دي مشكلتي مع الفتيس دا مش لاني مش بعرف اسوقه من غير كروز ولا حاجه انا ممكن محسسكش ان العربيه نقلت اصلا و اعرف اسقط غيار ولا غيارين وكل الحركات على فكره انا لو سايق عربيه مانيوال و عايز اثبت اللي ركبين معايا بنقلهم من غير مدوس دبرياج و بمنتها السلاسه
اللي انا اقصده بقى ان لو واحد عمره ما ساق قبل كدا ولا ساق مانيوال ولا اوتو المفروض كنترول الفتيس ملوش دعوه باللي سايق دا شكله اه .. انت مش مديني غير بنزين وفرامل تهندل انت الباقي بحرفنه لوحدك بقا.
دي وجهه نظري الشخصيه وشايف ان الموضوع كله محتاج تظبيط في السوفتوير لردود افعال الكنترولر و اللي سايق مش هيحتاج انه لازم يكون بيعرف يسوق ايزي ترونك انا بتكلم من المنطلق دا عشان انا دلوقتي بعمل سوفتوير للكنترول سيستمز و عارف يعني اه سوفت وير ذكي ميخرش الميه يتفادا اخطاء المستخدم .
و عيد سعيد عليك وعلى الناس جميعا
تحياتي
لو الفيكترا توب لاين ... هتزعل علي الاوبشنز الي هتروح منك
عاوز اوضح بس ان نقله الاسترا مش هي النقله الي نتمناها :( سلسه و مفيش نتش ولا رزع
لكن نقله بطيئه
عيد سعيد يا باشا وانا نفس الموضوع ومستحيل حد وانا سايق ياخد باو انى نقلت اصلاً حتى لو حرقت او غيرو انا بوضح موضوع المثبت عشان افهم اى حد ان العربيه لوهو مش عارف يسوقها ده عيب فى وهى لو هتنقل لوحدها هتكسف كل مفتي بيتكلم عن نتش ونقل غلط ومن ناحية بنزين وفرامل انا معاكةبس اسمالفتيس ايه؟؟؟:grinder: ايزى ترونيك يعنى مش اوتوماتيك وده له مميزات والاوتو له مميزات يعنى تسارع واستهلاك بنزين لصالح الايزى ترونيك صيانه مع الوقت الايزى ترونيك برضو ارخص يعنى المجوعه كلها الاسطوانه والديسك والكنترول ده يعنى لو هنفترض حظ هباب واحد عمل حادث وكسر الكلام ده المجموعه بحوالى ٨ الاف اما اى عربيه تانيه من اول هيونداى بيبتدى سعر الفتيس من٣٠ الف وانت طالع لحد ال١٠٠ الف جنيه والنظام دع مش جديد ده قديم جداً ومستمر الى اليوم فى اوبل يره مصر وفيات وفولكس وشركات كتير يعنى الكورساةالجديده بره مصر ١٢٠٠ ايزيترونيك وطبعاً لو كانت نزلت كانتةهاكون تحفه وارخص بكتير بس العقليات الضايعه بعيد عنك
هههههههههههههههههه فيكترا توب لاين نضيفه كان في واحده لحد الاسبوع الي فات
وبعدين صاحبعا غير رايه :)
الاسترا العاديه جرايه بعد ١٠٠
الفتيس نقلته محسوسه شويه
لكن بدون هرتله الايزي ترونيك
انا شخصيا الفتيس معندوش الجرأه انه يهرتل معايا :)
بالنسبة لسؤال العفشة والثبات
http://www.nilemotors.net/Nile/3874591050-post51.html
إسمحلى أختلف معاك، فـ نسخة واحدة بس:
الفكترا B2 موتور 2.0 16v العربية دى مفترية :evil:
ورأيى -قولته قبل كده- ان دى أجمد عربية Opel نزلت مصر!! وطبعا أعلى من الـC فـ الباور والهاندلينج والثبات، لكن عفشة الـC أحسن وفراملها أفضل حاجة بسيطة!
دى لو هتتقارن.. يبقى بالـinsignia 1.6T دلوقتى.
الموضوع أكبر من السوفتوير بكتيييييييييييير على فكرة!!
- ومين قال ان تشيباية الـMagneti-Marelli اللى فـ وحدة الـMecha-Tronic بتاع الجيربوكس-كنترول.. مش Smart؟؟!!!
بالعكس بقى، دى بتتعود بسرعة جدا على الـThrottle-input بتاع السواق.. وبتغير فـ الـShift-points فـ الـrpm حسب سواقتك (واضحة جدا)!!
شوف ياباشا
سواق الأوتو هيتخنق جدا من أى فتيس Semi-Auto أو حتى Dual-Clutch
وسواق المانيوال -العالى- مجرد ما يتعامل مع الفتيس ده.. هيعرف ان المانيوال ده -رغم عشقى ليه- المفروض يبطل ينزل؟!! هههههههههههههه
أنا بقولك الموضوع أكبر من السوفت ليــــــــه؟؟
فيه Electro-Hydraulic Actuator موديول وفيه طلمبة High-Pressure بـSolenoid-Valve
(اللى هما بيدوس دبرياج وينقل بدل منك)
الـpump فـ فتيسات الفيات-أوبل-فولكس أقصى ضغوط ليها 40-60 بار
زمن النقلة فـ الـUltra-Quick Shift mode مش بيقل عن 160 مللى-ثانية
(السواق اللى مابيعرفش يجريها.. ممكن يوصل لـ900 مللى ثانية، طبعا هيحس بنتشة مالهاش حل) :B4_556:
ودى أرقام متواضعة (بالمقارنة بفتيسات الـF430 والـM/// مثلا).. اللى بتوصل لـ30-80 milliseconds
دا غير ان أطقم الدبرياج اللى بتركب فـ العربيات العادية بتبقى مش High-Torque Capacity وبتسخن بسرعة.. فـ بتنتش فـ النقل!!
Rgds،
وكل سنة وانتو طيبين
ماهو الـShift-Time/Mechanism بتبقى حسب الـThrottle-input
وكذلك الـSmoothness أو الـHarshness -النعومة/النتشة حسب الرينج والسرعة؟!!
بص ياباشا أنا الفتيسات دى ليها معايا عشرة-طويلة!! هههههههههه
من أيام الألفا-روميو Selespeed فـ الـ156.. والفيات Dualogic فـ البرافو دلوقتى!!
شوف
هما الـ3 فتيسات (بما فيهم الـEasytronic بتاع أوبل) من شركة واحدة: Magneti Marelli
وحدة الـMechaTronic بتاع ماريللى.. ليها كذا mode فـ الشيفتات
يعنى: بيغير فـ ضغوط طلمبة الـActuator وزمن التعشيق حسب السواقة..
- دوسة عشوائية من سواق rookie هينقل ببطء -حفاظا على الـClutch والـPump، بس هتبقى فيه نتشة
- دوسة خفيفة أو متوسطة بس progressive بيكلتش بسرعة و بيعشق Smooth، والنتشة بتقل جامد جدا (وبعض النقلات مابتحسش بيها)
- دوسة ثقيلة أو سبورت Aggressive بينقل ويعشق بأقصى ضغط للطلمبة وسرعة لموديول الـActuator.. وطبعا ده آخر تحميل عـ الكلتش والمجموعة
(فـ الأخيرة: الصراحة ممكن تحس بالنقلة -عشان مش فارق معاه نعومة بقى المهم السرعة- وممكن تعدى Fast و Smooth فـ نفس الوقت)
أعتقد حسب النقلة والـrpm والـSynchro طبعا؟!!
معلش طولت عليكم.. بس حاجة أخيرة:
بس ماريللى بتقول عليهم 3-مود للشيفت
1- Normal-Shift mode
2- Fast-Shift mode
3- Ultra-Quick Shift mode
المود-الأخير ده هو اللى بينقل فـ 160-190 مللى-ثانية فـ فتيس البرافو، وده أعلى حاجة نزلت فـ عربية عادية بـSingle-Clutch
(وأعتقد بتاع الأوبل هو-هو بتاع الجراند بونتو بالضبط) 5-سرعات على فتيس M20 بتاع جنرال-موتورز!!
عندهم طبعا حاجات أسرع فـ الفيررارى F430 Scuderia.. ده اللى بيوصل 30-50 مللى ثانية
(ده أسرع حاجة فـ عربية road-legal بعد فتيس الـF1)
وعندهم حاجات للـBMW الـM5 القديمة، كان بينقل فـ 100 مللى-ثانية
وبرضه فيه الفتيس الجديد الـDual-Clutch أو الـTCT بتاع ألفا-روميو ممكن ينقل فـ 60 مللى ثانية فـ أسرع mode.. و 200 مللى ثانية فـ أبطا نقلة!!
كل سنة وانتو طيبين
ارفع لك القبعه ... بس الموضوع دا مش هوايه ؟ ولا شغل توكيلات حتى ؟؟ انا عايز اعرف اه حكايتك :S_thum1[1]::S_thum1[1]::S_thum1[1]::S_thum1[1]:
عندي شويه ملاحيظ ... انا مابصدق الائي حد عالي كدا
1- الاوبل الكنترول مفيهوش طلمبه زيت لكن فيه بيستون و اللي بيحرك البستون دا موتور دي سي انا فكيت الكنترول دا من سنتين تقريبا كانت عربيه استرا مسجله كلاتش اكشيواتور و لقيت الشربون خلصان.
و لاكس بتاع الموتور دا خارج برا الكنترول و ممكن تلفه بمفك كائنك بتدوس دبرياج مانيوال في حالات العربيه معشقه و مفيش بطاريه مثلا و عايز تزقها.
2-موضوع النتشه انا مش شايفله عذر بصراحه وانت سايق مانيوال و بتشد جامد الشاسيه بتاع العربيه بيتشال ويتهبد لما بتغير النقله بدون نتش خالص عشان انت مظبط رجلك طبعا ... الكنترول مش عارف يظبط رجلو دا شايف كل حاجه ال ار بي ام والكيلو متر و دوست رجلك و بعدين الthrottle موتوريزد يعني الكنترول ينفض للبدال خالص ويظبط !!! مفروض عند اسوأ ظروف الثروتل انبت ميتلغبطش .... الكنترولرز مفروض تتفوق عالبنيأدمين
لايمني عالسوفتوير بس وانا كفيل بيه :)
تحياتي ليك مره تانيه :)
بما ان في ناس فاهمه
انا غيرت طقم دبرياج من فتره و من يومها الفتيس بيخبط خبطه جامده (بينقل الغيار شحط) لما اكون ع الاول و جايب اخر الدواسه وتنقل علي اخر الار بي ام !!! ليه بقي ؟
ماشي يا سيدي
انا هبني كلامي عالاتي
1-العربيه مكنتش بتعمل كدا قبل كدا :) قبل متغير الطقم
2- مهم جدا جدا جدا الطقم الجديد اصلي بتاع العربيه
ل
واضح انك مغيرتوش في التوكيل
انت محتاج حاجتين بالظبط
1-بجهاز الاعطال TECH2 يتاخد هواء من دوره زيت الدبرياج هتلاقي جوا المينيو تحت الtransmission حاجه اسمها bleed دي فيها خطوات الفني هيتبع مع الجهاز واللي بيحصل ان الكنترول بيكارك وبعدين الفني بيفتح بلف لخروج الهواء.
2-تحت bleed هتلاقي في اختيار تاني touch point دا عشان الكنترول يرجلش نفسه على سمك الاسطوانه الجديده ... هدوس فرامل وتدي A وتكمل مع خطوات الجهاز هتلاقي العربيه بتشب بس مش هتمشي عشان انت دايس فرامل.
الخطوه دي الجهاز مش هيرضى يعملها والدبرياج سخن هيجبرك تستنا الدبرياج يبرد.
بعد كدا بعون الله اخرج جرب عربيتك هتتبسط ان شاء الله
متغير في التوكيل :)
والخطوات دي اتعملت الخبطه مستمره :(
انا فاكر كانت في عربيات فكترا بتعمل الخبطه دي لما بتنزل من تاني لاولاني و العيب دا بيتعاج في فرع الهرم والفتيس بيتفك
هههههههههههههههه
هو فعلا بيبقى شايف كل حاجة: throttle-position و engine-speed والسرعة!!
وزى مانت بتقول: هو بينفض للبدال، بيفصل الـinput الموتور خالص (الدواسة)
بس والله ليها ضبطة، أنا مش عارف أوصفها إزاى :embarrassed:
(وإنسى كل الكلام اللى بيقولك anticipate الشيفت وخف رجلك وقت النقلة أو العكس: إدى throttle blip) برضه بتنتش؟!!
- anyway السواق بيتعود عليها بسرعة جدا.. والصراحة هى بتحصل بس بين 1st-2nd والـ3rd إلى حد أقل!! بس برضه ليها Trick هههههههههههه
بالنسبة لنتشة بتاع الشاسيه: أعتقد دى قواعد فتيس؟!!
(خد بالك ان كلهم جيربوكسات GM الفيات والأوبل.. ودى معروفة بالعيب انها بتجيب قواعد بدرى، خصوصا لما تكون المواتير عصبية وعزمها عالى).
+1
لو ديسك وإسطوانة Valeo أو BorgBeck للأسف بتضبط بصعوبة
لكن لو طقم Luk.. مالهوش حل ده (أداء وعمر إفتراضى) وأعتقد هو ده الـoem بتاع الأوبل والألفا؟!!
وعندك حق..
لو فعلا procedure بتاع الـClutch-installation/re-learn اتعملت صح.. مفيش خبط ولا هبد (أيا كان الـclutch-kit هتفرق فـ العمر فقط)
- نسيت أقولك ان السيستم فـ الـ156 والبرافو بيعمل Automatic-Compensate for Clutch Tear/Wear
كل فترة بيعيد الـpin-point أو Touch-point aligment كل ما الكلتش يتآكل يعوض الـstroke أوتوماتيك
معرفش الإيزيترونيك نفس الكلام ولا لأ؟؟ بس أعتقد كل موديولز Marelli كده
يعنى انت متأكد انها سوفتوير؟!!! :ma:
هههههههههههه
سعدت جدا بالنقاش معاك،
الطقم luc فعلا :) اصلي من التوكيل و متركب عناك و الخبطه جديده
هي مش مزعلاني لاني مبحبش اجيب اخر الاولاني.... بس حاسس ان النقلات مش مرتاحه :(
اوقات كتير بيحصل خبطتين هاديين اووووووي مع كل نقله
بس عموما عندي قاعدتين موتور بايظين هغيرهم و اشوف
انما خبطه الاول للتاني دي بسمع فيها صوت التروس !!!
اروح منصور تاني ؟؟
في ليرن بيتعمل كده و هو رافع عجله ادام ! هو ده ؟
الموضوع دا ملوش دعوه بالدبرياج خالص على فكره :(
دا لو فكيت الموتورين بتوع السيليكت والتعشيق (زي ما في المانيوال بتحرك العصايه شمال و يمين عشان تختار الحاره دي ليها موتور مسؤل عنها و بعدين بتحرك العصايه ادام او ورا دي ليها موتور تاني مسؤل عنها )
او لو غيرت كمبيوتر الفتيس
او لو فكيت الفتيس و عملت فيه شغل (الفتيس نفسه مش الدبرياج)
الحركه دي الكنترول بيعرف اماكن الحارات بالظبط عشان الغيار يعشق بسلاسه
لو الموضوع دا فيه مشكله هتلاقي نقله بعينها مبتجيش .. مثلا العربيه بتجيب اولاني عادي وبعدين تاني تيجي عالتالت تتنح وبعدين تديك الاف المحترمه ...fault .... اعوذ بالله ولا قدر الله
و لو عملت ال learning parameters والفتيس بتاعك فيه مشكله ميكانيكيه .. العربيه هتديك F ومش هترضى تدور حتى
على فكره انت موضوعك مش عويص خالص ... انت عايز تروح لحد غير طقم دبرياج ايزي ترونك قبل كدا مش عارف توكيل ازاي دا .. دا مفروض يتقفل خالص.
طيب ياجماعة انا كنت سائل من فترة ع سحب الفيكترا سي ضعيف عندى والاستاذ خالد واستاذ احمد قالولى حط مع تفويلة البنزين سائل كلينر بتاع لوكي مولي
انا جيبته من محطة بنزينة سائل تاني بيأدى نفس المهمة ب 25 ج صنع انجليزي عادى ولا ارجعه واجيب لوكى مولي ولا كله بيؤدي نفس الغرض