صني 2013 سوبر صالون ولا كورولا 2007 ولا بومه2013 ولا اوبترا2013 ضرووووووووووري محتاج مساعدتكم :bye2::bye2::bye2:
صني 2013 سوبر صالون ولا كورولا 2007 ولا بومه2013 ولا اوبترا2013 ضرووووووووووري محتاج مساعدتكم :bye2::bye2::bye2:
شوف الموضوع ده وهيساعدك فى قرارك :ask:
تقرير استلام نيو صني والقول الفاصل في المزايا والعيوب
شكرا ياريت رودود اكتر
بص لو ليك فى المستعمل وقدام تويوتا كورلا 2007 1600 سى سى ومحترمة وحالة الماتور كويسة وماشية كليوهات معقولة مع استخدام نظيف يبقا تويوتا افضل
لكن لو عايز حاجة زيرو .. يبقا السوبر صالون الصنى الجديدة .. اوبشن ووسائل امان والاهم خدمة ما بعد البيع افضل
تحياتى ليك
نيسااااااااان صنى افضل
لي رأي تاني .. طبعا كورولا 2007 لكن حضرتك هتشتري عربية بقالها 6 سنين يعني هتبتدي تفتح معاك في مصاريف قطع غيار اساسية .. لكن شراؤك للصني 2013 سوبر صالون عربية جديدة و قطع غيار متوفرة و ضمان 3 سنين كمان او 100000 كيلو
ربنا ييسر لك الخير
حرام تسيب زيرو وتجيب عربيه بقالها 5 سنين شغاله
اوبترا مفيهاش اي وسائل امان ولا اوبتشنز
بوما شكلها قدم وكفايه قوي عليها كده
لو تقدر تذود شويه وتجيب شارك يبقي بركه
لو مفيش يبقي صني
الف شكر ليك يا جماعه وانا خلاص هستقر على الصني بس قولولي ايه اخبارها 2013 الجديده السوبر صالون مش 2012 الاي اكس واشتريها منين وهي نزلت اساسا ولالا وانتو ايه رايكم في اختياري حلو كده ولالا
يا غالى الكورولا ممتازة بس لو نفس الفلوس هتجيب بيها زيرو وفرق ست سنين أعلى أعتقد مفيش مجال للتفكير والمقارنة ... الزيرو زيرو يا معلم ... بس أنا ملاحظ الناس كلها بترشح نيسان صنى ... مقابل لانسر بومه ... بصراحة أنا مجربتش الصنى الجديدة لكن لو الشكل القديم يبقى لانسر بومة أفضل أكيد تقفيل اليابانى يابانى ... وتقفيل المصرى مصرى النيل رواه والخير جواه :)
انا معاك فى اللانسر .. وانا بحترمها .. بس اللى بضمان الوكيل سعرها كام اللى فيها على الاقل مش اوبشن كامل .. خاليها نص اوبشن عشان متبقاش فاضية
غير ان خدمة ما بعد البيع فى متسوبيشى مش بتقدم بنفس مستوى نيسان
وكمان الصنى 1500 سى سى وحتوفر معاه .. والسبور صالون فيها كماليات مش بطالة
وصدقنى انا بحترم الانسر جدا جدا .. بس بصراحة برفع القبعة دايما للتويوتا حتى لو كانت مستعملة .. بس مش اى مستعمل ..
فالو زيرو يبقا الصنى حتكون اختيار ممتاز له
وبعدين ياريت صاحب الموضوع يقرا شويتين فى قسم متسوبيشى ويقلب فى موضوعاته وقسم تويوتا ونيسان لان القراء حتفيده جدااا فى الاختيار وحيرتاح
والسوبر صالون فى تقريرن عنها .. بس تقارير الملاك لسه محدش استلم .. بس هى هى نفس الex فى الماتور والعفشة
ماعدا الاوبشن وده وضحناه
تحياتى
حضرتك لو لاقيت كورولا موديل من 2002 ل 2007 ماشيه قليل وحالتها نضيفه تجيبها فورا وانت مطمن لانها عربيه كفاءه وصناعه يابانى 100% وجوده ممتازه ودا مش كلام لان الفعلى هو اللى بيدل وبعدين سعرها ماسك نفسه فى السوق واغلى من عريبات تانيه زيرو ومن النادر لما تلاقى واحد عايز يبيعها والاهم فى اى عربيه التقفيل بتاعها لان دا هو الاساس اللى بيخليها تستحمل معاك الشوارع المكسره بتاعتنا .
لانسر
صني سوبر صالون ان مكانش يبقي العادية الاوتو
اولا: انا لا افضل شراء مستعمل وبثمن يساوى او اعلى من الزيرو كمان زى الكورولا ايا كانت حالتها حرام اوى ادفع فوق ال100 الف ج فى عربية بقالها 5 سنين حتى لو كانت مرفوعة كمان !!!
ثانيا: لو هافاضل بين الزيرو اول حاجة افكر فيها خدمات ما بعد البيع والصيانة وساعتها بالترتيب هايكون نيسان صنى - ميتسوبيشى لانسر - شيفروليه اوبترا .. مع الاخذ فى الاعتبار اللى يشفع لللانسر انتشارها وسهولة صيانتها برة التوكيل عند اى ورشة عادية والعربية تحفة وانسى الاعطال لكن الامر ما يسلمش ع الاقل فى فترة الضمان ودى نيسان بتتفوق ع الجميع فيها ..
طبعا الزيرو لا بعلى عليه وليه فرحته مع الاخذ فى الاعتبار مايلى
لانسر :شكل استهلك وبقاله سنين كتير
اوبترا:تقليديه بدون اوبشنز
صنى الجديده: رايى الشخصى شكلها وتصميمها سئ جدا
طبعا كورولا 2007 لا يعلى عليها بس خد فى الاعتبار ان المستعمل زى البطيخه يعنى لو ضامن وعارف اللى هتشترى منه يبقى توكل على الله فى الكورولا غير جده يبقى الصنى