الموضوع: صور للجميله ( بيكانتو الجديده )

المشاركة الأصلية كتبت بواسطة mohamed1992

معلش ازاي البيكانتو الخليجي ب 59 الف وفيها اير باج و كاسيت cd واربع سماعات و تكيف و اوتوماتيك وباور


والمانيوال الي اكصدمات سوداء و تكيف و باور و بدون كاسيت ب 61 الف ممكن اعرف ليه

الخليجي ارخص من العادي ومع ان الخليجي اوتوماتيك انا طبعا لو مكان اي حد اشتري خليجي اوتوماتيك ب 59 الف

أولا بحب اشكر حضرتك علي مشاركتك.

ثانيا انا مش متأكد من السعر دا انا سائل عليها من حوالي شهرين .

ثالثا محمد نصير لا يضمن هذه السيارات ولو حصل معاك مشكله في الايبراج حتعمل ايه ؟
حتروح لورشه تبع المعرض اللي اشتريت منه السياره :)

رابعا ودا الاهم فرق السعر بين الخليجي والمصري معروف والخليجي عمل مشكله معا احد أعضاء نايل موتوز بسبب التكييف تقريبا طلع متركب هنا في مصر

خليك في المضمون وادفع زياده مش مشكله بدل ماتندم

ومحمد نصير ناوي بأذن الله يعيد انتعاش سوق كيا في مصر وابتدا ينزل اسعار قطع الغيار .ليحقق الانتشار

المشاركة الأصلية كتبت بواسطة mohamed2002

شكرا علي الصوريااحمد ,الريتمو باي باي ولا اية؟

ألعفو يااستاذ محمد يارب تكون الصور عجبت حضرتك . بالنسبه للريتمو هيا لسه معايا مستني لما جاري ياخدها علشان اروح اجيب البيكانتو بأذن الله :)

حضرتك منور علي فكره :)

الله يبارك في حضرتك بأذن الله ربنا يكرمني واقدر افيدكم و دعواتكم الكريمـه :)

شكرا جدا عالصور بس أنا شفنها عند الطارق-كارفور إسكندريه- هي لذيذه وحلوة بس من ورا جميله جدا بس قدام فيها حاجه غلط ... بس القديمه أحسن من قدام لأن فوانيس القديمه تديك أحسحس أنها كبيرة شويه لكن الجديده كبر حجم الفوانيس مصغر الكابوت ومضيعه هوية السياره ..
بس بجد الخليجي أوتوماتك ؟؟؟؟ أكيد يعني ؟؟؟؟
محدش يعرف سعرها في الكويت كام ؟؟ وكام يكون سعر جمركها ؟؟؟ محدش يعرف حد في الجمارك يسألهولي بالله عليكو ..

شوية و كل الناس حتتعود على شكلها الجديد و حيبقى احلى من القديم..انا معايا القديم و شايف ان الجديد احلى(بالذات اللون الفيرانى اعتقد منزلش فى القديم)..ركبتها فى المعرض الحجم هو هو الاختلافات نفس اللى قاله نادر

ربنا معاك يا احمد والف مبروك مقدما
البيكانتو عربية جميلة فعلا وانا شايفة انها احسن واحدة موجودة فى الفئة دى
ولولا انى كنت عايزة عربية اكبر حجما وعائلية ماكنتش فرطت فى بيكانتوتى ابدا
والله وحشتنى العربية دى