الموضوع: الكنبة والكرسيين

كنت عايز أعرف أشتريهم منين وأحسن نوع أيه وأسعارهم ؟ ولو خليت السروجى أشتغل أحسن وتكلفتة تقريبا كام ؟
محتاج نصائحكم

المشاركة الأصلية كتبت بواسطة amr_naser

هو انت لو مش عاجبك شكل الكراسى ممكن تروح تشترى اى كرسيين استيراد من اى نوع عربية يعجبك كراسيها ويتظبطوا على قواعد كراسى عربيتك ولو جبتهم بقواعدهم يبقى احسن واغلب العربيات الحديثة حتلاقى الكرسين فى حدود 300 جنية ولو كهرباء حتلاقيهم فى حدود 800 جنية
طيب ميزة الكراسى اللى عندك اية اولا لو اتكسروا بيتصلحوا عكس كتير من الحجات الجديدة كمان ممكن يتنجدوا مرة واتنين عادى جدا كمان فى التنجيد انت بتختار الالوان والخامات اللى انت عاوزها وطبعا كدة كدة انت حتنجد الكنبة اللى ورا لأنها مناسبة للعربية اكتر من اى حاجة تانية وفرش الابواب كمان ممكن تكسية بحيث يبقى شكلة حلو وعلى العموم لو انت حتعمل العربية كلها يعنى حتنجد الكراسى والكنبة وتعمل فرش الابواب 4 وطبعا حيعمل لك حلية لعصاية الفتيس حتدخل فى تكلفة حوالى 700 جنية تقريبا (دا طبعا الجلد العادى اللى موجود عند السروجى لكن فية جلود بيكون ليها مميزات واشكال وكمان قوة ومتانة يعنى انا كنت عامل فرش للعربية وبعدين الفرش جديد ولقيتة نقر من طرف الكرسى اكتشفت ان النقر دى من الكباسين اللى بتبقى فى جيوب البناطيل الجينز وطبعا دا بهدل الفرش وهو لسة جديد ودا عشان خامة الجلد سهل انها تقشر غير انواع تانية بتكون اغلى شوية والاحسن انك تنزل تشترى الخامات بتاعتك بمزاجك انت
وبعدين عندك جينز كار عامل شغل حلو اوى ادخل اتفرج علية وشوف تعليقات الاعضاء اللى عملوا عندة وكمان من خلال الصور شايف ان شغلة حلو جدا وكمان مش غالى وربنا يوفقك

تسلم يا بشمهندس كل سنة وحضرتك طيب هتابع وأرد على حضرتك