الموضوع: شكرا للادارة على منحي وسام التكريم

السلام عليكم ورحمه الله
كل سنة وانتم طيبين
انا كمان جالي استفسارات كتير
على اي اساس بيتم منح وسام التكريم
الفكرة جاتلنا بصراحة من اننا كنايل موتورز ورغم انه منتدي سيارات من الطراز الاول
والحمد لله يعتبر حاليا اكبر واقوي منتدي سيارات في مصر وبقالة كذا سنة ولذا متربعين والحمد لله
الا انه بيميز المنتدي وجود روح صنعها كبار اعضائة
وبما ان بعض الاعضاء مالهمش في العربيات كاراء متخصصة
لكنه اصبح فاهم عربيتة وبيقدم نصايح بناء على اللي بيتابعه هنا وارتفعت ثقافتة السياراتية بشكل ملحوظ
وكمان الاشخاص دي عندهم انتماء كبير للمكان ومن اقوي الداعيين ليه سواء في العمل او الاصدقاء والمعارف
فاحنا بدورنا كادارة مكان حابين نقولهم شكر عن مجمل سنوات وجودكم ومجمل مشاركاتكم في المنتدي
واللي خلت للمنتدي طعم وروح مختلفين ومتميز بيهم جدا جدا وده ظاهر لاي زائر
واوسمة التكريم مش مرتبطة ميعاد ولا اعمال معينة
ويمكن ترشيح اي شخص ليها
والادارة ليها النظر والرؤية عن مجمل التواجد عن المنتدي
وتاني حابب اقول لكل اللي نالو اوسمة ده اقل من اللس تستحقوه
وكل عام وانتم بخير