دي حاجة عادية جداً ماتقلقش منها وهاتروح مع الوقت, ده تطبيع التيل والطنابير .... أما لما ترجعلك تاني بعد الـ 5000 تبقى تروح تنضف التيل بإذن الله
عرض للطباعة
دي حاجة عادية جداً ماتقلقش منها وهاتروح مع الوقت, ده تطبيع التيل والطنابير .... أما لما ترجعلك تاني بعد الـ 5000 تبقى تروح تنضف التيل بإذن الله
لو سمحت ارجوا عدم اللعب في العربية ايا ً كان السبب .. اللي انت قلقان منه .. تتصل بالتوكيل و تحجز ميعاد و تروح تكشف انما لا تنظف التيل و لا الطنبورة و لا اي شيئ
و مفيش حاجه اسمها تيل يبوظ بعد 1500 كيلو ..
غالبا الصوت داممكن يكون نظافة او تطبيع لانه كان عندى وبعد كده راح لوحده وماتحولش تغامر وتروح لاى حد بره التوكيل لو فى اى حاجة حاسس انها مش مطمناك روح التوكيل وخصوصا العربيه فى الضمان
معلش اسف لكن ارجو ان الناس ما تفتيش التيل بيفرمل العربة بكفاءة عالية اعلى من الصنى القديمة و التيدا كمان
الكلام ده مضبووووط 100 % و انا علمت ان فى ناس ما عندهاش الصاجة دى اصلا فى العربية او موجودة بس نوعيتها غير مناسبة (صاجة الفرامل الخلفية) الصاجة دى حتتغير فى الصيانة (على حساب المصنع مش على حسابك ) و حتتوفر فى القريب جدا و حتتحل مشكلتها زى ما اتحلت مشكلة كاوتشة المساعد من قبل بكاوتشة انسب
ده غير ان التيل كمان محتاج يتنظف
والله حضرتك انا مش بفتىاقتباس:
معلش اسف لكن ارجو ان الناس ما تفتيش التيل بيفرمل العربة بكفاءة عالية اعلى من الصنى القديمة و التيدا كمان
انا بحاول بس اساعد ( فبالتلى مينفعش انك تغلط فيا )
ومن خلال ( خبرتى ) فى السيارات مش من خلال ( الفتى )
اللى بتشتكوا منه ده لا ينتج الا عن تيل ناشف وده ملوش اى علاقه بجودة الفرمله اللى حضرتك بتقول عليها
وشكراٌ ليك
يا باشا انا ما غلطش فيك
و فى اخ مش عضو هنا عمل اللى انتا قلته ده ( ركب تيل تااانى غير الاصلى عشان الصوت و كانت النتيجة ان الطنابير اتاثرت و احتاجت اعادة خرط ثم تغيير التيل تانى للنوع الاصلى) و انا اعتبرته فتى و دى مش شتيمة العضو سال و انت افتيته
لكن الفتوى دى فى هذه الحالة طلعت مش مظبوطة
و المشكلة عندى (يعنى انا عارف انا باتكلم باقول ايه) اختفت بعد تنظيف التيل من التراب ده غير ان فى حاجة تانية حتستبدل و هى صاجة الفرامل الخلفية ( دى تكملة الحل)
و حضرتك تجاهلت انى قلت لك فى اول الكلام" اسف معلش " لانى باتكلم و انا حريص على مشاعرك ولا اقد انى ازعلك
و قلت اسف ماعلش حتى قبل ما اقول "ارجو"
و شكرا و اهلا بك فى قسم نيسان
شكرا ع النصيحة يا استاذ عصام ..
لكن للاسف هذا الحل لا يصلح لسيارات نيسان لأن منظومة فرامل اى عربية نيسان وخامة التيل والطنابير الاصلية تختلف 100 مرة وبعيدة كل البعد عن اى نوع موجود فى السوق حتى وإن كان افضل فى عربيات تانية
حصل خير .. وشكرا على معلوماتك
الف شكر على اهتمامكم بالرد عليا
واكيد مالك العربيه هيبقى ادرى بيها لأنه هو اللى شايف المشكله اما انا بقول رأى على السمع بس
تقبلوا تحياتى
وكل عام وانتم بالف خير
شكرا جزيلا لكل الاخوة اللى اهتموا بالرد و انا فعلا هحجز ميعاد عند السبع بس بعد اجازة العيد ماتخلص و يارب الاقى الصاجة المذكورة لان فعلا الصوت جاى من العجل الخلفى و كل سنة و انتم بخير