تحذير من سيارات ام جي

**crazy car** · 20-08-2014 09:37 AM

المشاركة الأصلية كتبت بواسطة redbull_30

سوق السيارات في مصر .. هو سوق منساق غير مبني على اسس حقيقية
لو دخلت جوا اي حد راكب كيا او هيونداي هيقولك يا ريتني ما سمعت كلامهم واهو هتاخد وقتها وخلاص وهبقى اغيرها ..
نسبة كبيرة من الناس بتفكر في اعادة البيع قبل اعتمادية العربية ..
بس الناس هتفهم في العربيات ازاي وهم مبيعرفوش يسوقو اصلا !!

مع احترامى مالها الهيونداى والكيا
طبقا للاحصائيات العالمية موش كلامى تفوقت على العديد من السيارات الاوربية من ناحية الاعتمادية وأصبحت من خامس اكبر الشركات العملاقة فى تصنيع السيارات وفى خلال خمس سنوات الجميع متوقع ان تحتل القمة

**hady1st** · 20-08-2014 08:04 PM

مهموز طبعا
هى يعنى شركة نيسان بكل فضايحها شريفة
ولا جايين على شركة محترمة فعلا ... كلنا عارفين انها صينى
وبعدين اللى مبشترى مش اهبل للدرجادى
ياراجل .... لو روحت تشترى بسكلتة لازم تعرف عنها كل حاجة
بلاش قلة ادب ياراجل

**mosaudi** · 20-08-2014 08:47 PM

یا شباب تلاقی التوکیل مدفعش کویس بس
ما کل العربیات اللی فی مصر مش تقفيل بلادها
الشفروليه كوري علي صيني
الرينو و البيجو ايراني علي تركي علي مغربي
التويوتا جنوب افريقيا
و بعدين الناسوكلها عارفة انها عربيه صيني

**mr.moustafa** · 20-08-2014 10:25 PM

الفكرة مش انهم اتحولوا للتحقيق لأن ده الصح و الطبيعي
الفكرة ان في بلدنا مصر الفساد تحت كل بلاطة و المنتجات بتاعتنا كلها مضروبة و مافيش تطبيق للقانون
كون ان في الحالة ديه يتم تطبيق القانون و فيه ملايين حالات الغش التجاري ألعن و أضل و مافيش اجراءات ضدها
اذن ده خازووووووووووووووووق

**amirz** · 21-08-2014 07:43 PM

والله انا شايف ان الواحد يبعد عن اى حاجة مجهولة من اللى بتطلعلنا اليومين دول ويريح دماغه

**RedBull_30** · 21-08-2014 11:25 PM

المشاركة الأصلية كتبت بواسطة crazy car

مع احترامى مالها الهيونداى والكيا
طبقا للاحصائيات العالمية موش كلامى تفوقت على العديد من السيارات الاوربية من ناحية الاعتمادية وأصبحت من خامس اكبر الشركات العملاقة فى تصنيع السيارات وفى خلال خمس سنوات الجميع متوقع ان تحتل القمة

ممكن أعرف وجهة نظرك في اعتمادية الهيونداي والكيا عن السيارات الاوروبية ؟
و هحاول اسهل على نفسي ان افهمك وهيكون كالاتي
جرب تحط عربية كورية و تكون قدامها واحدة اقل منها من السيارات الاوروبية ..
والله يا فندم ما اقصد اي شيء من نقاشي غير ان بتكلم في حجات معروفة ومقصدش اهين اختيار غيري او اقلل منه .
تصميمات الكوري جميلة لكن مش اعتمادية

**ahm.mega007** · 26-09-2014 03:21 PM

متابع وتقرير محترم

**borio1704** · 30-09-2014 12:22 PM

MG شركة انجليزية مقرها في برمنجهام - إنجلترا ، بدأت تصنيع السيارات منذ عام 1920... وهي مملوكة بالكامل لشركة سياك موتورز الصينية.

اشتهرت في الأساس بتصنيع السيارات الرياضية "كوبيه" والمكشوفة منها المعروفة باسم "رودستر"

ولكنها كانت تصنع سيارات الصالون أيضا.. ربما بنجاح أقل.

وابتداء من الستينات.. لم تصمم سيارات صالون، وإنما كانت تعتمد السيارات الشقيقة لها في المجموعة (مثل أوستن وليلاند وروفر) لتنزل باسمها.

تعرضت الشركة لعدة حالات من الفشل .. مثلها مثل معظم علامات السيارات الإنجليزية.. وتم شرائها من عدة شركات.. حتى ضمت إلى مجموعة BMW في عام 1985.. ومنها إلى مجموعة روفر .. إلى أن تم إقفال خطوط إنتاج الشركة رسميا عام 2005

https://en.wikipedia.org/wiki/MG_Cars

في عام 2005.. اشترت شركة "سياك" الصينية أصول الشركة وحقوق الماركة التجارية

https://en.wikipedia.org/wiki/MG_Motor

...

**chef** · 24-10-2014 07:14 PM

المشاركة الأصلية كتبت بواسطة wael30003

متابع عشان اوصل للحقيقة

بس بصراحة انا قبل ما اشترى عربيتى رحت معرض اوتوماك اخبار اليوم

وشوفتها وركبتها طبعا داخل المعرض

العربية تحفة يتركب مش عايز تنزل

حت البدى الخارجى ملمسه تشعر ان الخامة الداخلة فى تصنيعه لها بريق واحساس خاص

بس طبعا صرفت نظر عنها

طبعا عشان سعرها كان عالى بالنسبة لى بس العربية تحفة من غير ما تسوق

داخليا وخارجيا بس ما اعرفش امكانتها ميكانيكا ايه ؟

وعلى فكرة قالوا انها صينى فى المعرض

واساسا اى حاجة تنزل مصر دلوقتى بيكون توكيل البلد ولكن الصنع فى الصين فى معظم المنتجات لانخفاض تكلفة الايدى العاملة

والصين اصبحوا اسود مش نمور

الصين القوة الثانية على العالم

اقتصاديا المركز الثانى فى الدخل القومى ازاحت الوحشين من المركز الثانى والثالث فى 2010 و 2011

اليابان والمانيا

والمركز الثانى عسكريا

والمركز الاول اوليمبيا ( اوليمبياد بكين )

واحنا متابعين يشغف شوف احنا ملناش حل

اجدع ناس تتفرج