الموضوع: لانوس 2007 راشه فرده شاسيه تسوى كام

صاحبى عاوز يدخل اوبترا فى لانوس عشان ياخد فرق المهم اللانوس موديل 2007 وكانت مخبوطه من ادام وراشه فرده الشاسيه ادام جنب واحد بس

العربيه دى تسوى كام فلوس عشان يعرف يتكلم فى الفرق وهل فيه مشاكل من العربيه دى لو اشتراها هو بيقوللى العربيه زى الفابريكه من جوه ومن بره حالتها كويسه بس عيبها الوحيد الرش ده
وصاحبها كان طالب 45 الف وانا قولتله كتير طبعا وهو عاوز فى الاوبترا بتاعته 60

ياريت تقولولى اقوله فى رنج كام لو حياخد اللانوس دى

المشاركة الأصلية كتبت بواسطة haissam24h

يعنى الانوس بالوضع ده من 37 بالكثير لان رش شنب غير رش فرده شاسيه داخليه كاملة

يعنى هو يقول لصاحبها 33 مثلا ولو وصلت ل 35 تبقى معقوله

المشاركة الأصلية كتبت بواسطة ahmedeg1

فردة شاسيه ده شيفورليه لانوس موديل 2010 فبريكه هاف اوبشن تعمل 50 الف و هوا عاوز 45 الف
يا باشا دى كبيرها 30 الف

والله انا عن نفسى غلبت فى حكايه سعر الانوس دى بالزات
يعنى واحد معاه لانوس 1 تسعينات بايعها ب 40 الف وهنا اسمع ان ال 2010 ب 50 وبره اسمع ان ال 2006 ب 50 الف برضه هههههههههه

عشان كده احتارت اتمن العربيه اللى معروضه على صاحبى ده مع انى بتمن عربيات كتير لصحابى لكن اجى عند الانوس واقف لانى مش عارفلها سعر بصراحه كل شويه الاقى سعر شكل غير التانى خااااااالص

بس اللى واثق منه انها مش حتتباع ب 30 لان التجار حيحطو فيها سعر اكتر من كده صدقنى فصاحب العربيه استحاله يبيعها بالسعر ده
ده كتر الف خيره انه عنده ضمير وقال لصاحبى على اللى فيها ملبسهالوش وده لان صاحبى عنده ضمير وقال برضه ان عربيته راشه شنب

المشاركة الأصلية كتبت بواسطة tarek_2005

ميركبش اللانوس دي لو ببلاش

ليه بس يا بشمهندس يعنى لو واحد من المنتدى هنا عربيته اتخبطت خبطه جامده وحيرش فرده شاسيه يبيعها ببلاش وميركبهاش تانى ؟؟؟؟
ما احنا بتشوف صحابنا هنا فى المنتدى عاملين حوادث وبننصحهم يصلحو عربياتهم فين وازاى وبعد كده بترجع عادى وماشيين بيها
مهو استحاله يكون كل اللى فى المنتدى راكبين عربيات فابريكه دواخل ده غير اللى فاكر ان عربيتاه فابريكه وهى راشه واضحك عليه وميعرفش

عموما انا ضد تغير نص او ربع والكلام ده لكن لو خبطه واتصلحت ايه المانع ما التوكيل نفسه واصحاب المعارض لما عربيه من العربيات الزيرو اللى عنده بتتخبط بيرشها ويبيعها تانى يعنى هو حيشربها واللى بيشتريها بيبقى فاكر انها فابريكه دواخل وخوارج على اساس انها من التوكيل او معرض محترم