مهزلة فى مدينة 6 اكتوبر

**MASERATI** · 28-10-2012 05:11 PM

السلام عليكم و رحمة الله و بركاته

هى 6 اكتوبركده, ده على كده بأه الواحد مايعرفش يركب الفيررارى فى الويك اند الجاى !!!!!

يا باااااااااااااااااااااااا اااااااااااى, أهى دى الحاجات اللى بتخلى الواحد يكره البلد و يبقى مش طايق !!!

**khaled_legend** · 28-10-2012 05:30 PM

المشاركة الأصلية كتبت بواسطة y a r i s

ههههههههههههههه
انا شوفت واحد ومراتوا عند باب جامعة سته اكتوبر نزلو وشمروا بنطلومتهم وكمامهم وفاتحين باب عربيتهم قاعدين ياعيني يغرفوا بايديهم في دواست العربية ويشيلوا المية بايديهم و يرموها بره عربيتهم ههههههههههههه كانهم بيبلبطوا في بانيوا. او عارف لمن تكون راكب مركب بتغرق .... وكان نفسي اقولهم اجبلكم كووووز من بيتنا ههههههههه. ابقوا اعملوا بلاعة بغطى في ارضية العربية

فعلاً طرق اكتوبر كلها زي الززززززفت

هاهاهاهاهاهاهاهاهاهاهاهاه اهاهاهاهاهاهاهاها حرام عليك هموت من الضحك

المشاركة الأصلية كتبت بواسطة elawany13

واضح كده ان السيارة البرمائية مبقتش رفاهية
بقت ضرورة وملحة كمان

هاهاهاهاهاهاهاهاهاهاهاهاا

**mero100** · 28-10-2012 05:52 PM

فكرتني بأيام ما كونت جايب اللانوس زيرو و كان بقالها أسبوع بس ..
و كانت بشوكها يا ريس ..
و المطره كانت مظبطه الشوارع ..
و كنت خارج من شارع الطاقه اللي فيه البوابه الخلفيه للنادي الأهلي .. و خارج علي طريق السويس و الساعه كانت حوالي 5 المغرب في شهر يناير ( عشان تتخيلوا كميه السقيع) و لقيت بحيره بمعني الكلمه .. و ولا عربيه عالطريق .. و طبعا أنا بحب التلج و فاتح الإزاز يمين و شمال و السجاره ف إيدي و سلطان زماني.. هديت خالص و مبقتش عارف أمشي من الميه فعلا و طلعت بالعربيه في نص الطريق (والله معرفش عملت ليه كده) يمكن خفت من أي بلاعات صرف مفتوحه علي جنب الطريق .. المهم مشيت علي سرعه 10 تقريبا في نص الطريق و الميه واصله لغايه نص الباب ..

طبعا إنتوا عاوزين المفاجأه :-)

المفاجأه كانت إني لمحت في ثانيه في مرايه الصالون أتوبيسين كبار جايين بسرعه كبيره و واحد منهم بيجي يميني و التاني بييجي شمالي ..
أدركت ف جزء من الثانيه اللي حيحصل و إيدي بتدور علي زرارين الإزاز .. ملحقتش ..
و عينكوا ما تشوف الا النورررر..
إستحميت بالكامل شعر و وش و نضاره و بقي و الصالون بالكامل .. و مشفتش حاجه لمده دقيقه مثلا لأني قلعت النضاره يا إخواننا مبشفش من غيرها .. لقيت الإزاز رمادي غامق .. إديت إنتظار و وقفت مكاني إجباري .. لمده دقيقه تقريبا ..
مسحت النضاره و إديت مرش عالإزاز و رجعت البيت متبهدل ..
العربيه إتغسلت كيماوي و هيه مكملتش أسبوع.

اللي مجنني الأتوبيسين ليه عملوني ساندوتش كده ؟
حرمت ألاقي ميه علي طريق سريع و أهدي

**mr_safwt** · 28-10-2012 05:54 PM

المشاركة الأصلية كتبت بواسطة y a r i s

المشكلة الحقيقة ان عندك عربيات واطية كتير زي مثلاً فيرنا او لانوس منسوب المية. بيبقى مرتفع في بعض الاماكن وبيوصل. لنص متر يعني بتلاقي المية طالعة فوق الرصيف .... الجهاز كتر خيروا عمل ارتفاع الرصيف نص مترررر. حتى اياميها كنت معترض. لان مفيش راجل كبير او ست كبيرة في السن تقدر تتسلقوا غير لو خدت كورسي صغير معاها او حتى سلم .... اتاريهم عاملين حساب الامطار فخلوا الرصيف عالي كده ولا رصيف مرسى السوفن ههههههه

المهم ان المية بتتسرب من جلدة الباب وتخش داخل الكبينة بتاعت العربية .... وغير كده كمان عندك ارتفاع منسوب المية للعربيات الوطية. بتلاقي نفسك لو مكبستش بانزين وانتا داخل على. البحر هتلاقي المية تخوش. في فتحت الشكمان وبالتالي العربية تتخنق وتبطل منك وانتا في نص البحر ولو عطلت منك هتتطر تنزل تزوق علشان تركنها على جنب .... وبمجرد ما تفتح الباب ههههههه هتلاقي المية تدخل بزايدة لقلب عربيتك .... فمفيش حل احسن. غير انك تنط من شباك العربية المشكلة بقة فين ....

المشكلة انك بتشمر كم رجل البنطلوم علشان ما تتغرقش بس الامواج الاصطناعية الي بتعملها العربيات مش هتسيبك في حالك وحتى لو سابيتك هتلاقي. واد عربجي اتخنق من زحمة العربيات. وقام دايس بانزين. عععننننن ههههههههه ويعملك توسونامي والموجة الغارقه. وتلاقي نفسك انتا والي معاك مستحمين .... اهم حاجة اول ما تشوف واد من اياهم داس بانزين وجتلوا حالة هستيرية اهم حاجة انك تغمض عنيك وتقفل بووقك كويس علشان المية متخوشش في عينك او تدخل جوا بوقك وتشرء ههههههههه. اقولكم ايه ابقوا هتولكم لايف جاكيت وحطوه تحت كرسي العربية زي الايف جاكيت الي بيتفنخ ومحطوط تحت كراسي الطيارة ههههههههه وتحياتي

فعلا دة اللى كان بيحصل بالظبط

**Y a r i s** · 28-10-2012 07:04 PM

الموضوع والمشكلة مش بس في اكتوبر
لكن احنا زاد غضبنا علشان المفروض دي مدينة جديدة والحكومة بعتلنا اراضي في الصحرا ولهفوا مننا شيء وشويات

لكن كل ما افتح نشرة الاخبار واشوف فيضان في جدة ولا توسونامي في اليابان او ماليزيا
ولا حتى سيول في الهند. او الصين اقول يانهر ازرق ده احنا شوية مطرة في يوم واحد بيوقف حركة السير وبيدربك الدنيا ... طيب مفيش اي اجرائات احترازية لو حصل فيضان ولا سيول كده ولا كده

ويجيلك واحد يقلك ياخي خليها على الله. انتا لازم تتوقع البلا قبل وقوعوا
لا يسيدي مش هقدر البلا قبل وقوعوا
هنستنى لمن البلا يوقع الاول . وبعدين البلد كلها توقع وراه وبعدين نبقى نشوف حل
هههههههه منطق غريب !!

**Y a r i s** · 28-10-2012 07:30 PM

ومع الاسف الاجرائات الاحترازية المتوفرة
هيا عربيات شفط المياة الي هتشفط أيه ولا أيه ولأأيه. ومحتاجين كام عربية لكااام شاراع
وهتشفط كام شفطة. بس

ومن غير مطرة. بتلاقي البلاعات طفحة بالايام والليالي

دي شوارع. تمشي فيها لمبرجيني ولا فراري دي. ولا حتى تستاهل عربية مارسيدس او بي ام
عرفتوا دلوقتي ليييييه الناس بتجيب عربيات فور باي فووور ههههههههه. رغم اننا معندناش جبال ولا صحره

بصو على عربيات النص نقل ماشية ازاي وبتغرق العربيات الي جمبها. دون اي مرعات لمشاعر الملاكي
تلاقيه يتخنق من بتاع الملاكي انوا ماشي على مهلوا يقوم طالع من وراه ودايس بانزين وقوم هوووووب تييييش. ومغرق أم سواق الملاكي يا عيني وياخود بعضوا ويجري وتلاقي ياعيني سواق الملاكي الغلبان هيروح شغلوا ازاي وهو متبهدل كده فيطر يروح يغير هدوموا ويتخصم عليه مرتب يوم .... طبعاً انا متاكد واحد فلحوس من المسؤوليين هيقول كل مواطن ياخود معاه. شنطة فيها غيارين ويبقى يغير في الشغل وانا بعمل كده هههههههههه

ولا بتوع الميكروباص الي يشوف ناس واقفه على الرصيف يشاورلهم. ان مكنوش هيركبوا معاه يقوم دايس بانزين ومطرطش على الناس الي واقفه وطزززز فيكم يا بشررررر

النكته بقه والعسل الي فيهم سواق العجلة الي ماشي بيتغندر وسط الميه وهو ماسك سماعت الموبايل على ودنوا وماشي اخر روقان .... اهو ده بجد. ببقى نفسي اجي من جمبوا واحميه هو وموبايلوا سوى

طبعاً هيجي واحد يقولك يعني عاوزنا ولا عاوز الحكومة. تعملك ايه تمسكلك شمسية فوق دماغك .... ولا يوقفوا الوزرا في شبابيك وزارتهم ويطلعوا دماغهم من الشباك ويقولوا للسحابة هشششش هشششش امشي يا سحابة وكفاية مطرة

لا ياسيدي مش عاوزهم يعملوا حاجة بس في حاجة اسمها شوارع بتيجي بون باااي كده وفي جناب الشارع بيبقى مجر مخصوصة للصرف الصحي. متوصلة بالبلاعات. انا لفيت بلاد كتير وقليل عمري ماشوفت بلاعات في نص الشارع. لكن بتبقى البلاعات في الجناب وعند حواف الشراع لان مشكلتك حتى وانتا ماشي. في عز البحر والبهدلة بتاعت المطرة بتبقى حاطط ايدك على قلبك لايكون واحد زكي أبن زكي وامو زكية يعني واد ابن ززززكوة من الاخررر. يفتح غطى بلاعة في نص الشارع قال ايه علشان. المية تتشفط هههههههههههه وانتا ماشي ياعيني لابيك ولا عليك ومش شايف حاجة وتنزل فيها وتوقع فردة عجلة عربيتك وعربيتك في البلاعه قولي بقه انهي ونش ولا انهي ناس هتيجي تساعدك وتطلعلك عربيتك من قلب البلاعة هههههه

**احمد المصرى** · 28-10-2012 11:17 PM

مسخره والله المطر فى مصر عموما

**khaled_legend** · 28-10-2012 11:34 PM

و الله الدوله دي ماشيه بالبركه و بدعاء الوالدين

**Y a r i s** · 29-10-2012 12:11 AM

بعد ئزنوكوا ياجماعة
لو حد جي مصر قريب .... ياريت لو مفهاش تعب يمد ايدو تحت كرسي الطيارة هيلاقي كيس فيه بتاعه صفرة كده ... يريت يجبلي وحده او اتنين. وهبقه احاسبووووا عليها ههههههههههههه

مين عارف مش يمكن يحصل فيضان او سيول اهو الواحد يئمن العيال وربنا يخليلنااااااا مصرررررر
للطيرااااان ههههههه
ولا العربية توقع في ترعة ولا تيجي عربية تخبطني وانا فوق كوبري وترميني في النيل فلازم يكون في كل عربية كام لايف جاكيت كده مع شنطة الاسعافات تحت كل كرسي من كراسي العربية

-

الموضوع: مهزلة فى مدينة 6 اكتوبر

LinkBack

أدوات الموضوع

عرض

-

-

-

-

-

المواضيع المتشابهه

ازاى اروح مدينة 6 اكتوبر - الحى المتميز تحديدا- من مدينة مصر

استشارة من المقيمين فى مدينة 6 اكتوبر

من مدينة نصر لجامعة 6 اكتوبر

شقة فى ارقى حى فى مدينة 6 اكتوبر

طبيب اطفال في مدينة 6 اكتوبر

الكلمات الدلالية لهذا الموضوع

المفضلات

المفضلات

ضوابط المشاركة