كل سنه وانتم طيبين
انا حجزت التيجو عند العالميه المتحده توكيل ديهاتسو وقالي الاستلام بعد العيد بس مش عايز يقول بعد اد ايه
خايف يلطعني ويتاخر في التسليم
حد اتعامل معاهم قبل كده يقدر يقولي بياخروا التسليم ولا ايه نظامهم
عرض للطباعة
كل سنه وانتم طيبين
انا حجزت التيجو عند العالميه المتحده توكيل ديهاتسو وقالي الاستلام بعد العيد بس مش عايز يقول بعد اد ايه
خايف يلطعني ويتاخر في التسليم
حد اتعامل معاهم قبل كده يقدر يقولي بياخروا التسليم ولا ايه نظامهم
100000000 مبروك
حجزتها 1600ولا 2000
أولا ألف مبروك وإن شاء الله تستلمها قريب وربنا يديك خيرها ويحفظك شرها.
أنا هاقولك عن تجربتي المريرة, أنا فضلت اسبوعين بحارب علشان أستلم والحمدلله لسة مستلمهـ أول امبارح والراجل وهو بيسلمهالي بيقولي حظك حلو لإن دي تقريبا آخر عربية تيجو موجودة في السوق والوكيل شكله هيأخر في انتاجها شوية.
بس نصيحة استنى لإن العربية بجد رائعة (طبعا ده مش الحكم النهائي لأني مقدرش أحكم من يومين حكم كامل) بس مبدئيا هي عربية جميلة بجد.
وربنا يسهل ويطلع كلام الراجل غلط وتستلم على طول إن شاء الله.
انا حاجز ال 1600
طيب حضرتك استلمتا من فين ومعقوله تتاخر
الف مبروك وياترى اخترت لون ايه
حجزت اللون الاسود
الف مبروك وربنا يديك خيرها ويكفيك شرها ... وإختيار موفق بإذن الله .
واحد صاحبى حاجز ال2000 اتوماتيك من المصرية، من شهر تقريباً وقالولة لو عاوز تستلم دلوقتى هتستلم 2012، لان 2013 لسة من اول نوفمبر، علماً بان المصرية كانت عاملة عليها عرض وارخص من التوكيل بحوالى 5000جم ، ولما حب يتأكد اتصل بتوكيل ابو الفتوح، وقال لة ال2013 اول نوفمبر فعلاً.
بالنسبة للعالمية اخويا اشترى مرة من سنتين من عندهم (على الدائرى بعد كارفور المعادى) ال1600 ومكنش عندة مشاكل معاهم فى الاستلام.
وفى الاخر ربنا يوفقك فى اختيارك والعربية جميلة واللون الاسود فيها تحفة، والف مبروك مقدماً
ولو محتاج اى مشورة انا تحت امرك.
طيب كده مفيش فرق غير سنة الصنع بس
يعني اتوكل علي الله ومشغلش تفكيري
بس اخويا خلاني اترددت تاني وبيقولي بلاش الصيني
فمش عارف اعمل ايه مع اني حجزت خلاص
أنت كدة رجعت لنقطة الصفر تانى،ولسة متردد، من حيث العربية فهى جميلة ومعقولة وهتحس بفرق اكيد بينها وبين اللانوس وكمان سعرها 90 الف جم يعنى اقرب سعر عربية ليها هيكون لانوس، فيرنا(ودى اتوقف انتاجها بعد الجيلى)،افيو، او برضة صينى byd، بريليانسfrv، جيلى الجديدة بتاعة غبور، وانا شخصياً(رأى الشخصى البحت) شايف هى احسن واحدة فيهم كعربية وكسعر، وكتوكيل وكقطع غيار وكصيانة، وكاعادة بيع...........
والمفروض اخوك لما يقولك بلاش الصينى يقول لية واة البديل فى نفس رنج السعر، وطبعاً يكون عن تجربة موش عن سمع.
وفى النهاية متشتريش الا ال انت مقتنع بية، علشان متعكننش على نفسك فرحة العربية الجديدة، واستخر وربنا يوفقك للافضل ان شاء الله.