عرض للطباعة
لسلام عليكم
دى اول مشاركة ليا واتمنى انها متكونش اخر واحد
انا محتاج رايكم فى اختيار عربية ومحتار بين التريوس والسوران او
ممكن حد يكون عنده خبرة بيهم او يكون جربهم ينصحنى فى الموضوع دا عشان انا محتار
ويقارن بين العربيتين من حيث المتانة والرفاهية وقطع الغيار ومعاملة التوكيل
وهيا العربيتين دول صناعتهم ايه؟
ولو فيه عربية تانية تكون فى حدود ال 110 الف حد تانى شايف انها تكون مناسبة وانا مش واخد بالى منها ينصحنى بيها وليه
شكرا جزيلا وجزاكم الله خيرا [b]
اهلا بيك يا ابو حميد و نتمني ما تكنش اخر مشاركه
بالنسبه للتريوس الموديل القديم منها كان ليه مشاكل كتير و اعطال مفاجأه دا غير الاصوات اللي بتسمعها ما تعرفش جايه منين و اعتقد الجديد مش حيفرق عنه كتير دا غير انها مش 4* 4 حقيقيه يعني مش عربيه جبال و مستنقعات و حاجات من دي يعني من الاخر عربيه للترفيه.السوران ما اعرفش حد معاه واحده منها بالتالي ما اقدرش احكم عليها .
بس نصيحه ال 110 يركبوك حاجات كتير كويسه ممكن كورولا و ممكن اوكتافيا A4 مستعمله نضيفه حاجات كتير بس ابعد عن اي عربيه مش مطلوبه في السوق علشان تعرف تبيع و تشتري براحتك من غير ما تخسر كتير
السوران برازيلى، و عربية فقرانة اوى من جوة، روح شوفها بنفسك فى المعرض، غير ان الوكيل سمعته وحشة جدا، التريوس الجديدة معرفش نظامها بس القديمة كانت ضيقة جدا جدا ومش ثابتة على الارض، بتتقلب كتير اوى.
شكرا جدا على ردودكم يا جماعة جزاكم الله خيرا :D