بتعذب في رفع الشنطه علشان الهيدروليك باظ اجيبه منين وسعره كام لو سمحتوا
عرض للطباعة
بتعذب في رفع الشنطه علشان الهيدروليك باظ اجيبه منين وسعره كام لو سمحتوا
اسمة مساعد شنطه وبيتباع عند اى حد بتاع قطع غيار سيارات او اكسسوارات سيارات وسعره 40 جنيه تقريبا. السعر دا بالنسبة للفليشا اما باقى النوعيات روح واسال *
صاحب الموضوع عمل استفسارين وللاسف لم يذكر لنا نوع العربيه ولا اى معلومه
ومن بروفايله بيقول انه معه بى ام دبليو
فلو امكن الاخ صاحب الموضوع عندما يكتب موضوع يشرح باستفاضه حتى يستطيع المتابع الرد عليه
استاذ طارق لو ركزت شويه هتلاقي اني كاتب في بيانتي اني معايا لانوس ٢٠٠٣ وبي ام ٢٠٠٩ واوكتافيا ٢٠٠٣
يعنى برضوا حضرتك محددتش انهو عربيه اللى عاوز مساعدين للشنطة ولا انتا بتعانى من شنط العربيات الثلاثى؟؟؟؟؟
افتكر الأخ طارق مغلطش علشان حضرتك ترد الرد دا احنا هنا بنحب نساعد الناس لوجه الله تعالى ولا ننتظر كلمة شكر من احد
فرجاء تراجع مشاركتى حيث اننى اصابتنى الحيرة مثل ما اصابات الأخ طارق انهو عربية عاوز مساعدين شنطة....
وعلى العموم حضرتك تروح محل اكسسوارات السيارات او اى محل قطع غيالر سيارت واسأل عن المساع اللى حضرتك عاوزه بنوع العربيه اللى مغلباك....
فهمني بس حته (افتكر الأخ طارق مغلطش علشان حضرتك ترد الرد دا). ؟؟؟!!!!!!
هو انا غلط فيه مثلا ؟؟!!!
ده بالرغم من اسلوبه الناشف في الرد اني عامل موضوعين ومش حاطط نوع العربيه ،رضيت عليه وقولتله استاذ طارق هتلاقي عندك كذا وكذا
وتفتكر حضرتك انا داخل قسم سكودا علشان اسأل علي حاجه للبي ام ولا للانوس ؟؟!!!
انا مشترك في المنتدي من 2008 وفاهم اصول الحوار كويس فمعتقدش ليه لزمه الكلام ده !!!
حضرتك ترفق فضلا
انا لم اتكلم بأسلوب ناشف والله كنت أود المساعده وعندما دخلت موضوع لك لتغيير الزيت خفت ارد
يكون ردى فى غير موضعه فخرجت
وبعدها بقليل وجدت موضوعك الآخر وايضا لم تذكر نوع السياره فأصابنى الحيره
نظرت لمعرفك الشخصى لاقيت اسمك رامى لانوس والسياره الثانيه بى أم
فأحترت اكثر
وأخى صقر رد عليك ونحن هنا نحاول المساعده ولا نحاول نبخل بمعلومه لو كنا نعرفها
فرفقا يا اخى الفاضل ان لم اقصد ان اتكلم بأسلوب ناشف ولكن وضعت لك ما حيرنى
ولو لاحظت هنا فى نفس قسم اسكودا ناس حاطه موضوع للبولو بالخطأ فظننتك اخطأت
كل الشكر لك اخ رامى وعيد سعيد عليك وعلى الامه الاسلاميه كلها
وكل الشكر لاخى صقر ويارب كل ايامكم اعياد
تقديرى واحترامى لحضراتكم
استفسار وبهدوء وابتسامة وفي إيدي كوباية شاي.... سكودا إييييييييييييييييييييييه؟ ؟؟ فابيا ولا أوكتافيا ولا غيره؟؟؟ وبصفة عامة برضه محل قطع غيار سكودا تشتري منه جوز مساعدين ومنصحكش تشتري واحد بس ولو كان التاني سليم. اشتريت للفيليشيا جوز مساعدين للشنطة 90ج.م، ومساعد كابوت بيجو406 استيراد 100ج.م