انا شايف اجماع علي شيل الاصفر فعلا واحد ميكانيكي قالي نفس الكلام ده
عرض للطباعة
انا شايف اجماع علي شيل الاصفر فعلا واحد ميكانيكي قالي نفس الكلام ده
نوع الزيت لا يتوافق مع نوع كل السيارات يعنى العربيات القديمه الزيت التقيل افضل لها والعربيات الحديثه اللى مواتيرها لم تتعدى ال١٥٠ الف كيلو يفضل زيوت خفيفه زى الزيوت التخليقيه وبيفضل دراسة الاضافات لأنها مهمه جداً للعربيات الجديده والقديمه بتعالج مشاكل كتير وبتحافظ على المحركات الزيت لوحدو مش كافى
فعلا يا ريت يا احمد توضحلنا موضوع الاضافات ده لانه فعلا ضرورى وخصوصا مع المواتير اللى بقالها فترة انا كنت بفكر فى القصة دى امبارح والله وقلت ياريت الناس الخبرة تعملنا موضوع عن الاضافات سواء للبنزين او الموتور او حتى لتنضيف السيارة من الداخل والخارج وعشمنا فى الله وفى عمالقة الاوبل كبير
السلام عليكم
كل عربيه بيختلف نوع الزيت المستخدم لها حتى لو نفس الموديل بنفس المحرك بس كيلو متر عالى يعنى شركات السيارات بتوقف استخدام الزيوت تبتخليقيه بعد ال١٥٠ الف كيلوولأن تلمحرك زى اى معدن بيحصل له تأكل والزيت التخليقى خفيف جداً يعنى عامل زى المياه وبالنالى يتبخر بسهوله ويختفى من العربيه بالنالى لازم زيت تقيل وعادى يعنى مثلاً طنانى معجب بالزيت بتاع مصر للبترول وده من اتقل الزيوت وهى يتماشى مع عربيتو لأنهى ٢٠٠٠ سي سي وموديل قديم والمحرك عدى ال ١٥٠ الف فى حالة لو حط زيت تخليقى اسبوع وهيختفى من المحرك لكن الزيوت التقيله زى شل الابيض او موبيل العادى ومصر للبترول يتماشى معاه تمام وطبعاً الموضوع معقد جداً صعب شرحه فى كام سطر لكن ببساطه لو عربيتك فوق ال١٥٠ وحالتو مش تمام يعنى كان فى مشكله فى مش السلندر فحاول تتعامل مع الزيوت العاديه لو متورك حالتو متوسطه وبتعمل كيلو متر قليل في السنه ممكن تتعامل مع شل الاصفر او الامارات دول من افضل الزيوت وليكوى مولى كويس وللأسف موبيل المصري فعلاً مضروب والمصري فقط لأن موبيل بره من اقوى الشركات هى الوحيده اللى حلت مشكلة المواتير بتاعت مكلارين فى الفورميلا وبالنسبه للعربيات الجديده طبعاً استخدم زيت تخليقى وغيرو كل ١٠ الاف عندك شل الترا ممتاز وليكوى مولى......
بالنسبه للأضافات ده موضوع مهم يعنى فى اضافه بتتحط مع الزيت بتعمل طبقة سيراميك على اجزاء المتور وبتعود ٥٠ الف كيلو ودى بتحافظ على اجزاء المحرك وفى حاجه اسمها متور فلاش بتنضف المتور من جوه بتضيفها قبل ما تغير زيت لو متورك قديم وفى اضافه للموانير القديمه بتمنع الدخنه لو فى وبتهدى صوت المتور وفى اضافه بتزود لزوجة الزيت وطبعاً كل اضافه خاصه بحالة كل عربيه وفى اضافات بتقلل من سخونة العربيه موضوع كبير ومهم جداً يعنى وان شاء الله هفصلو فى موضوع بس بعد العيد وكل سنه وانتو طيبين
والله تسلم يا احمد على المعلومات الجامدة دى
انا عربيتى 2000cc موديل 99 عاملة 175 الف كيلو تقريبا معنى كده انى ممكن استخدم شل الابيض وموبيل ومصر للبترول مع انمصر للبترول مريحش الموتور لما حطيته وغيرته تانى بعد اسبوعين .. صح دول كده والا ايه وبسمع كلام كويس عن شل الاصفر هل ممكن والا هيبقى خفيف عالموتور ؟؟
واحنا فى انتظار موضوع الاضافات ده بعد العيد ان شاء الله وربنا يجازيك خير على تعبك ..
انا بحط زيت فالفالين مكس لايف الزيت ده ب190 بس زيت كويس جدا وبيتغير على 7000/10000 كيلو
طب انا بالنسبة لماتورى الكربراتير 1400 cc احطلة انهو نوع من الزيوت انا حاليا بستخدم شل الاصفر بس بحس ان صوت الماتور عالى برضة وساعات يبقى واطى شوية بس كان احسن من التوتال وانا العربية داخلة 160000 كيلو وطبعا الماتور بتاعى قديم شوية اللى نزل للاوبل كربراتير اوروبى كنت عاوز اعرف انسب زيت ليه ايه
طيب هو الفيسكو 3000 بئا مش حلو ولا اية يعني اغير لشيل الاصفر
صوت المتور عالى مع زيت معناه ام لزوجة تلزيت غير متوافقه مع المتور وشل الاصفر خفيف نسبى للمواتير القديمه التوتال كلو تقيل عشان كده كنت بتحس انو افضل وطه واقع لعربيتك ومش معنى انو ارخص طه معناه انو وحش فى عوامل كتير بتتحكم فى سعر الزيت منها الشهره والاسم جرب شل العادى او الامارات العادى وتوتال كويس فى حالتك ومع اضافه الاداء ممكن يبقى افضل وطبعاً مصر للبترول اخر اختيار لأنو درجه تالته فعلاًةبس على قطر سعرو ممتاز والزيت نتعامل معاه بالزوجه اولاً ثم اسم الشركه ثانياً ولكم تحياتى