أفضل سياره زيرو في حدود 100000

**gomana85** · 25-10-2012 06:53 PM

السلام عليكم و رحمة الله و بركاته
كل سنه و حضراتكم طيبين
ياريت حضراتكم تفيدوني ، انا عايزه اشتري عربيه زيرو ، انا كل الي يهمني من العربيه انها تكون معمره و كويسه، و تكون اتوماتيك و ماتور و فرامل محترمه، و اهم حاجه خدمه ما بعد البيع تكون جيده جدا لإني عايزه اتعامل مع التوكيل بس مش عايزه اتعامل مع اي ميكانيكي او صنايعي ، انا حركتي مش كتير و سفارياتي متتعداش مره في الشهر و مسافات مش بيعيده قوي في حدود 100 كم ، الفكره انه كنت بفكر في الصني الجديده بقوه و روحت شوفتها في سبع و عجبتي بس في ناس بتقولي حرام و مش قد كده ، و بينصحوني اشتري الشكل القديم ... انا مش حباه قوي
السؤال دلوقتي تنصحوني بإيه ، احجز الصني الجديده و لا اشوف اختيارات تانيه .. لو كده ايه الإختيارات التانيه ؟؟
و شكرا جزيلا

**د.اشرف هنداوى** · 25-10-2012 08:17 PM

- بونتو ايفو الفئة الاولي 108 الف-- عربية تحفة بس توكيل مش قد كدة

- الصني الجديدة لو شكله عاجب حضرتك (في رايي شكلها هو عيبها الوحيد-- بس دي اذواق) توكيلها ممتاز -- يبقي توكلي علي الله تعالي

-جين 2 -- ب 96 الف -- عربية جميلة و توكيلها متوسط

في رايي هما دوا اجسن اختيارات في السعر ده

و ربنا يوفقك

**moaaz** · 25-10-2012 08:44 PM

توكلى على الله فى الصنى .. اسمع ان الاستلام بيتاخر شوية ..بس اعتقد افضل اختيار فى الفئة و خصوصا فى خدمة ما بعد البيع

**bakka2010** · 25-10-2012 10:29 PM

أعتقد إن الصنى الجديده هى الخيار الأفضل فى الفئه السعريه دى .
إن شاء الله ناوى أشتريها قريب .
وصلى إستخاره وربنا يختار لك الخير .

**Land_Cruiser** · 25-10-2012 10:46 PM

صنى الشكل الجديد و دلوقتى فى منها ال ex ب ١٠٢ الف و كمان فى السوبر صالون ب ١١٢ الف و فيها كل اللى حضرتك عايزاه و اكتر و نصيحه لو نويتى عليها احجزى و استنى الاستلام و بلاش أوفر برايس علشان الاستلام الفورى لان ده جشع و استغلال