تيل الفرامل بيلق فى الكارينز

**adelghanem** · 25-10-2012 08:01 PM

انا نشرت الموضوع ده فى مجموعة ملاك الكارينز ونصحونى اعرضه عليكم فى المنتدى وهوه كالتالى ....انا عندى كارينز 2011 وعند المطبات باسمع صوت حاجه بتلق (بتتهز على خفيف) وبما اننى خبرتى بالميكانيكا صفر ,لكن سمعى ميه ميه اديتها لصاحبى يشوف فيها ايه فقالى ده تيل الفرامل بيلق وشوف الصاجات بتاعته .هل الكلام ده صحيح وخصوصا انا ساكن فى الصعيد ومركز الخدمه بعيد و معنديش وقت للذهاب وشكرا مقدما

**Eng.Geo** · 25-10-2012 08:22 PM

ممكن فعلا ال calipers تكون بتلق في مكانها والسبب بيكون في ال pins اللي ماسكينها
ولو اني أعتقدد ان الموضوع ده صعب في عربية جديدة كدة !
عامة حضرتك ممكن تكسر عجلك كله شمال ةتيجي من الفردة اللي عند السواق وتمك الكالبر تهزه
طلع صوت زي بتاع المطبات يبقي هو

هي الجزء اللي عالشمال وبيبقي جواها التيل

**Amr Axel** · 25-10-2012 08:29 PM

غالبا التيل خفيف و ده يعني ان نوعية التيل اللي راكبة مش تمام و الله اعلم و بعض الميكانيكية بيقوموا بزنقها بعقب سيجارة لكن الأفضل التغييره ديه فرامل مش لعبة

بس حضرتك برده يا ريت تفك العجلة اللي جاي من عندها الصوت ده و تشوف و تتأكد

**Amr Axel** · 26-10-2012 09:03 AM

المشاركة الأصلية كتبت بواسطة adelghanem

فعلا فكها ميكانيكى معرفه وورانى التيل بيلق زى الصوت اللى سامعه وقالى على حسب كلامه انه عايز حاجه اسمها صاج التيل وممكن فى العربيات القديمه فعلا نحط عقب سيجاره او قطعت الصاج اللى بتطلع من علبة الكانز..فقلت له شكرا انا هأسأل على صاجة التيل بناع الكارينز وارد عليك ...هل الكلام ده صحيح ولا لأ ..ارجوا الافاده وشكرا لكل من ساهم فى الرد وكل عام وانتم بخير

ايوة يا باشا كلام مظبوط فعلا بتكون الصاجة وقعت اثناء التركيب و اللي ركب مخدش باله بالاضافة ان التيل ساعات بيبقي خفيف او رفيع شوية عن المعتاد و المفروض بيجي قطع صاج مع طقم التيل مش في كل انواع طبعا
لكن بلاش حكاية عقب سيجارة و شوف الصاجة احسن

**adelghanem** · 27-10-2012 03:12 AM

1000 شكر انا كده اطمنت وباين الميكانيكى طلع راجل فاهم ,يس ليه سؤال أخير هيه الصاجه دى بتتباع لوحدها وهل كل موديل له الصاجه بتاعته واااااااااااااالف شكر

**mazeen** · 29-10-2012 12:59 PM

فى الهيونداى الصاجه بتيجى مع التيل الاصلى فقط حضرتك ممكن تسأل لو تيل الكارينز مطابق لأحد موديلات الهيونداى يبقى تشتريه أصلى هيونداى بالصاجات والسوست بتاعته

**adelghanem** · 18-11-2012 06:22 PM

اخيرا اشتريت صاجة (بيقولوا عليها سوسته ) بتاعت الكارينز واتركبت والميكانيكى بيقول التيل اللى فيها خفيف رغم انه ده الاصلى والعربيه عامله 21000 كم وبعمل الصيانات كلها فى التوكيل .!!! المهم الصوت اختفى اخيرا والحمدلله وشكرا لكل من ابدى برايه وشكرا لقسم كيا وقسم ملاك الكارينز ...والسلام

**Khaled Lanos** · 20-11-2012 09:41 AM

المشاركة الأصلية كتبت بواسطة adelghanem

اخيرا اشتريت صاجة (بيقولوا عليها سوسته ) بتاعت الكارينز واتركبت والميكانيكى بيقول التيل اللى فيها خفيف رغم انه ده الاصلى والعربيه عامله 21000 كم وبعمل الصيانات كلها فى التوكيل .!!! المهم الصوت اختفى اخيرا والحمدلله وشكرا لكل من ابدى برايه وشكرا لقسم كيا وقسم ملاك الكارينز ...والسلام

ألف مبروك لحل المشكلة.