لوحة العدادات كلها فاصلة مبتشتغلش !
السلام عليكم
انا معايا لوجان2012 واتعرضت لحادثة من شهرين .. مقطورة كانت ماشية جمبي ومحملة خشب والخشب نزل فوق العربية .. نزل علي جزء من السقف والازاز الامامي وطبعا لما الازاز الامامي اتكسر الخشب نزل علي التابلوه فوق جزء العدادات .. طبعا العربية اتسمكرت ورديت السقف والقوايم وغيرت الكبوت .. الوقتي المشكله ان لوحه العدادات لا حس ولا خبر .. ومؤشر السرعة وال rpm معلق علي النص لا بتحرك لا يمين ولا شمال .. الحاجة الوحيده اللي لمبتها بتنور هي اسهم الانتظار بس ( لو سهم يمين او شمال مبينورش ) ولمبة النور العالي بتنور غير كده بقي ( مؤشر البنزين - الحرارة - الساعة - لمبة البطارية ..... ) كل ده مبينورش .. الكهربائي اللي ركب وقفلي التابلوه قالي لوحه العدادات عايزه تتغير اشتري واحده جديدة .. قولتله بصلي علي الفيوزات بتاعتها خلي صنايعي عنده يراجع علي الفيوزات وملقاش فيها مشكله ..
ايه رأيكوا يا شباب في الموضوع ده ؟ وهل لوحه العدادات دي ممكن الاقي منها جديد ولو لقيت هتبقي بكام ؟؟ ولا المشكله ممكن تكون في حاجة تانية ؟؟ ياريت اللي عنده خلفية يساعدني ولكم الشكر مقدما