صوت طقطقه في السوبر صالون 2008

**Abdelrahman** · 08-07-2008 05:03 PM

السلام عليكم يا احلى منتدى
لاحظت اكتر من مره على السرعات المنخفضه جدا جدا لما بدون فرامل بالراحه ...ان في صوت طقطقه مصدرها من الخلف تقريبا
ممكن حد يفيدني ايه ده بالضبط؟؟وهل هي مشكله ولا ظاهره عاديه خصوصا ان السياره عامله 400 كيلو بس؟؟؟
وكيفية الحل
جزاكم الله خيرا
طمنوني انا ما بفهمش في الميكانيكا خالص

**Abdelrahman** · 08-07-2008 05:12 PM

معلش يا جماعه اقصد لما بدوس فرامل بالراحه على سرعه منخفضه جدا بلاحظ صوت الطقطقه احيانا مش دايما ...
كمان ياريت حد بجد يفيدني هو تشغيل التكيف قبل صيانة الالف كيلو غلط؟؟وليه؟؟؟

**maged george** · 09-07-2008 12:26 AM

بس يا باشا ده صوت تيل الفرامل وكان حصل معايا وعملوها في صيانة الالف ورجعت تاني وعملوها في الخمسة آلاف ورجعت تاني وعملوها في العشرة آلاف ورجعت تاني وعملوها في العشرين ورجعت تاني معلش زهقتك بس ده اللي حصل معايا وشكرا.

**yasser talaat** · 09-07-2008 02:09 AM

الصوت ده بتسمعه وانت طالع من الثبات بسرعه ولا مع الفرامل بس؟؟؟

**yasser talaat** · 09-07-2008 02:11 AM

المشاركة الأصلية كتبت بواسطة maged george

بس يا باشا ده صوت تيل الفرامل وكان حصل معايا وعملوها في صيانة الالف ورجعت تاني وعملوها في الخمسة آلاف ورجعت تاني وعملوها في العشرة آلاف ورجعت تاني وعملوها في العشرين ورجعت تاني معلش زهقتك بس ده اللي حصل معايا وشكرا.

الصوت ده بتسمعه وانت طالع من الثبات بسرعه ولا مع الفرامل بس؟؟؟

**Abdelrahman** · 09-07-2008 09:32 AM

الصوت ده بسمعه لما اكون راكن وبدات اتحرك بالعربيه ببطئ وبدوس فرامل علشان اتحكم في سرعتها .....لاحظت ان ساعتها كان الهاند بريك مرفوع سنه لفوق!!!ممكن يكون ده السبب؟

**ماجد يوسف وهبه** · 09-07-2008 09:51 AM

عادى جدا ده صوت احتكاك تيل الفرامل مع الطنبوره وبيظهر برضه لو أنت واقف تماما وبتلف العجل من أقصى اليمين الى أقصى اليسار مع الضغط الشديد على الفرامل

**Abdelrahman** · 09-07-2008 12:48 PM

فعلا ما شاء الله عليك يا استاذ ماجد ...بس اكيد دي حاجه عادي ولا ابلغهم عليها وانا بعمل صيانة الالف؟
وكمان اريت حد يفيدني في موضوع تشغيل التكيف قبل صيانة الالف
شكرا لجميع الي ردوا عليا والي ما ردوش
شكرا لاحلى منتدى