استفسار بسيط من المنتدى الغالى

أولا... كل عام والأخوة الأعضاء والمنتدى كله بألف خير...
انا عربيتى لانوس 2007 ... قمت بالأمس بغسيل دورة التبريد فى البنزينة وغيرت الماء العادى بمياه خضراء ... المهم الراجل حط اربع زجاجات مياه خضراء وكان قدامى القربة اتملت بس كان حطط خرطوم المياه جوه الراديتير لحط ما فى فقاقيع هواء طلعت وبعدين قفل وقالى تمام...
النهاردة الصبح قبل صلاة العيد نزلت فتحت الكابوت وبصيت جوه قربة المياه لقيت المياه الخضراء عند العلامة mini اتخضيت بقية المياه راحت فين .. هل راحت فى الخراطيم اللى رايحة للمحرك وده الباقى ولا ايه مش عارف ... ارجو الرد والاطمئنان من خبراء المنتدى عشان خرج بالعربية ومفيش حد فى البنزينة كمان يرد عليا... شكرااا وفى الانتظار....

هل من رد......

جرب تزود مياه و تروح مشوارك و تكشف عليها بعد ماتبرد يمكن لسه فيه هوا و طلع

كل سنة و كلنا طيبين و ده طبيعي و حضرتك زود مية خضرة إنهردة أو بكرة لحد ال-max

طيب لو مشيت كده فى مشكلة فى الحرارة لحد ما أزود عشان مش لاقى حد ... وبعدين هى ناقصت كده ليه دى كانت الياه فوق وعاملة فقاقيع

بص هو ان شاء الله خير ومفيش حاجه
بس هو ازاي مخدش هوا ؟؟؟
علي العموم زود ميه تاني وان شاء الله متنقصش تاني بس اكد علي موضوع انك تاخد هوا الاول

صديقي
1- مش تخاف ما فيش حاجه وحشه حصلت
2- كل الموضوع ان الراجل ده عكاك ده مش تروح له تاني
3- الميه الخضرا اما جركن 4 لتر او جركن واحد لتر ليه هو جاب 4 زجاجات ( هو حط سفن اب ؟ )
4- هو حط ميه خضرا في القربه وخرطوم الميه في الردياتير
5- عربيتك دلوقتي فيها ميه خضرا وميه حنفيه برضه مش تخاف
6-عايز تتطمن زياده ونبقي في السليم العمليه سهله خالص وها تعملها لوحدك ومش محتاجه
صانيعي ولا محطه وانا عملتها لوحدي بعد ما اتعلمتها من الاصدقاء و اليو تيوب
7- والعربيه بارده خالص الصبح او بليل ويستحسن العربيه تكون ما دارتش يوم كامل
8- افتح طبه الرادياتير من تحت او من جنب الرادياتير اليمين من تحت ها تلاقي عصفوره
9-افتح كانك بتفتح مسمار قلوز هتلاقي الميه بدات تنزل افتح كمان وسيب الميه كلها تفضي
10- سيب الرادياتير يفضي براحته والميه اللي نزلت ما تلزمكش ادلقها
11- روح هات جركن ميه خضرا 4 لتر وواحد لتر احتياطي يمكن تزود
12- اقفل عصفوره او طبه الرادياتير كويس
ا13- اخلع خرطوم الفايظ اللي جاي من الرادياتير ورايح للقربه من ناحيه الرادياتير
بس خلي بالك حرك الافيز الاول وبعدين خلص الخرطوم بالراحه
14 ابدا حط الميه الخضرا من القربه شويه شويه لحد الميه تبدا تخرج من بزبوز الرادياتير هتلاقي الميه خارجه مع فقاقيع الهوا استني لحد ما تلاقي الميه خارجه من غير فقاقيع وماتخافش مش ها تفقد ميه خضرا كتير يمكن كوبايه واحده
15 ركب خرطوم الرادياتير تاني وبعدين القفيز وزود ميه لحد العلامه بين الماكس مم والميني مم
اقفل غطا القربه ودور عربيتك واتكل علي الله عربيتك دلوقتي ميه خضرا
16- فيه خطوه قاللي عليها الاستاذ محمد ممدوح ومفيده خالص انا شخصيا عملتها وظبطط الدنيا
قبل ما تقفل غطا القربه والدنيا كلها بارده دور العربيه وسيب الغطا مفتوح طبعا لو الثرموستات او زي ما بيسموه الساعه اللي في الكوعه شغال كويس الميه في القربه مش ها تتحرك ابدا لحد المراوح تدور ...
خليك متابع .... واول ما المرراوح تشتغل الميه ها تيجي من الردياتير بفعل طلمبه الميه واول ما المراوح تبطل اققفل غطا ...القربه كدا لو فيه اي هوا ها يكون خرج
الموضوع كله عملته لوحدي وموضوع الهوا الاستاذ م. ممدوح هو اللي علمهالي

وكل سنه وانت طيب والاصدقاء جميعا

..
..

الأخ الغالى kagawa شكرا لردك وكل عام وانت بخير.... هو اللى حصل بالضبط عشان انا برده لسا جديد ... لقيته فتح قربة المياه شوية شوية وطبعا المياه كانت خرجة مصدية ولونها بنى وبعدين حط خرطوم فى اخر دورة التبريد تقريبا من ناحية الماتور وحط ميه فى القربة عشان تنضف وبعدين حد اربع زجاجات ميه خضرا وكمل ميه بالخرطوم فلقيت قدامى فقاعات هواء بتخرج لفوق بعد كده قفل وقلى كله تمام ...
الصبح النهارده ببص على القربة لقيت الميه يدوب على علامة ال mini صليت العيد ورجعت البنزينة ملقتش حد طبعا .. هو بس كلام حضرتك طمنى بس عايز اعرف الميه راحت فين خصوصا انا بصيت تحت العربية مفيش اى ميه يعنى مفيش تسريب معنى كده ان الميه نزلت فى الخراطيم وده الباقى ولا ايه وبعدين طيب امشى كده بيها عادى لحد ما ازودها ولا فى مشكلة .... علما بانى لسه باصص دلوقتى عليها بعد الصلاة لقيتها زى الصبح بالضبط فى نفس المعدل اللى شفته ... شكرا ومستنى ردك وبقية الاعضاء ....

ممكن حضرتك تفسر اكتر هو حط الخرطوم فين بالظبط ؟ وهل الخرطوم ده جاي من الحنفيه جايب ميه
ولا هو حته خرطوم بيسحب بيه الميه الخضرا اللي نازله ؟؟؟؟؟؟؟

لو حته خرطوم يبقي شويه الميه اللي نقصت في القربه نتيجه وهو بيشيل الخرطوم وما عوضهمش

عايز تتطمن زياده والعربيه بارده خالص الصبح زود الميه اللي ناقصه بس خلي بالك ما توصلش
للماكس مم خليك بين البنين ..... خلي القربه مفتوحه ودور العربيه واستني المراوح تشتغل
وما تقلقش لانها هتاخد وقت لان العربيه بارده يعني حوالي 15 دقيقه
لما المراوح تدور هتلاقي الميه في القربه عليت سنه ورجعت لمستواها تاني .. اقفل غطا القربه كويس
وبطل العربيه حوالي نص ساعه وبعدين استعملها

كده اطمنت علي طرمبه الميه شغاله واطمنت ما فيش هوا في دوره الميه

بعد يومين راجع منسوب الميه ...

,.,

....

كلام جميييييل

انا اشتريت زجاجة مياه ليتر مياه خضراء وزودت بيها وبتابع دلوقتى منسوب المياه بس هو تقريبا ثابت بعد الزيادة

نسيت اقول انى كنت فى مشوار بالعربية امبارح وكنت زودتها قبل ما امشى بيها بالميه الخضراء اللى اشتريتها والنهارده بصيت على منسوب المياه والحمد لله الميه زى ما هيا عند الدرجة اللى زودتها عليها max.. الحمد لله ... بالمناسبة انا جبت زجاجتين الميه الخضراء موبيل كل واحدة ليتر وسعر الواحدة 20 ج ....