| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 2 من 4 الأولىالأولى 1 2 3 4 الأخيرةالأخيرة
النتائج 11 إلى 20 من 32

  1. #11

    الصورة الرمزية Youssef.Awad

    رقم العضوية : 42730

    تاريخ التسجيل : 19Jun2009

    المشاركات : 6,353

    النوع : ذكر

    الاقامة : Riyadh - KSA // Banha - Egypt

    السيارة: NISSAN ALTIMA 2.5 SL '13

    السيارة[2]: FSO Polonez '88 - NISSAN SUNNY EX Saloon '10

    دراجة بخارية: 000

    الحالة : Youssef.Awad غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة mmbadroo مشاهدة المشاركة
    دكتور يوسف
    كل عام وحضرتك بخير واعاد الله عليك وعلى اسرتك هذه الأيام بالخير واليمن والبركات
    والله يا دكتور كل معلوماتك على عينا ورسنا من فوق
    ولاكن كما تعودنا من معاليك لازم تصغير من شئن الكورى يعنى كلام حضرتك مفيد جدا ولاكن لازم نلاقى فى النص كلمة تحقر او تصغر من شئن الكورى وكأنه ارضاء للأخوة الأفاضل اعضاء قسم نيسان لدرجة والله والله اصبح الكلام المتداول الآن على العام والخاص ان هذا المنتدى لايحتوى إلا اعضاء نيسان فقد ولا اعتراف ولا وجوود للأخرين
    طبعا يا عمنا مش هنقارن الكورى بال bmw واخواتها ولاكن نحن مقتنعين بهذه الفئة والصناعة الكورية عمتا التى تشبع وتلبى رغباتنا وبعدين بناخذ امكانيات وشكل على قد فلوسنا يعنى على قد ما بندفع على قد ما ناخذ - فنشعر دائما ان حضرتك تقلل من شئن هذا الشئ بمثل هذه العبارات المجحفة
    وفى الاخر كيا سبورتاج وكورى !!!!!!!!!!!!!!
    يعنى ياريت يا دكتور يوسف الكلام ده يبقى من أى حد تانى ميبقاش من واحد بقيمة حضرتك - يعن حضرتك بتكلم على الكورى ده وكآنه استغفر الله العظيم حاجة كده مش تمام
    وعلشان كمان كلامى ميتفهمش غلط مش عايزين مدح فى الكورى برضو
    فمن مداخلات حضرتك واضح جدا انك كاره الكورى بشكل عام وتم توضيح ذلك أكثر من مرة بل مرات كثيرة
    ووصلت المعلومة كويس بس ما سبب اصرارك على الخوض فى هذا الموضوع وبهذا الشكل والله الواحد تعود دائما ان اول ماينزل موضوع فيه كلمتين حلوين على الكيا يبقى منتظر مدخلتك ومش كده وبس والله كلامك بيكون متوقع قبل ما يكتب
    دكتور يوسف حبيب قلبى ارجوك متزعلش من كلامى ولاكنى حاولت اكتب بكل تحفظ مستطاع للحفاظ على صداقتنا الذى اعتز بها جدا جدا فى هذا المنتدى
    وفى الآخر اعتبر الكلام ده فطفطه بدل ما اكتم فى نفسى ويحصلى حاجة
    ولا حضرتك عايز الثانية هههههههههه
    وفى النهاية ومرة تانية وتالتة كل عام وانت بخير اسعدك الله فى هذه الأيام انت واسرتك الكريمة
    ههههههههههههههههههههههههه
    وانت طيب يا استاذ محمد والاسرة بخير وصحة وسلامة
    والله ما كنت اقصد اجرح مشاعرك بكلامى .. سامحنى ماكنش قصدى وبعيد الشر عنك .. يعنى هالاقى مين يدافع عن السبورتاج غيرك
    ولكنه رد طبيعى لأى حد ويتفق معايا الاخ حسام كمان من خلال رده
    لما نوصل لحد شراء 400 الف ج .. يبقى هل من المعقول انى اقول لحضرتك وباقى الاعضاء ان اختيار الكيا سبورتاج 2000 سى سى هايكون افضل من اختيار ماركات تانية اعلى مثل الالمانى ؟!!!
    الاجابة لا تحتمل القسمة على اتنين ..

    بالطبع انا مقدر مدى شغف وحب الجميع بالكيا سبورتاج شكلا وكماليات وممكن يكون مضمون كمان بالنسبة لهم وفوق ده كله الفئة السعرية (200 الف ج) اللى مش هاتخلى اى حد يركب عربية عن الارض بمواصفات وكماليات السبورتاج فى مصر بالتأكيد .

    ولكن ده لا يمنع انى اقول رأيى فى العربية بكل اقتناع وبعد تجربة فى كافة الظروف (اخرها اليوم فى الصحراء ووسط الرمال) بعربيتى ال2400 الدفع الرباعى وكان الاداء غير مرضى بالنسبة ابداااااااااااا ومخزى جداااااا .. والسبب هو النظام الوهمى بتوزيع عزم الدفع على المحاور بشكل متساوى وحتى مع نظام الAWD والفتيس ال6 سرعات - الفاشل - مضيع ال177 حصان قوة المحرك لأنه مع الضغط على دواسة البنزين ع الاخر الRPM لم يتخطى 3 ولم تتحرك السيارة وهى ع الD ابداااااااا !!!

    وفوجئت عندما انتقلت الى الستيبترونيك فوجئت بأن الفتيس واخد النقلة الثانية !!!! ولم تطلع العربية من الغرز الا لما جبت الاول ومرجحت الدركسيون بخفة يمين وشمال لحد اما العجلات الامامية لمست سطح صلب شوية عن الرمال وطلعت والحمد لله.

    بس بينى وبينك كان نفسى اشوف ال177 حصان دول على فتيس CVT من بتوع نيسان ولا سوبارو .. انا واثق ان الوضع هايكون مختلف ..

    من الاخر العربية دى منظر فقط لا غير بدون مضمون او قوة فعالة ومدروسة من قبل صانع بيفكر فى زيادة المبيعات بالشكل والتصميمات الجذابة .. واخرها تتحرك بيها جوة البلد او على الطرق السريعة بحد اقصى 160-170 كم/س وشكرا .

    واحب اوضح ان كل كلامى ومشاركاتى ومداخلاتى فى المنتدى عامة وقسم كيا خاصة بيكون بناءا عن اقتناع تام وتجربة شخصية يومية بكل حيادية بدون اى تحامل بأى شكل من الاشكال وكل العيوب اللى ذكرتها او الملاحظات اللى طرحتها بخصوص العربية فى محلها 100% من وجهة نظرى ع الاقل .. وليس بالضرورة انى اعيب فيها ان رأيى ملزم لغيرى او ان كلامى هايأثر سلبا عن مبيعاتها داخل او خارج مصر
    وهتلاقى اغلب المشاركات تخص السبورتاج فقط لاغير بحكم انى ركبتها وعارفها وفصصتها ونزلت كل كتالوجات اصلاحها وقطع غيارها وليس لى علاقة من قريب او بعيد بالهجوم على كورى ولا امريكى ولا اوروبى ولا يابانى

    واخيرا .. ليس عيبا ان نشاط وفعالية اعضاء قسم نيسان هما السبب فى ايجاد هذه السمعة عن المنتدى وعلى باقى اعضاء اقسام المنتدى ان يحذو حذونا ويصنعوا مثلما فعلنا على مدار سنتين واكثر لأن حصاد اليوم لم يأتى من فراغ ولا بين ليلة وضحاها ..

    Y2Y1500 سابقا


  2. #12

    الصورة الرمزية ابو ليلى

    رقم العضوية : 61530

    تاريخ التسجيل : 09Feb2010

    المشاركات : 5,916

    النوع : ذكر

    الاقامة : EL Haram

    السيارة: no

    السيارة[2]: kia new cerato 2010

    دراجة بخارية: no

    الحالة : ابو ليلى غير متواجد حالياً

    افتراضي -

    اقتباس المشاركة الأصلية كتبت بواسطة youssef.awad مشاهدة المشاركة
    واخيرا .. ليس عيبا ان نشاط وفعالية اعضاء قسم نيسان هما السبب فى ايجاد هذه السمعة عن المنتدى وعلى باقى اعضاء اقسام المنتدى ان يحذو حذونا ويصنعوا مثلما فعلنا على مدار سنتين واكثر لأن حصاد اليوم لم يأتى من فراغ ولا بين ليلة وضحاها ..
    د / يوسف كل سنة وانت طيب والاسرة الكريمة بخير يارب

    اسمحلى اختلف معاك فى الجزئية دى .....منتدى نايل موتورز دائما ومنذ نشأته لا يعتمد على قسم واحد وشهرة المنتدى ونجاحه دائما تأتى من اعضائه وليس قسم بعينه واذا كان قسم نيسان ناجح ونشط فهذا نجاح للمنتدى ككل وليس لاعضاء قسم نيسان فقط .


    انا فعلا بدأت الاحظ كلام أ / محمد ليك بالنسبة لكلامك عن الاسبورتاج والكورى عموما لانه اصبح مكرر فى كل موضوع وهو الهجوم سواء بمبرر او غير ومن حقك تماما بما انك تمتلك السيارة ان تتحدث كيفما شئت ولكن لا تفرض رائيك على المقبلين على الشراء او المالكين للسيارة او تحاول ان تنتقص من ماركة سيارة لها عشاقها وخصوصا عندما يكون هذا الكلام فى قسم كيا .

    واخيرا اعتذر وبشدة لصاحب الموضوع الاصلى لخروجى عن مضمونه وكل عام وانت بخير .


  3. #13

    الصورة الرمزية Youssef.Awad

    رقم العضوية : 42730

    تاريخ التسجيل : 19Jun2009

    المشاركات : 6,353

    النوع : ذكر

    الاقامة : Riyadh - KSA // Banha - Egypt

    السيارة: NISSAN ALTIMA 2.5 SL '13

    السيارة[2]: FSO Polonez '88 - NISSAN SUNNY EX Saloon '10

    دراجة بخارية: 000

    الحالة : Youssef.Awad غير متواجد حالياً

    افتراضي -

    اقتباس المشاركة الأصلية كتبت بواسطة ابو ليلى مشاهدة المشاركة
    د / يوسف كل سنة وانت طيب والاسرة الكريمة بخير يارب
    .
    وحضرتك طيب وبالصحة والسلامة


    اقتباس المشاركة الأصلية كتبت بواسطة ابو ليلى مشاهدة المشاركة
    اسمحلى اختلف معاك فى الجزئية دى .....منتدى نايل موتورز دائما ومنذ نشأته لا يعتمد على قسم واحد وشهرة المنتدى ونجاحه دائما تأتى من اعضائه وليس قسم بعينه واذا كان قسم نيسان ناجح ونشط فهذا نجاح للمنتدى ككل وليس لاعضاء قسم نيسان فقط .
    .

    وانا متفق معك فى الكلام ده وفعلا ليس عيبا ولا استئثارا بالنجاح ولا الشهرة ولكن نشاط ونجاح قسم نيسان ملحوظ من اغلب الاعضاء الجدد وليس مننا فقط
    وكلنا فى الاول والاخر فى نفس المركب ..

    اقتباس المشاركة الأصلية كتبت بواسطة ابو ليلى مشاهدة المشاركة
    انا فعلا بدأت الاحظ كلام أ / محمد ليك بالنسبة لكلامك عن الاسبورتاج والكورى عموما لانه اصبح مكرر فى كل موضوع وهو الهجوم سواء بمبرر او غير ومن حقك تماما بما انك تمتلك السيارة ان تتحدث كيفما شئت ولكن لا تفرض رائيك على المقبلين على الشراء او المالكين للسيارة او تحاول ان تنتقص من ماركة سيارة لها عشاقها وخصوصا عندما يكون هذا الكلام فى قسم كيا .
    .
    بالطبع لا افرض رأيى على أحد سواء المالكين او المقبلين ع الشراء بكل بساطة لأن المعادلة غير متكافئة وعربيتى ليست موجودة فى مصر وسبورتاج مصر غير موجودة فى الخليج فبالتالى لا فرض لرأى أحدنا على الاخر

    وفى كل مشاركاتى أأكد على هذه النقطة تحديدا وأصر على التصريح فى كل مرة بأنى امتلك سبورتاج وده رأيى الخاص وعن تجربة شخصية وذلك بيتم فى قسم كيا او نيسان او المقارنات او الدفع الرباعى او غيرها من اقسام المنتدى

    اقتباس المشاركة الأصلية كتبت بواسطة ابو ليلى مشاهدة المشاركة
    واخيرا اعتذر وبشدة لصاحب الموضوع الاصلى لخروجى عن مضمونه وكل عام وانت بخير .


    فعلا معاك حق وانا غلطان لأنى قمت بالرد بناءا على معلومات موثوق منها بخصوص سعر السبورتاج 2000 او 2400 فى السعودية وقيمة الجمارك المدفوعة وسعرها المبالغ فيه بعدها
    وبالمناسبة يوجد عدد من مشاهير الفن اشتروها ودخلوها بالسعر ده مصر من السعودية او الخليج ..

    Y2Y1500 سابقا


  4. #14

    الصورة الرمزية wael30003

    رقم العضوية : 101576

    تاريخ التسجيل : 01Jun2011

    المشاركات : 1,130

    النوع : ذكر

    الاقامة : السعودية

    السيارة: سيراتو ٢٠١٥A/T

    السيارة[2]: 2012 logan B/L

    دراجة بخارية: no

    الحالة : wael30003 غير متواجد حالياً

    افتراضي -

    بالعكس انا مش عايز اعتذار

    لأنى استفدت معلومات من د يوسف معلومات عن مدى قوى السيارة فى الغرز ودى طبعا حاجة مهمة جدا انا ما كنتش اعرفها

    ثانيا السيارة لما بتعجبنى بكون حاطط فى دماغى انى هاشتريها مش لازم دلوقتى لأنى لسه مستلم عربية من 364 يوم

    ثالثا وهو الاهم لا املك حاليا ثمن السيارة الجديدة سبورتاج

    ولكن المؤكد انى مش هاشتريها لو فيها عيوب فى الدفع القوة الحصانية المكتوبة فى الكتالوج عن الفعلية ( برجاء عدم الزعل من ملاك الكورى )

    وبعدين انا كنت باقول رايى فى السيارة كشكل خارجى وده انا ذكرته فى الموضوع لانى فعلا ما ركبتهاش ولا اعرف اى معلومة عنها فعلية عن تجربة كله كلام مكتوب فقط

    وبرده شكلها عاجبنى

    العربية عندى عاملة زى المراة لما بيكون شكلها حلو بتقتح نفسك على الحياة

    ولما بيكون شكلها مش ولا بد بتسد نفسك على اى حاجة حتى ركوبها

    عشان كده انا بحب الجمال فى اى حاجة خاصة السيارات والسيدات

    مع عملى بالآية الكريمة ( وقل للموؤمنين يغضوا من ابصارهم ) والواحد بيجتهد على قدر الامكان بغض البصر
    ... طبعا مش عن السيارت

    وكل سنة وانتوا طيبين

    وقال فرعون ذرونى اقتل موسى وليدع ربه انى اخاف ان يبدل دينكم او ان يظهر فى الارض الفساد " يا سلام على ايمان وورع فرعون وفعلا صدقوه ....وبرده كانوا مصريين


  5. #15

    الصورة الرمزية Ahmed_Adham

    رقم العضوية : 128540

    تاريخ التسجيل : 09Aug2012

    المشاركات : 3,252

    النوع : ذكر

    الاقامة : Cairo

    السيارة: ...

    السيارة[2]: ...

    دراجة بخارية: NO

    الحالة : Ahmed_Adham غير متواجد حالياً

    افتراضي -

    اقتباس المشاركة الأصلية كتبت بواسطة youssef.awad مشاهدة المشاركة
    ههههههههههههههههههههههههه
    وانت طيب يا استاذ محمد والاسرة بخير وصحة وسلامة
    والله ما كنت اقصد اجرح مشاعرك بكلامى .. سامحنى ماكنش قصدى وبعيد الشر عنك .. يعنى هالاقى مين يدافع عن السبورتاج غيرك
    ولكنه رد طبيعى لأى حد ويتفق معايا الاخ حسام كمان من خلال رده
    لما نوصل لحد شراء 400 الف ج .. يبقى هل من المعقول انى اقول لحضرتك وباقى الاعضاء ان اختيار الكيا سبورتاج 2000 سى سى هايكون افضل من اختيار ماركات تانية اعلى مثل الالمانى ؟!!!
    الاجابة لا تحتمل القسمة على اتنين ..

    بالطبع انا مقدر مدى شغف وحب الجميع بالكيا سبورتاج شكلا وكماليات وممكن يكون مضمون كمان بالنسبة لهم وفوق ده كله الفئة السعرية (200 الف ج) اللى مش هاتخلى اى حد يركب عربية عن الارض بمواصفات وكماليات السبورتاج فى مصر بالتأكيد .

    ولكن ده لا يمنع انى اقول رأيى فى العربية بكل اقتناع وبعد تجربة فى كافة الظروف (اخرها اليوم فى الصحراء ووسط الرمال) بعربيتى ال2400 الدفع الرباعى وكان الاداء غير مرضى بالنسبة ابداااااااااااا ومخزى جداااااا .. والسبب هو النظام الوهمى بتوزيع عزم الدفع على المحاور بشكل متساوى وحتى مع نظام الawd والفتيس ال6 سرعات - الفاشل - مضيع ال177 حصان قوة المحرك لأنه مع الضغط على دواسة البنزين ع الاخر الrpm لم يتخطى 3 ولم تتحرك السيارة وهى ع الd ابداااااااا !!!

    وفوجئت عندما انتقلت الى الستيبترونيك فوجئت بأن الفتيس واخد النقلة الثانية !!!! ولم تطلع العربية من الغرز الا لما جبت الاول ومرجحت الدركسيون بخفة يمين وشمال لحد اما العجلات الامامية لمست سطح صلب شوية عن الرمال وطلعت والحمد لله.

    بس بينى وبينك كان نفسى اشوف ال177 حصان دول على فتيس cvt من بتوع نيسان ولا سوبارو .. انا واثق ان الوضع هايكون مختلف ..

    من الاخر العربية دى منظر فقط لا غير بدون مضمون او قوة فعالة ومدروسة من قبل صانع بيفكر فى زيادة المبيعات بالشكل والتصميمات الجذابة .. واخرها تتحرك بيها جوة البلد او على الطرق السريعة بحد اقصى 160-170 كم/س وشكرا .

    واحب اوضح ان كل كلامى ومشاركاتى ومداخلاتى فى المنتدى عامة وقسم كيا خاصة بيكون بناءا عن اقتناع تام وتجربة شخصية يومية بكل حيادية بدون اى تحامل بأى شكل من الاشكال وكل العيوب اللى ذكرتها او الملاحظات اللى طرحتها بخصوص العربية فى محلها 100% من وجهة نظرى ع الاقل .. وليس بالضرورة انى اعيب فيها ان رأيى ملزم لغيرى او ان كلامى هايأثر سلبا عن مبيعاتها داخل او خارج مصر
    وهتلاقى اغلب المشاركات تخص السبورتاج فقط لاغير بحكم انى ركبتها وعارفها وفصصتها ونزلت كل كتالوجات اصلاحها وقطع غيارها وليس لى علاقة من قريب او بعيد بالهجوم على كورى ولا امريكى ولا اوروبى ولا يابانى

    واخيرا .. ليس عيبا ان نشاط وفعالية اعضاء قسم نيسان هما السبب فى ايجاد هذه السمعة عن المنتدى وعلى باقى اعضاء اقسام المنتدى ان يحذو حذونا ويصنعوا مثلما فعلنا على مدار سنتين واكثر لأن حصاد اليوم لم يأتى من فراغ ولا بين ليلة وضحاها ..
    أنا شايف ان حضرتك اديت العربيه أكبر من حجمها وبالتالي اتصدمت. مش أى عربيه دفع رباعي يبقى ينفع تمشي في الصحرا طب ما عندك التييجو دفع رباعى 127 حصان يبقى ينفع تمشي في الصحرا؟

    اللي أعرفه لما الناس تطلع على البر بيطلعو بنيسان باترول أو ميتسوبيشي باجيرو أو تويوتا لاند كروزر أو برادو لكن مش كيا سبورتاج ال 177 حصان مقابل العربيات المذكوره اللي كلها +200 حصان وتورك يصل الى 600.


  6. #16

    الصورة الرمزية Youssef.Awad

    رقم العضوية : 42730

    تاريخ التسجيل : 19Jun2009

    المشاركات : 6,353

    النوع : ذكر

    الاقامة : Riyadh - KSA // Banha - Egypt

    السيارة: NISSAN ALTIMA 2.5 SL '13

    السيارة[2]: FSO Polonez '88 - NISSAN SUNNY EX Saloon '10

    دراجة بخارية: 000

    الحالة : Youssef.Awad غير متواجد حالياً

    افتراضي -

    اقتباس المشاركة الأصلية كتبت بواسطة ahmed_adham مشاهدة المشاركة
    أنا شايف ان حضرتك اديت العربيه أكبر من حجمها وبالتالي اتصدمت. مش أى عربيه دفع رباعي يبقى ينفع تمشي في الصحرا طب ما عندك التييجو دفع رباعى 127 حصان يبقى ينفع تمشي في الصحرا؟

    اللي أعرفه لما الناس تطلع على البر بيطلعو بنيسان باترول أو ميتسوبيشي باجيرو أو تويوتا لاند كروزر أو برادو لكن مش كيا سبورتاج ال 177 حصان مقابل العربيات المذكوره اللي كلها +200 حصان وتورك يصل الى 600.
    لا ابدا يا احمد بيه .. لا اديتها اكبر من حجمها ولا حاجة
    لكن فعلا 177 حصان نظريا مش شوية يعنى ولكن ممكن يكون ادائهم ظاهريا افضل من كده فى عربيات تانية غير الكيا سبورتاج تحديدا

    والصحراء اللى دخلتها دى كانت على شاطىء على ساحل الخليج مش كثبان وتلال رملية يعنى وشغل رالى الفراعنة ههههههههههه
    ومش عاوز اقول ان كان فيه عربيات سيدان ملاكى وماركات اخرى اضعف من اللى حضرتك ذكرتها زى التويوتا راف 4 والفورتشنر وهايلوكس ربع نقل ونيسان بيك آب كمان وكانت داخلة فى نفس المنطقة ولكن ماشيين على مدق رمله اتكبس من كتر العربيات اللى داخلة خارجة غير المسار اللى سلكته بعيد عن طابور الجمعية لأنه بالتأكيد هايتقال وقتها انى بابالغ ..

    ولو حضرتك قريت عن تفاصيل التجربة هتلاقى انى اتصدمت من الاتى:

    1. عزم الموتور وقوته لم تنتقل بالكامل الى محاور العجلات الامامية او الخلفية ولا حتى شوفتها بتلف حوالين نفسها .. بالعكس دايس بنزين قدام وورا ع الاخر والrpm لم يتعدى 3 والعجل لف ببطء لقى نفسه مش ماسك فى ارض وبيتزحلق فاتحول الى شبه وضعية المور !!!

    2. لما استخدمت زرار حجز الدفع الرباعى لتوزيع العزم 50/50 امامى وخلفى عشان ما اهدرش فى قوة الموتور اللى واصلة للعجلات الامامية اللى كانت غارزة اكتر من الخلفية وقولت لنفسى اشتغل زى اليدوى طالما الدفع الرباعى الدائم التلقائى مش قد المقام ومش فاهم ايه اللى حصل .. مالقتش اى اختلاف ملحوظ ابدا والزرار on/off هو هو باختلاف اللمبة اللى بتنور فى التابلوه !!!

    3. استكمالا لموضوع الحساسات وخاصة اللى بتستشعر نقلات الفتيس ال6 سرعات اللى باعتبره كارثة بكل المقاييس فى السبورتاج وسبب اهدار قوة المحرك بكل امانة .. لما نقلت من الd الى الستيبترونيك +/- لقيته واخد الغيار الثانى والعربية واقفة تماما والعجل بيلف ع الفاضى او مش بيلف !!!
    وتفسيرى للغرز اول مرة بسبب ان الفتيس الذكى نقل الى السرعة الثانية والثالثة تماشيا مع برمجته لقراءة الrpm وليس لظروف الطريق انى ماشى على رمل مش اسفلت وباشعر بنزين مش كابس عشان اشبع الغيارات لأنه ما ينفعش فى الرمل !!!
    والدليل على كلامى لما فهمت اللعبة واتعاملت معاه يدوى وحطيت الاول طلعت معايا من شوية رمل تانيين هههههههههههههههه

    الخلاصة .. السبورتاج مخصصة فقط لطلوع الارصفة وده انا مجربه كويس اوى فى اى باركنج لما يكون مليان ومفيش اماكن فاضية .

    Y2Y1500 سابقا


  7. #17

    الصورة الرمزية محمد بدر

    رقم العضوية : 41935

    تاريخ التسجيل : 06Jun2009

    المشاركات : 1,533

    النوع : ذكر

    الاقامة : suez

    السيارة: KIA SPORTAGE

    السيارة[2]: Honda Civic 2010

    دراجة بخارية: لايوجد

    الحالة : محمد بدر غير متواجد حالياً

    افتراضي -

    لا والله يا دكتور يوسف انا اعتقد ان الموضوع مش موضوع عربية خالص
    اعتقد الموضوع ان العربية محتاجة لفارس أو لقائد هههههههههههههههه
    لو حضرتك راكب 128 مع كل احترامى لهذه السيارة ومسيطر هتفرق معاك كثير والله انا دلوقت بس نفسى اركب جانبك
    وبرضو متشكرين لحضرتك مرة تانية واتمنى كل المنى انك تتنازل عن السيارة دية اوتبعها اعتقد ان الموضوع فى السعودية سهل جدا او على الأقل اسهل من مصر كثير
    وبعدين موضوع الفتيس 6 غيار الخاص بالسبورتاج اكيد لو جربته فى مصر لازم هتغير رأيك انا اول مره اسمع الكلام ده - ولو مش فى امكان حضرتك تجرب السبورتاج فى مصر ياريت ترجع لمصدر موثوق فيه من جهتك ومحايد او حتى ياريت يتقارن بمنتهى الأمانة والشفافية بالفتيس cvt علشان احنا مبنحبش نقلل من شئن حاجة لاتخصنا
    ورجاء خاص يجب التوضيح علشان فى ناس كثير على المنتدى مش فهمة موضوع الأختلافات بين الخليجى إللى حضرتك اظهرتها انها فاشلة وبين المصرى التى اثبتت نجاحها وتفوقها بشهادة مالكيها وبشهادة من سنحت له الفرصة بتجربتها
    واذكر حضرتك انك كنت كاتب فى احد تقريرك شئ فعلا افزعنى(قبل استلامى للسيارة) إلا وهو الفاصل الكاوتش فى الكبوت وعلى ما اتذكر الأبواب كمان انه سئ ويسمح بدخول الأتربة والغبار والله العظيم السيارة تختلف تماما وعوازل الكبوت والأبواب بسم الله ماشاء الله وبعد عده سفريات والدخول فى مدقات وخلافه افتح الكبوت طبعا كان المنظر على عكس ما كنت اتوقع تماما ابهرنى بنظافته فمبا تفسر ذلك
    اتمنى نزولك مصر فى القريب ان شاء علشان لازم تجرب بنفسك يمكن اكون ببالغ وقتها طبعا مش هترحمنى هههههههههه


  8. #18

    الصورة الرمزية Youssef.Awad

    رقم العضوية : 42730

    تاريخ التسجيل : 19Jun2009

    المشاركات : 6,353

    النوع : ذكر

    الاقامة : Riyadh - KSA // Banha - Egypt

    السيارة: NISSAN ALTIMA 2.5 SL '13

    السيارة[2]: FSO Polonez '88 - NISSAN SUNNY EX Saloon '10

    دراجة بخارية: 000

    الحالة : Youssef.Awad غير متواجد حالياً

    افتراضي -

    اقتباس المشاركة الأصلية كتبت بواسطة mmbadroo مشاهدة المشاركة
    وبرضو متشكرين لحضرتك مرة تانية واتمنى كل المنى انك تتنازل عن السيارة دية اوتبعها اعتقد ان الموضوع فى السعودية سهل جدا او على الأقل اسهل من مصر كثير
    وبعدين موضوع الفتيس 6 غيار الخاص بالسبورتاج اكيد لو جربته فى مصر لازم هتغير رأيك انا اول مره اسمع الكلام ده - ولو مش فى امكان حضرتك تجرب السبورتاج فى مصر ياريت ترجع لمصدر موثوق فيه من جهتك ومحايد او حتى ياريت يتقارن بمنتهى الأمانة والشفافية بالفتيس cvt علشان احنا مبنحبش نقلل من شئن حاجة لاتخصنا
    ورجاء خاص يجب التوضيح علشان فى ناس كثير على المنتدى مش فهمة موضوع الأختلافات بين الخليجى إللى حضرتك اظهرتها انها فاشلة وبين المصرى التى اثبتت نجاحها وتفوقها بشهادة مالكيها وبشهادة من سنحت له الفرصة بتجربتها
    واذكر حضرتك انك كنت كاتب فى احد تقريرك شئ فعلا افزعنى(قبل استلامى للسيارة) إلا وهو الفاصل الكاوتش فى الكبوت وعلى ما اتذكر الأبواب كمان انه سئ ويسمح بدخول الأتربة والغبار والله العظيم السيارة تختلف تماما وعوازل الكبوت والأبواب بسم الله ماشاء الله وبعد عده سفريات والدخول فى مدقات وخلافه افتح الكبوت طبعا كان المنظر على عكس ما كنت اتوقع تماما ابهرنى بنظافته فمبا تفسر ذلك
    اتمنى نزولك مصر فى القريب ان شاء علشان لازم تجرب بنفسك يمكن اكون ببالغ وقتها طبعا مش هترحمنى هههههههههه
    والله نفسى اخلص منها النهاردة قبل بكرة بس الخسارة كبيرة فى المستعمل هنا مش موضوع سهولة بيع بقى ولا لأ

    الفتيس هو هو ومفيهوش اختلاف والفرق فقط فى سعة المحرك والاندفاع وظروف التشغيل الغير طبيعية فى السعودية عنها فى مصر

    مش فاكر موضوع العازل ده والاغلب ان حضرتك فهمت كلامى غلط لأن الجو فى الرياض غبرة طول السنة زى رياح الخماسين كده وطبيعى لما افتح الكبوت الاقى رمل مش تراب ع الموتور وباقى اجزاء الكبوت لدرجة ان مفصلات الابواب بيكون عليها رمل كمان وباقف على ايد العمال فى المغسلة عشان ينظفوها .. ده موضوع تانى مش فرق فى العازل قد ماهو فرق فى طبيعة الجو وظروف التشغيل وده بيبان اكتر فى تزييق التيل مع الطنابير بعد 12000 كم فقط لا غير !!! ونشوفية اى اجزاء كاوتش زى الجلب وغيرها بمرور الوقت وبالتالى عمرها الافتراضى هايكون اقل من غيرها فى بلاد تانية غير السعودية او الخليج

    اطمن يا استاذ محمد .. فى اول اجازة باذن الله هاجيلك ونشوف الفروقات دى بينى وبينك بدون اى حواجز
    ومش بعيد اعرف انزل بعربيتى لو كانت لسه معايا ونتبارز فارس لفارس واهو نفس العربية ونفس الصانع وسيبك بقى من نيسان قاشقاى ههههههههههههههه

    Y2Y1500 سابقا


  9. #19

    الصورة الرمزية محمد بدر

    رقم العضوية : 41935

    تاريخ التسجيل : 06Jun2009

    المشاركات : 1,533

    النوع : ذكر

    الاقامة : suez

    السيارة: KIA SPORTAGE

    السيارة[2]: Honda Civic 2010

    دراجة بخارية: لايوجد

    الحالة : محمد بدر غير متواجد حالياً

    افتراضي -

    حبيبى والله يا دكتور جووووووووووو
    بحيى صاحب الموضوع واشكره ونفسى يدخل فى المبارزة معنا او حتى يكون حكم علشان فعلا انا بحب جدا المداخلات معك وهو بالرغم من ان ظروفى لاتسمح بالوقت الكافى للمداخلات ولاكن مبقدرش اقاوم كلامك بس برضو علشان خطرى خف علينا شوية والله احنا مش قدك ههههههههههههههههههه


  10. #20

    الصورة الرمزية Mohyeldin1974

    رقم العضوية : 129114

    تاريخ التسجيل : 04Sep2012

    المشاركات : 833

    النوع : ذكر

    الاقامة : القاهره/ London

    السيارة: Xxxxxx

    السيارة[2]: Astra cosmo

    دراجة بخارية: no

    الحالة : Mohyeldin1974 غير متواجد حالياً

    افتراضي -

    hasad">

    ابقو عرفونا لو فيها سمك...والشاى عليا انا

    ان الله لا يغير ما بقوم حتى يغيروا ما بأنفسهم



 
صفحة 2 من 4 الأولىالأولى 1 2 3 4 الأخيرةالأخيرة

المواضيع المتشابهه

  1. سعر سيارة كيا سبورتاج 2012 فى مصر
    بواسطة wael30003 في المنتدى أخبار السيارات في مصر والعالم
    مشاركات: 0
    آخر مشاركة: 26-10-2012, 12:47 PM
  2. كيا سبورتاج الفئة الثانية 2012 و لا فانتازيا اول فئة 2012
    بواسطة kerdo في المنتدى قســـــــــم المقارنــــات
    مشاركات: 16
    آخر مشاركة: 24-10-2012, 05:39 PM
  3. كيا سبورتاج 2012
    بواسطة mazher_m في المنتدى بيـــع و شــــراء
    مشاركات: 1
    آخر مشاركة: 26-01-2012, 01:30 AM
  4. كيا سبورتاج 2012 ولا فنتازيا 2012
    بواسطة roffa1 في المنتدى قســـــــــم المقارنــــات
    مشاركات: 16
    آخر مشاركة: 04-12-2011, 10:59 PM
  5. فورد مونديو 2011 - هيونداي ألنترا فولي لوديد 2012 - كيا سبورتاج ex 2012
    بواسطة AshTurbo في المنتدى قســـــــــم المقارنــــات
    مشاركات: 20
    آخر مشاركة: 05-09-2011, 05:24 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2