سعر سيارة كيا سبورتاج 2012 فى مصر

كيا سبورتاج تصميم خارجى تحفة فنية

انا بحب اشوفها فى اى طريق شكل خرافى

جذاب بشكل مبدع

حبيت انقل بعض المعلومات للسادة الاعضاء عن هذه التحفة الفنية


الفئة - سبورتاج
نمط السيارة - دفع رباعى
عدد السلندرات - 5
صندوق التروس - اوتوماتيك
سعة المحرك - 1600 سى سى
قوة المحرك - 140 حصان
طول / عرض / ارتفاع - 4440 / 1855 / 1635
سعة خزان الوقود - 55 لتر
وزن السيارة فارغ - 1469
انظمة الأمان - ABS
الوسائد الهوائية - 4
التسارع من صفر الى 100 كم - 15.5 ثانية
بلد المنشأ - كوريا الجنوبية


اسعار موديلات كيا سبورتاج 2012

- كيا سبورتاج 2012 اوتوماتيك Basic
173.000 جنيه مصرى

- كيا سبورتاج 2012 اوتوماتيك جميع الكماليات
186.000 جنيه مصرى

- كيا سبورتاج 2012 اوتوماتيك هاى لاين 1.6
210.000 جنيه مصرى

- كيا سبورتاج 2012 ستبترونيك هاى لاين 2.0 ( 2000 سى سى - 166 حصان )
375.000 جنيه مصرى


الوان كيا سبورتاج 2012


اسود - ابيض - احمر - ازرق - برتقالى - رمادى - سماوى - فضى


كماليات كيا سبورتاج 2012

تكييف هواء اوتوماتيك - زجاج كهربائى امامى و خلفى - التحكم بزجاج السائق بلمسة واحدة بالاضافة الى نظام الزجاج الامن - طى المرايات الجانبية كهربائيا - فوانيس ضباب - مرايات جانبية كهربائية - المرايات الجانبية بنفس لون السيارة - مقابض السيارة الخارجية من الكروم- سبويلر خلفى - مثبت سرعةبتحكم من عجلة القيادة - كمبيوتر رحلات - فرش الابواب جلد من الداخل - عجلة قيادة و ناقل حركة من الجلد - - زجاج مظلل للابواب الخلفية و الزجاج الخلفى - عوارض تحميل فوق سقف السيارة - مساند راس امامية و خلفية قابلة للتعديل - التحكم فى ارتفاع كرسى السائق - كرسى السائق بتحكم كهربائى - مانع ادارة المحرك - النظام الذكى لركن السيارة - باور ستييرنج - عجلة قيادة متحركة - اماكن تخزين بالابواب الخلفية و الامامية - طفاية سجائر متحركة وولاعة - نور قراءة و مكان لحفظ النظارة - قفل مركزى للابواب - حامل اكواب امامى - مسند يد امامى من الجلد - مسند يد خلفى و حامل اكواب - صوت تنبيهى فى حالة عدم غلق السيارة - غطاء للشنطة الخلفية - طلاء معدنى لمقابض السيارة الداخلية - امكانية طى ظهر المقاعد الخلفية - مساحات خلفية بسائل تنظيف - راديو - سى دى - تحكم الراديو و السى دى من عجلة القيادة - عدادات رياضية باضاءة قوية - فرش جلد - المفتاح الذكى - مرايا ذاتية التعتيم - كاميرا خلفية - فتحة سقف بانوراما

عربيه ممتازه و ممكن تنتشر اكتر من كده لو عرفوا يحلوا موضوع الاوفربرايس اللى بتتباع بيه و اللى خللى أسعار حتى المستعمل منها أعلى من الرقام الرسميه اللى حضرتك كاتبها دى و اللى لو عايز تلتزم بيها يبقى لازم تستنى ٦ شهور علشان تستلمها

شكرا على الموضوع بس فى معلومات غلط

السبورتاج اللى بتنزل مصر مش دفع رباعى

4 سلندر مش 5

الوزن اعتقد اقل بشويه من المكتوب فى حدود 1400 كجم

الايرباج 2 مش 4

التسارع مش 15.5 خالص التسارع فى حدود 11.5 ثانيه

اقتباس:

---

المشاركة الأصلية كتبت بواسطة hosam_optrawy

الوزن اعتقد اقل بشويه من المكتوب فى حدود 1400 كجم

---

وزن ال2400 سى سى دفع رباعى معايا من البطاقة الجمركية 1475 كجم فارغة بدون اى حمولة
طبيعى ان ال1600 تكون اقل من 1350 كجم كمان

الهاي لاين ب 375

!!!

طيب

اقتباس:

---

المشاركة الأصلية كتبت بواسطة ahmad--ezzat

الهاي لاين ب 375

!!!

طيب

---

ياباشا .. دى 2000 سى سى يعنى جمارك 135% وليس 40% زى ال1600 سى سى

وبعدين جمرك ال2400 سى سى لوحده 250 الف جنيه ده غير ثمنها اصلا اللى هو ب90 الف ريال سعودى = 150 الف ج
يعنى العربية هاتقف ب400 الف جنيه وفى الاخر كيا سبورتاج وكورى
يبقى اروح اجيب بى ام x3 كمان واركب المانى احسن لى !!!
بس فيه ناس كييفة الانفراد والتميز :star1:

ال2000 سى سى ب 375 الف !! كتير جدا انا متفهم انى اللى رافع السعر هى الجمارك بس من اول 300 الف يبقى بى ام و مرسيدس و بس

اقتباس:

---

المشاركة الأصلية كتبت بواسطة temo85

ال2000 سى سى ب 375 الف !! كتير جدا انا متفهم انى اللى رافع السعر هى الجمارك بس من اول 300 الف يبقى بى ام و مرسيدس و بس

---

ماهو اكيد محدش هايشتريها بالسعر دا , والتوكيل اساسا مبيجبهاش غير بالطلب هو حاطط سعرها عشان لو حد عايز

والبى ام والمرسيدس اساسا رخاص عشان بيتجمعوا فى مصر لو كانوا بييجوا من المانيا كنت هاتلاقى اسعار غير دى خالص

اقتباس:

---

المشاركة الأصلية كتبت بواسطة hosam_optrawy

والبى ام والمرسيدس اساسا رخاص عشان بيتجمعوا فى مصر لو كانوا بييجوا من المانيا كنت هاتلاقى اسعار غير دى خالص

---

شكراً يا حسام انا كان السؤال ده بيدور في دماغي دايماً

اقتباس:

---

المشاركة الأصلية كتبت بواسطة Youssef.Awad

ياباشا .. دى 2000 سى سى يعنى جمارك 135% وليس 40% زى ال1600 سى سى

وبعدين جمرك ال2400 سى سى لوحده 250 الف جنيه ده غير ثمنها اصلا اللى هو ب90 الف ريال سعودى = 150 الف ج
يعنى العربية هاتقف ب400 الف جنيه وفى الاخر كيا سبورتاج وكورى
يبقى اروح اجيب بى ام x3 كمان واركب المانى احسن لى !!!
بس فيه ناس كييفة الانفراد والتميز :star1:

---

دكتور يوسف
كل عام وحضرتك بخير واعاد الله عليك وعلى اسرتك هذه الأيام بالخير واليمن والبركات
والله يا دكتور كل معلوماتك على عينا ورسنا من فوق
ولاكن كما تعودنا من معاليك لازم تصغير من شئن الكورى يعنى كلام حضرتك مفيد جدا ولاكن لازم نلاقى فى النص كلمة تحقر او تصغر من شئن الكورى وكأنه ارضاء للأخوة الأفاضل اعضاء قسم نيسان لدرجة والله والله اصبح الكلام المتداول الآن على العام والخاص ان هذا المنتدى لايحتوى إلا اعضاء نيسان فقد ولا اعتراف ولا وجوود للأخرين
طبعا يا عمنا مش هنقارن الكورى بال bmw واخواتها ولاكن نحن مقتنعين بهذه الفئة والصناعة الكورية عمتا التى تشبع وتلبى رغباتنا وبعدين بناخذ امكانيات وشكل على قد فلوسنا يعنى على قد ما بندفع على قد ما ناخذ - فنشعر دائما ان حضرتك تقلل من شئن هذا الشئ بمثل هذه العبارات المجحفة
وفى الاخر كيا سبورتاج وكورى !!!!!!!!!!!!!!
يعنى ياريت يا دكتور يوسف الكلام ده يبقى من أى حد تانى ميبقاش من واحد بقيمة حضرتك - يعن حضرتك بتكلم على الكورى ده وكآنه استغفر الله العظيم حاجة كده مش تمام
وعلشان كمان كلامى ميتفهمش غلط مش عايزين مدح فى الكورى برضو
فمن مداخلات حضرتك واضح جدا انك كاره الكورى بشكل عام وتم توضيح ذلك أكثر من مرة بل مرات كثيرة
ووصلت المعلومة كويس بس ما سبب اصرارك على الخوض فى هذا الموضوع وبهذا الشكل والله الواحد تعود دائما ان اول ماينزل موضوع فيه كلمتين حلوين على الكيا يبقى منتظر مدخلتك ومش كده وبس والله كلامك بيكون متوقع قبل ما يكتب
دكتور يوسف حبيب قلبى ارجوك متزعلش من كلامى ولاكنى حاولت اكتب بكل تحفظ مستطاع للحفاظ على صداقتنا الذى اعتز بها جدا جدا فى هذا المنتدى
وفى الآخر اعتبر الكلام ده فطفطه بدل ما اكتم فى نفسى ويحصلى حاجة
ولا حضرتك عايز الثانية هههههههههه
وفى النهاية ومرة تانية وتالتة كل عام وانت بخير اسعدك الله فى هذه الأيام انت واسرتك الكريمة

اقتباس:

---

المشاركة الأصلية كتبت بواسطة mmbadroo

دكتور يوسف
كل عام وحضرتك بخير واعاد الله عليك وعلى اسرتك هذه الأيام بالخير واليمن والبركات
والله يا دكتور كل معلوماتك على عينا ورسنا من فوق
ولاكن كما تعودنا من معاليك لازم تصغير من شئن الكورى يعنى كلام حضرتك مفيد جدا ولاكن لازم نلاقى فى النص كلمة تحقر او تصغر من شئن الكورى وكأنه ارضاء للأخوة الأفاضل اعضاء قسم نيسان لدرجة والله والله اصبح الكلام المتداول الآن على العام والخاص ان هذا المنتدى لايحتوى إلا اعضاء نيسان فقد ولا اعتراف ولا وجوود للأخرين
طبعا يا عمنا مش هنقارن الكورى بال bmw واخواتها ولاكن نحن مقتنعين بهذه الفئة والصناعة الكورية عمتا التى تشبع وتلبى رغباتنا وبعدين بناخذ امكانيات وشكل على قد فلوسنا يعنى على قد ما بندفع على قد ما ناخذ - فنشعر دائما ان حضرتك تقلل من شئن هذا الشئ بمثل هذه العبارات المجحفة
وفى الاخر كيا سبورتاج وكورى !!!!!!!!!!!!!!
يعنى ياريت يا دكتور يوسف الكلام ده يبقى من أى حد تانى ميبقاش من واحد بقيمة حضرتك - يعن حضرتك بتكلم على الكورى ده وكآنه استغفر الله العظيم حاجة كده مش تمام
وعلشان كمان كلامى ميتفهمش غلط مش عايزين مدح فى الكورى برضو
فمن مداخلات حضرتك واضح جدا انك كاره الكورى بشكل عام وتم توضيح ذلك أكثر من مرة بل مرات كثيرة
ووصلت المعلومة كويس بس ما سبب اصرارك على الخوض فى هذا الموضوع وبهذا الشكل والله الواحد تعود دائما ان اول ماينزل موضوع فيه كلمتين حلوين على الكيا يبقى منتظر مدخلتك ومش كده وبس والله كلامك بيكون متوقع قبل ما يكتب
دكتور يوسف حبيب قلبى ارجوك متزعلش من كلامى ولاكنى حاولت اكتب بكل تحفظ مستطاع للحفاظ على صداقتنا الذى اعتز بها جدا جدا فى هذا المنتدى
وفى الآخر اعتبر الكلام ده فطفطه بدل ما اكتم فى نفسى ويحصلى حاجة
ولا حضرتك عايز الثانية هههههههههه
وفى النهاية ومرة تانية وتالتة كل عام وانت بخير اسعدك الله فى هذه الأيام انت واسرتك الكريمة

---

ههههههههههههههههههههههههه
وانت طيب يا استاذ محمد والاسرة بخير وصحة وسلامة
والله ما كنت اقصد اجرح مشاعرك بكلامى .. سامحنى ماكنش قصدى وبعيد الشر عنك .. يعنى هالاقى مين يدافع عن السبورتاج غيرك :iloveu:
ولكنه رد طبيعى لأى حد ويتفق معايا الاخ حسام كمان من خلال رده
لما نوصل لحد شراء 400 الف ج .. يبقى هل من المعقول انى اقول لحضرتك وباقى الاعضاء ان اختيار الكيا سبورتاج 2000 سى سى هايكون افضل من اختيار ماركات تانية اعلى مثل الالمانى ؟!!!
الاجابة لا تحتمل القسمة على اتنين ..

بالطبع انا مقدر مدى شغف وحب الجميع بالكيا سبورتاج شكلا وكماليات وممكن يكون مضمون كمان بالنسبة لهم وفوق ده كله الفئة السعرية (200 الف ج) اللى مش هاتخلى اى حد يركب عربية عن الارض بمواصفات وكماليات السبورتاج فى مصر بالتأكيد .

ولكن ده لا يمنع انى اقول رأيى فى العربية بكل اقتناع وبعد تجربة فى كافة الظروف (اخرها اليوم فى الصحراء ووسط الرمال) بعربيتى ال2400 الدفع الرباعى وكان الاداء غير مرضى بالنسبة ابداااااااااااا ومخزى جداااااا .. والسبب هو النظام الوهمى بتوزيع عزم الدفع على المحاور بشكل متساوى وحتى مع نظام الAWD والفتيس ال6 سرعات - الفاشل - مضيع ال177 حصان قوة المحرك لأنه مع الضغط على دواسة البنزين ع الاخر الRPM لم يتخطى 3 ولم تتحرك السيارة وهى ع الD ابداااااااا !!!

وفوجئت عندما انتقلت الى الستيبترونيك فوجئت بأن الفتيس واخد النقلة الثانية !!!! ولم تطلع العربية من الغرز الا لما جبت الاول ومرجحت الدركسيون بخفة يمين وشمال لحد اما العجلات الامامية لمست سطح صلب شوية عن الرمال وطلعت والحمد لله.

بس بينى وبينك كان نفسى اشوف ال177 حصان دول على فتيس CVT من بتوع نيسان ولا سوبارو .. انا واثق ان الوضع هايكون مختلف ..

من الاخر العربية دى منظر فقط لا غير بدون مضمون او قوة فعالة ومدروسة من قبل صانع بيفكر فى زيادة المبيعات بالشكل والتصميمات الجذابة .. واخرها تتحرك بيها جوة البلد او على الطرق السريعة بحد اقصى 160-170 كم/س وشكرا .

واحب اوضح ان كل كلامى ومشاركاتى ومداخلاتى فى المنتدى عامة وقسم كيا خاصة بيكون بناءا عن اقتناع تام وتجربة شخصية يومية بكل حيادية بدون اى تحامل بأى شكل من الاشكال وكل العيوب اللى ذكرتها او الملاحظات اللى طرحتها بخصوص العربية فى محلها 100% من وجهة نظرى ع الاقل .. وليس بالضرورة انى اعيب فيها ان رأيى ملزم لغيرى او ان كلامى هايأثر سلبا عن مبيعاتها داخل او خارج مصر
وهتلاقى اغلب المشاركات تخص السبورتاج فقط لاغير بحكم انى ركبتها وعارفها وفصصتها ونزلت كل كتالوجات اصلاحها وقطع غيارها وليس لى علاقة من قريب او بعيد بالهجوم على كورى ولا امريكى ولا اوروبى ولا يابانى

واخيرا .. ليس عيبا ان نشاط وفعالية اعضاء قسم نيسان هما السبب فى ايجاد هذه السمعة عن المنتدى وعلى باقى اعضاء اقسام المنتدى ان يحذو حذونا ويصنعوا مثلما فعلنا على مدار سنتين واكثر لأن حصاد اليوم لم يأتى من فراغ ولا بين ليلة وضحاها ..

اقتباس:

---

المشاركة الأصلية كتبت بواسطة youssef.awad

واخيرا .. ليس عيبا ان نشاط وفعالية اعضاء قسم نيسان هما السبب فى ايجاد هذه السمعة عن المنتدى وعلى باقى اعضاء اقسام المنتدى ان يحذو حذونا ويصنعوا مثلما فعلنا على مدار سنتين واكثر لأن حصاد اليوم لم يأتى من فراغ ولا بين ليلة وضحاها ..

---

د / يوسف كل سنة وانت طيب والاسرة الكريمة بخير يارب

اسمحلى اختلف معاك فى الجزئية دى .....منتدى نايل موتورز دائما ومنذ نشأته لا يعتمد على قسم واحد وشهرة المنتدى ونجاحه دائما تأتى من اعضائه وليس قسم بعينه واذا كان قسم نيسان ناجح ونشط فهذا نجاح للمنتدى ككل وليس لاعضاء قسم نيسان فقط .


انا فعلا بدأت الاحظ كلام أ / محمد ليك بالنسبة لكلامك عن الاسبورتاج والكورى عموما لانه اصبح مكرر فى كل موضوع وهو الهجوم سواء بمبرر او غير ومن حقك تماما بما انك تمتلك السيارة ان تتحدث كيفما شئت ولكن لا تفرض رائيك على المقبلين على الشراء او المالكين للسيارة او تحاول ان تنتقص من ماركة سيارة لها عشاقها وخصوصا عندما يكون هذا الكلام فى قسم كيا .

واخيرا اعتذر وبشدة لصاحب الموضوع الاصلى لخروجى عن مضمونه وكل عام وانت بخير .

اقتباس:

---

المشاركة الأصلية كتبت بواسطة ابو ليلى

د / يوسف كل سنة وانت طيب والاسرة الكريمة بخير يارب
.

---

وحضرتك طيب وبالصحة والسلامة

اقتباس:

---

المشاركة الأصلية كتبت بواسطة ابو ليلى

اسمحلى اختلف معاك فى الجزئية دى .....منتدى نايل موتورز دائما ومنذ نشأته لا يعتمد على قسم واحد وشهرة المنتدى ونجاحه دائما تأتى من اعضائه وليس قسم بعينه واذا كان قسم نيسان ناجح ونشط فهذا نجاح للمنتدى ككل وليس لاعضاء قسم نيسان فقط .
.

---

وانا متفق معك فى الكلام ده وفعلا ليس عيبا ولا استئثارا بالنجاح ولا الشهرة ولكن نشاط ونجاح قسم نيسان ملحوظ من اغلب الاعضاء الجدد وليس مننا فقط
وكلنا فى الاول والاخر فى نفس المركب ..

اقتباس:

---

المشاركة الأصلية كتبت بواسطة ابو ليلى

انا فعلا بدأت الاحظ كلام أ / محمد ليك بالنسبة لكلامك عن الاسبورتاج والكورى عموما لانه اصبح مكرر فى كل موضوع وهو الهجوم سواء بمبرر او غير ومن حقك تماما بما انك تمتلك السيارة ان تتحدث كيفما شئت ولكن لا تفرض رائيك على المقبلين على الشراء او المالكين للسيارة او تحاول ان تنتقص من ماركة سيارة لها عشاقها وخصوصا عندما يكون هذا الكلام فى قسم كيا .
.

---

بالطبع لا افرض رأيى على أحد سواء المالكين او المقبلين ع الشراء بكل بساطة لأن المعادلة غير متكافئة وعربيتى ليست موجودة فى مصر وسبورتاج مصر غير موجودة فى الخليج فبالتالى لا فرض لرأى أحدنا على الاخر

وفى كل مشاركاتى أأكد على هذه النقطة تحديدا وأصر على التصريح فى كل مرة بأنى امتلك سبورتاج وده رأيى الخاص وعن تجربة شخصية وذلك بيتم فى قسم كيا او نيسان او المقارنات او الدفع الرباعى او غيرها من اقسام المنتدى

اقتباس:

---

المشاركة الأصلية كتبت بواسطة ابو ليلى

واخيرا اعتذر وبشدة لصاحب الموضوع الاصلى لخروجى عن مضمونه وكل عام وانت بخير .

---

فعلا معاك حق وانا غلطان لأنى قمت بالرد بناءا على معلومات موثوق منها بخصوص سعر السبورتاج 2000 او 2400 فى السعودية وقيمة الجمارك المدفوعة وسعرها المبالغ فيه بعدها
وبالمناسبة يوجد عدد من مشاهير الفن اشتروها ودخلوها بالسعر ده مصر من السعودية او الخليج ..

بالعكس انا مش عايز اعتذار

لأنى استفدت معلومات من د يوسف معلومات عن مدى قوى السيارة فى الغرز ودى طبعا حاجة مهمة جدا انا ما كنتش اعرفها

ثانيا السيارة لما بتعجبنى بكون حاطط فى دماغى انى هاشتريها مش لازم دلوقتى لأنى لسه مستلم عربية من 364 يوم

ثالثا وهو الاهم لا املك حاليا ثمن السيارة الجديدة سبورتاج

ولكن المؤكد انى مش هاشتريها لو فيها عيوب فى الدفع القوة الحصانية المكتوبة فى الكتالوج عن الفعلية ( برجاء عدم الزعل من ملاك الكورى )

وبعدين انا كنت باقول رايى فى السيارة كشكل خارجى وده انا ذكرته فى الموضوع لانى فعلا ما ركبتهاش ولا اعرف اى معلومة عنها فعلية عن تجربة كله كلام مكتوب فقط

وبرده شكلها عاجبنى

العربية عندى عاملة زى المراة لما بيكون شكلها حلو بتقتح نفسك على الحياة

ولما بيكون شكلها مش ولا بد بتسد نفسك على اى حاجة حتى ركوبها

عشان كده انا بحب الجمال فى اى حاجة خاصة السيارات والسيدات

مع عملى بالآية الكريمة ( وقل للموؤمنين يغضوا من ابصارهم ) والواحد بيجتهد على قدر الامكان بغض البصر
... طبعا مش عن السيارت

وكل سنة وانتوا طيبين

اقتباس:

---

المشاركة الأصلية كتبت بواسطة youssef.awad

ههههههههههههههههههههههههه
وانت طيب يا استاذ محمد والاسرة بخير وصحة وسلامة
والله ما كنت اقصد اجرح مشاعرك بكلامى .. سامحنى ماكنش قصدى وبعيد الشر عنك .. يعنى هالاقى مين يدافع عن السبورتاج غيرك :iloveu:
ولكنه رد طبيعى لأى حد ويتفق معايا الاخ حسام كمان من خلال رده
لما نوصل لحد شراء 400 الف ج .. يبقى هل من المعقول انى اقول لحضرتك وباقى الاعضاء ان اختيار الكيا سبورتاج 2000 سى سى هايكون افضل من اختيار ماركات تانية اعلى مثل الالمانى ؟!!!
الاجابة لا تحتمل القسمة على اتنين ..

بالطبع انا مقدر مدى شغف وحب الجميع بالكيا سبورتاج شكلا وكماليات وممكن يكون مضمون كمان بالنسبة لهم وفوق ده كله الفئة السعرية (200 الف ج) اللى مش هاتخلى اى حد يركب عربية عن الارض بمواصفات وكماليات السبورتاج فى مصر بالتأكيد .

ولكن ده لا يمنع انى اقول رأيى فى العربية بكل اقتناع وبعد تجربة فى كافة الظروف (اخرها اليوم فى الصحراء ووسط الرمال) بعربيتى ال2400 الدفع الرباعى وكان الاداء غير مرضى بالنسبة ابداااااااااااا ومخزى جداااااا .. والسبب هو النظام الوهمى بتوزيع عزم الدفع على المحاور بشكل متساوى وحتى مع نظام الawd والفتيس ال6 سرعات - الفاشل - مضيع ال177 حصان قوة المحرك لأنه مع الضغط على دواسة البنزين ع الاخر الrpm لم يتخطى 3 ولم تتحرك السيارة وهى ع الd ابداااااااا !!!

وفوجئت عندما انتقلت الى الستيبترونيك فوجئت بأن الفتيس واخد النقلة الثانية !!!! ولم تطلع العربية من الغرز الا لما جبت الاول ومرجحت الدركسيون بخفة يمين وشمال لحد اما العجلات الامامية لمست سطح صلب شوية عن الرمال وطلعت والحمد لله.

بس بينى وبينك كان نفسى اشوف ال177 حصان دول على فتيس cvt من بتوع نيسان ولا سوبارو .. انا واثق ان الوضع هايكون مختلف ..

من الاخر العربية دى منظر فقط لا غير بدون مضمون او قوة فعالة ومدروسة من قبل صانع بيفكر فى زيادة المبيعات بالشكل والتصميمات الجذابة .. واخرها تتحرك بيها جوة البلد او على الطرق السريعة بحد اقصى 160-170 كم/س وشكرا .

واحب اوضح ان كل كلامى ومشاركاتى ومداخلاتى فى المنتدى عامة وقسم كيا خاصة بيكون بناءا عن اقتناع تام وتجربة شخصية يومية بكل حيادية بدون اى تحامل بأى شكل من الاشكال وكل العيوب اللى ذكرتها او الملاحظات اللى طرحتها بخصوص العربية فى محلها 100% من وجهة نظرى ع الاقل .. وليس بالضرورة انى اعيب فيها ان رأيى ملزم لغيرى او ان كلامى هايأثر سلبا عن مبيعاتها داخل او خارج مصر
وهتلاقى اغلب المشاركات تخص السبورتاج فقط لاغير بحكم انى ركبتها وعارفها وفصصتها ونزلت كل كتالوجات اصلاحها وقطع غيارها وليس لى علاقة من قريب او بعيد بالهجوم على كورى ولا امريكى ولا اوروبى ولا يابانى

واخيرا .. ليس عيبا ان نشاط وفعالية اعضاء قسم نيسان هما السبب فى ايجاد هذه السمعة عن المنتدى وعلى باقى اعضاء اقسام المنتدى ان يحذو حذونا ويصنعوا مثلما فعلنا على مدار سنتين واكثر لأن حصاد اليوم لم يأتى من فراغ ولا بين ليلة وضحاها ..

---

أنا شايف ان حضرتك اديت العربيه أكبر من حجمها وبالتالي اتصدمت. مش أى عربيه دفع رباعي يبقى ينفع تمشي في الصحرا طب ما عندك التييجو دفع رباعى 127 حصان يبقى ينفع تمشي في الصحرا؟

اللي أعرفه لما الناس تطلع على البر بيطلعو بنيسان باترول أو ميتسوبيشي باجيرو أو تويوتا لاند كروزر أو برادو لكن مش كيا سبورتاج ال 177 حصان مقابل العربيات المذكوره اللي كلها +200 حصان وتورك يصل الى 600.

اقتباس:

---

المشاركة الأصلية كتبت بواسطة ahmed_adham

أنا شايف ان حضرتك اديت العربيه أكبر من حجمها وبالتالي اتصدمت. مش أى عربيه دفع رباعي يبقى ينفع تمشي في الصحرا طب ما عندك التييجو دفع رباعى 127 حصان يبقى ينفع تمشي في الصحرا؟

اللي أعرفه لما الناس تطلع على البر بيطلعو بنيسان باترول أو ميتسوبيشي باجيرو أو تويوتا لاند كروزر أو برادو لكن مش كيا سبورتاج ال 177 حصان مقابل العربيات المذكوره اللي كلها +200 حصان وتورك يصل الى 600.

---

لا ابدا يا احمد بيه .. لا اديتها اكبر من حجمها ولا حاجة
لكن فعلا 177 حصان نظريا مش شوية يعنى ولكن ممكن يكون ادائهم ظاهريا افضل من كده فى عربيات تانية غير الكيا سبورتاج تحديدا

والصحراء اللى دخلتها دى كانت على شاطىء على ساحل الخليج مش كثبان وتلال رملية يعنى وشغل رالى الفراعنة ههههههههههه
ومش عاوز اقول ان كان فيه عربيات سيدان ملاكى وماركات اخرى اضعف من اللى حضرتك ذكرتها زى التويوتا راف 4 والفورتشنر وهايلوكس ربع نقل ونيسان بيك آب كمان وكانت داخلة فى نفس المنطقة ولكن ماشيين على مدق رمله اتكبس من كتر العربيات اللى داخلة خارجة غير المسار اللى سلكته بعيد عن طابور الجمعية لأنه بالتأكيد هايتقال وقتها انى بابالغ ..

ولو حضرتك قريت عن تفاصيل التجربة هتلاقى انى اتصدمت من الاتى:

1. عزم الموتور وقوته لم تنتقل بالكامل الى محاور العجلات الامامية او الخلفية ولا حتى شوفتها بتلف حوالين نفسها .. بالعكس دايس بنزين قدام وورا ع الاخر والrpm لم يتعدى 3 والعجل لف ببطء لقى نفسه مش ماسك فى ارض وبيتزحلق فاتحول الى شبه وضعية المور !!!

2. لما استخدمت زرار حجز الدفع الرباعى لتوزيع العزم 50/50 امامى وخلفى عشان ما اهدرش فى قوة الموتور اللى واصلة للعجلات الامامية اللى كانت غارزة اكتر من الخلفية وقولت لنفسى اشتغل زى اليدوى طالما الدفع الرباعى الدائم التلقائى مش قد المقام ومش فاهم ايه اللى حصل .. مالقتش اى اختلاف ملحوظ ابدا والزرار on/off هو هو باختلاف اللمبة اللى بتنور فى التابلوه !!!

3. استكمالا لموضوع الحساسات وخاصة اللى بتستشعر نقلات الفتيس ال6 سرعات اللى باعتبره كارثة بكل المقاييس فى السبورتاج وسبب اهدار قوة المحرك بكل امانة .. لما نقلت من الd الى الستيبترونيك +/- لقيته واخد الغيار الثانى والعربية واقفة تماما والعجل بيلف ع الفاضى او مش بيلف !!!
وتفسيرى للغرز اول مرة بسبب ان الفتيس الذكى نقل الى السرعة الثانية والثالثة تماشيا مع برمجته لقراءة الrpm وليس لظروف الطريق انى ماشى على رمل مش اسفلت وباشعر بنزين مش كابس عشان اشبع الغيارات لأنه ما ينفعش فى الرمل !!!
والدليل على كلامى لما فهمت اللعبة واتعاملت معاه يدوى وحطيت الاول طلعت معايا من شوية رمل تانيين هههههههههههههههه

الخلاصة .. السبورتاج مخصصة فقط لطلوع الارصفة وده انا مجربه كويس اوى فى اى باركنج لما يكون مليان ومفيش اماكن فاضية .

لا والله يا دكتور يوسف انا اعتقد ان الموضوع مش موضوع عربية خالص
اعتقد الموضوع ان العربية محتاجة لفارس أو لقائد هههههههههههههههه
لو حضرتك راكب 128 مع كل احترامى لهذه السيارة ومسيطر هتفرق معاك كثير والله انا دلوقت بس نفسى اركب جانبك
وبرضو متشكرين لحضرتك مرة تانية واتمنى كل المنى انك تتنازل عن السيارة دية اوتبعها اعتقد ان الموضوع فى السعودية سهل جدا او على الأقل اسهل من مصر كثير
وبعدين موضوع الفتيس 6 غيار الخاص بالسبورتاج اكيد لو جربته فى مصر لازم هتغير رأيك انا اول مره اسمع الكلام ده - ولو مش فى امكان حضرتك تجرب السبورتاج فى مصر ياريت ترجع لمصدر موثوق فيه من جهتك ومحايد او حتى ياريت يتقارن بمنتهى الأمانة والشفافية بالفتيس cvt علشان احنا مبنحبش نقلل من شئن حاجة لاتخصنا
ورجاء خاص يجب التوضيح علشان فى ناس كثير على المنتدى مش فهمة موضوع الأختلافات بين الخليجى إللى حضرتك اظهرتها انها فاشلة وبين المصرى التى اثبتت نجاحها وتفوقها بشهادة مالكيها وبشهادة من سنحت له الفرصة بتجربتها
واذكر حضرتك انك كنت كاتب فى احد تقريرك شئ فعلا افزعنى(قبل استلامى للسيارة) إلا وهو الفاصل الكاوتش فى الكبوت وعلى ما اتذكر الأبواب كمان انه سئ ويسمح بدخول الأتربة والغبار والله العظيم السيارة تختلف تماما وعوازل الكبوت والأبواب بسم الله ماشاء الله وبعد عده سفريات والدخول فى مدقات وخلافه افتح الكبوت طبعا كان المنظر على عكس ما كنت اتوقع تماما ابهرنى بنظافته فمبا تفسر ذلك
اتمنى نزولك مصر فى القريب ان شاء علشان لازم تجرب بنفسك يمكن اكون ببالغ وقتها طبعا مش هترحمنى هههههههههه

اقتباس:

---

المشاركة الأصلية كتبت بواسطة mmbadroo

وبرضو متشكرين لحضرتك مرة تانية واتمنى كل المنى انك تتنازل عن السيارة دية اوتبعها اعتقد ان الموضوع فى السعودية سهل جدا او على الأقل اسهل من مصر كثير
وبعدين موضوع الفتيس 6 غيار الخاص بالسبورتاج اكيد لو جربته فى مصر لازم هتغير رأيك انا اول مره اسمع الكلام ده - ولو مش فى امكان حضرتك تجرب السبورتاج فى مصر ياريت ترجع لمصدر موثوق فيه من جهتك ومحايد او حتى ياريت يتقارن بمنتهى الأمانة والشفافية بالفتيس cvt علشان احنا مبنحبش نقلل من شئن حاجة لاتخصنا
ورجاء خاص يجب التوضيح علشان فى ناس كثير على المنتدى مش فهمة موضوع الأختلافات بين الخليجى إللى حضرتك اظهرتها انها فاشلة وبين المصرى التى اثبتت نجاحها وتفوقها بشهادة مالكيها وبشهادة من سنحت له الفرصة بتجربتها
واذكر حضرتك انك كنت كاتب فى احد تقريرك شئ فعلا افزعنى(قبل استلامى للسيارة) إلا وهو الفاصل الكاوتش فى الكبوت وعلى ما اتذكر الأبواب كمان انه سئ ويسمح بدخول الأتربة والغبار والله العظيم السيارة تختلف تماما وعوازل الكبوت والأبواب بسم الله ماشاء الله وبعد عده سفريات والدخول فى مدقات وخلافه افتح الكبوت طبعا كان المنظر على عكس ما كنت اتوقع تماما ابهرنى بنظافته فمبا تفسر ذلك
اتمنى نزولك مصر فى القريب ان شاء علشان لازم تجرب بنفسك يمكن اكون ببالغ وقتها طبعا مش هترحمنى هههههههههه

---

والله نفسى اخلص منها النهاردة قبل بكرة بس الخسارة كبيرة فى المستعمل هنا مش موضوع سهولة بيع بقى ولا لأ

الفتيس هو هو ومفيهوش اختلاف والفرق فقط فى سعة المحرك والاندفاع وظروف التشغيل الغير طبيعية فى السعودية عنها فى مصر

مش فاكر موضوع العازل ده والاغلب ان حضرتك فهمت كلامى غلط لأن الجو فى الرياض غبرة طول السنة زى رياح الخماسين كده وطبيعى لما افتح الكبوت الاقى رمل مش تراب ع الموتور وباقى اجزاء الكبوت لدرجة ان مفصلات الابواب بيكون عليها رمل كمان وباقف على ايد العمال فى المغسلة عشان ينظفوها .. ده موضوع تانى مش فرق فى العازل قد ماهو فرق فى طبيعة الجو وظروف التشغيل وده بيبان اكتر فى تزييق التيل مع الطنابير بعد 12000 كم فقط لا غير !!! ونشوفية اى اجزاء كاوتش زى الجلب وغيرها بمرور الوقت وبالتالى عمرها الافتراضى هايكون اقل من غيرها فى بلاد تانية غير السعودية او الخليج

اطمن يا استاذ محمد .. فى اول اجازة باذن الله هاجيلك ونشوف الفروقات دى بينى وبينك بدون اى حواجز
ومش بعيد اعرف انزل بعربيتى لو كانت لسه معايا ونتبارز فارس لفارس واهو نفس العربية ونفس الصانع وسيبك بقى من نيسان قاشقاى ههههههههههههههه

حبيبى والله يا دكتور جووووووووووو
بحيى صاحب الموضوع واشكره ونفسى يدخل فى المبارزة معنا او حتى يكون حكم علشان فعلا انا بحب جدا المداخلات معك وهو بالرغم من ان ظروفى لاتسمح بالوقت الكافى للمداخلات ولاكن مبقدرش اقاوم كلامك بس برضو علشان خطرى خف علينا شوية والله احنا مش قدك ههههههههههههههههههه

ابقو عرفونا لو فيها سمك...والشاى عليا انا

اقتباس:

---

المشاركة الأصلية كتبت بواسطة Youssef.Awad

لا ابدا يا احمد بيه .. لا اديتها اكبر من حجمها ولا حاجة
لكن فعلا 177 حصان نظريا مش شوية يعنى ولكن ممكن يكون ادائهم ظاهريا افضل من كده فى عربيات تانية غير الكيا سبورتاج تحديدا

والصحراء اللى دخلتها دى كانت على شاطىء على ساحل الخليج مش كثبان وتلال رملية يعنى وشغل رالى الفراعنة ههههههههههه
ومش عاوز اقول ان كان فيه عربيات سيدان ملاكى وماركات اخرى اضعف من اللى حضرتك ذكرتها زى التويوتا راف 4 والفورتشنر وهايلوكس ربع نقل ونيسان بيك آب كمان وكانت داخلة فى نفس المنطقة ولكن ماشيين على مدق رمله اتكبس من كتر العربيات اللى داخلة خارجة غير المسار اللى سلكته بعيد عن طابور الجمعية لأنه بالتأكيد هايتقال وقتها انى بابالغ ..

ولو حضرتك قريت عن تفاصيل التجربة هتلاقى انى اتصدمت من الاتى:

1. عزم الموتور وقوته لم تنتقل بالكامل الى محاور العجلات الامامية او الخلفية ولا حتى شوفتها بتلف حوالين نفسها .. بالعكس دايس بنزين قدام وورا ع الاخر والrpm لم يتعدى 3 والعجل لف ببطء لقى نفسه مش ماسك فى ارض وبيتزحلق فاتحول الى شبه وضعية المور !!!

2. لما استخدمت زرار حجز الدفع الرباعى لتوزيع العزم 50/50 امامى وخلفى عشان ما اهدرش فى قوة الموتور اللى واصلة للعجلات الامامية اللى كانت غارزة اكتر من الخلفية وقولت لنفسى اشتغل زى اليدوى طالما الدفع الرباعى الدائم التلقائى مش قد المقام ومش فاهم ايه اللى حصل .. مالقتش اى اختلاف ملحوظ ابدا والزرار on/off هو هو باختلاف اللمبة اللى بتنور فى التابلوه !!!

3. استكمالا لموضوع الحساسات وخاصة اللى بتستشعر نقلات الفتيس ال6 سرعات اللى باعتبره كارثة بكل المقاييس فى السبورتاج وسبب اهدار قوة المحرك بكل امانة .. لما نقلت من الd الى الستيبترونيك +/- لقيته واخد الغيار الثانى والعربية واقفة تماما والعجل بيلف ع الفاضى او مش بيلف !!!
وتفسيرى للغرز اول مرة بسبب ان الفتيس الذكى نقل الى السرعة الثانية والثالثة تماشيا مع برمجته لقراءة الrpm وليس لظروف الطريق انى ماشى على رمل مش اسفلت وباشعر بنزين مش كابس عشان اشبع الغيارات لأنه ما ينفعش فى الرمل !!!
والدليل على كلامى لما فهمت اللعبة واتعاملت معاه يدوى وحطيت الاول طلعت معايا من شوية رمل تانيين هههههههههههههههه

الخلاصة .. السبورتاج مخصصة فقط لطلوع الارصفة وده انا مجربه كويس اوى فى اى باركنج لما يكون مليان ومفيش اماكن فاضية .

---

منين تدافع عنها وتقول أنا مديتهاش اكبر من حجمها ومنين بتقول انها أخرها طلوع الرصيف؟


Kia sportage 2.4L = 177HP >>> 206 NM / 4000 RPM !!!
Mitsubishi pajero = 246HP >>> 329NM / 2750 RPM
Land cruiser 4.6L = 318HP >>> 460NM / 3600 RPM

واخد بالك فرق العزم أد ايه وبييجي على كام ار بي ام؟

زى ما انت قلت الميزه فى التصميم العالى انك تقدر تعدي رصيف (واللهي كنت بعملها بالابيكا عادى) لكن دي مش عربيه صحراوى خالص.

تشرف يا غالى ومش هنغرمك الشاى كمان
والله انا عايز اطلع من الموضوع بحاجة مفيده واهم من موضوع العربيات بكثير
وهو - مهما اختلفنا فى ارائنا يجب ان نتبادل اطراف الحديث بالشكل اللائق بالمنتدى وعندما يشد طرف لازم ولابد ان يرخى الطرف الآخر حتى تدوم الصداقة والعلاقات الطيبة بين اعضاء المنتدى دون تعصب ولهذا ان معجب بأسلوب دكتور / يوسف لأننا دائما وعلى طول الخط مختلفين فى موضوعات السيارات ومتفقين على تقبل وجهات النظر بدون تعصب

اقتباس:

---

المشاركة الأصلية كتبت بواسطة mmbadroo

حبيبى والله يا دكتور جووووووووووو
بحيى صاحب الموضوع واشكره ونفسى يدخل فى المبارزة معنا او حتى يكون حكم علشان فعلا انا بحب جدا المداخلات معك وهو بالرغم من ان ظروفى لاتسمح بالوقت الكافى للمداخلات ولاكن مبقدرش اقاوم كلامك بس برضو علشان خطرى خف علينا شوية والله احنا مش قدك ههههههههههههههههههه

---

انا مستعد للمبارزة بس مش هاكون حكم

لازم اجرب دى فرصة مش هتتعوض

لأنى فعلا شبه اقتنعت بكلام د يوسف ....لماذا؟

لأنه ما لوش مصلحة ينقص من قيمة السيارة او يقلل من امكانياتها

واتمنى يكون غلطان لأنى زعلت فعلا من العيوب اللى ذكرها فى السبورتاج ده حتى اسمها جذاب وانسيابى

ياريت يكون فعلا غلطان لأنى فعلا بحبها

اقتباس:

---

المشاركة الأصلية كتبت بواسطة ahmed_adham

منين تدافع عنها وتقول أنا مديتهاش اكبر من حجمها ومنين بتقول انها أخرها طلوع الرصيف؟


kia sportage 2.4l = 177hp >>> 206 nm / 4000 rpm !!!
Mitsubishi pajero = 246hp >>> 329nm / 2750 rpm
land cruiser 4.6l = 318hp >>> 460nm / 3600 rpm

واخد بالك فرق العزم أد ايه وبييجي على كام ار بي ام؟

زى ما انت قلت الميزه فى التصميم العالى انك تقدر تعدي رصيف (واللهي كنت بعملها بالابيكا عادى) لكن دي مش عربيه صحراوى خالص.

---

يا احمد باشا .. اى عربية بتكون توليفة كاملة متكاملة وانا باقول اللى ليها واللى عليها بكل امانة وشفافية دون تحيز او تعصب لأنى سوقتها وجربتها اكتر من 15000 كم لحد الان فطبيعى ان كلامى مش هايكون مرسل يعنى !!!

مشكلة العربية دى فى النقط اللى ذكرتها ودايما باتطرق اليها فى اغلب مشاركاتى عن السبورتاج ..

وانا مؤمن تماما انها عمرها ما هاتكون زى البرادو ولا اللاند كروزر ولا الباترول والباثفايندر حتى لكن عالاقل تكون زى الراف 4 والفورتشنر والاكس ترايل !!!
وبأكد تانى ان الرمال ما كانتش صحراء بكثبان رملية وغيرها .. دى كانت امتداد لشاطىء الخليج فى جنوب مدينة الخبر وبينى وبين الاسفلت عشرات الامتار ..

اقتباس:

---

المشاركة الأصلية كتبت بواسطة wael30003

انا مستعد للمبارزة بس مش هاكون حكم

لازم اجرب دى فرصة مش هتتعوض

لأنى فعلا شبه اقتنعت بكلام د يوسف ....لماذا؟

لأنه ما لوش مصلحة ينقص من قيمة السيارة او يقلل من امكانياتها

واتمنى يكون غلطان لأنى زعلت فعلا من العيوب اللى ذكرها فى السبورتاج ده حتى اسمها جذاب وانسيابى

ياريت يكون فعلا غلطان لأنى فعلا بحبها

---

تشرف يا وائل باشا ..
ومش مهم اقتناعك بكلامى قد ما يكون مهم انك تجرب بنفسك وتتأكد من كلامى او لأ
وموضوع الحب او الكره ده مش باعتمد عليه فى حكمى اوى قد ما باحكم على اى عربية بالاداء والامان ومتعة القيادة .. وآخر همى الشكل والتصميم الجذاب لأنها مسألة اذواق وبتختلف من شخص للتانى
انما الاحساس بالعربية وادائها لا خلاف عليه ..

اقتباس:

---

المشاركة الأصلية كتبت بواسطة mmbadroo

تشرف يا غالى ومش هنغرمك الشاى كمان
والله انا عايز اطلع من الموضوع بحاجة مفيده واهم من موضوع العربيات بكثير
وهو - مهما اختلفنا فى ارائنا يجب ان نتبادل اطراف الحديث بالشكل اللائق بالمنتدى وعندما يشد طرف لازم ولابد ان يرخى الطرف الآخر حتى تدوم الصداقة والعلاقات الطيبة بين اعضاء المنتدى دون تعصب ولهذا ان معجب بأسلوب دكتور / يوسف لأننا دائما وعلى طول الخط مختلفين فى موضوعات السيارات ومتفقين على تقبل وجهات النظر بدون تعصب

---

يا أستاذ محمد .. معرفة الناس كنوز وسيبك من العربيات كلها الى زوال
وانا فى كل مداخلاتى عمرى ما قولت حاجة بدون دليل وبدون اقتناع ولازم يكون عن تجربة وغالبا ما باقول المصدر لو مش عن طريقى وليس معنى انى اعيب فى السبورتاج انى امجد فى القاشقاى ولكن هذا الامر الواقع وقناعتى ازدادت بعد تجربتى للاتنين واحساسى بالفرق الملحوظ فى النقاط التى تهمنى فى اى عربية
وهذا نقد نسبى بمعنى ان العيوب التى اراها من الممكن ان يراها غيرى ميزة والعكس صحيح كلٍ حسب احتياجاته وخبرته بالسيارات
واخيرا .. ان شاء الله بعربيات من غير عربيات هاناكل السمك السويسى ونحبس بالشاى مع انى ما باشربوش ممكن اخد قهوة مظبوطة هههههههههههههههه

ياريت تنفذ وتكون ضيفنا يادكتور ده شرف كبير لينا
وبعدين موضوع اقتناع شخص بعربية وعدم اقتناع شخص اخر ده ليه ابعاد كثيرة ووجهات نظر مختلفة كثيرة وممكن كليهما يكون على صواب واسمح لى ان اضرب لحضرتك مثلين كده على الماشى
الأول طبعا حضرتك عارف انا كنت امتلك الكارينز لمده عامين وكان لى الشرف ان اكون من أوائل المالكين لهذه السيارة وبعتها علشان خاطر عيون السبورتاج وبالرغم من إتفاق الكثيرين على اداء الموتور مع ان فيه اوربى كثير فى مصر اداء المواتير فيه محدش بيبصله علشان هو اوربى وبتكون برضو مواتير صغيرة على حجم السيارة والأمثلة كثير وحضرتك سيد العرفين على كلا انا شايف انها السيارة العائلية الأولى فى مصر دون منافس او منازع بهذه القيمة المالية لأنها عربية فعلا تستحق الأحترام وهذه وجهة نظرى المتواضعة ولذلك انا اعشق هذه السيارة ايضا
المثال الثانى لوسمحت لى - طبعا فى ناس قبل ما اعرض هذا المثال ممكن تقول انا ابالغ ولكنى والله لاأبالغ واعتقد انا قولت الكلام ده قبل كده على ما اتذكر
ندخل فى الموضوع - سنحت لى الفرصة السفر مرات عديدة فى سيارة فانتازيا مرات قائد ومرات راكب عادى طبعا الأسكودا لا يختلف احد على اعتمديتها بشكل عام وعلى اتزانها فى السرعات العالية حتى أكثر من 180كم بسم الله ماشاء الله طبعا جربت الموضوع بنفسى ولاكن مجهود الطريق والراحة فى وضعية الجلوس وخلافة يكون فى صالح السبورتاج وانا طبعا مقصدش ادخل السيارتين فى مقارنة علشان اختلاف الفئتين كل مااقصده هواقتناعى انا إيه بوسيلة الأنتقال المستخدمة يارب اكون قدرت اوصل المعلومة
وفى الأخر يارب يا أستاذ وائل تكون مستعد للمبارزه الموضوع مش سهل خالص الموضوع عايز تدريب وانا بصراحة لسة مش جاهز خلينى انا حكم احسن
وبعدين عايز الفت نظر حضرتك لحاجة مهمه سيارة دكتور يوسف مختلفة عن السيارات الموجوده فى مصر وعلشان كده انا اكدت على معاليه لازم يجرب السبورتاج فى مصر علشان اكيد وانا متأكد انه ان شاء الله هيعرف ان كلامى صحيح وغير مبالغ فيه على الإطلاق هو بيتكلم عن سياره بموتور وحاجات تانية كثير مختلفة ده طبعا غير اختلاف البيئة دكتور يوسف تقريبا استخدماته كلها صحراوية ،،،،وظهرت هذه الإختلافات فى عديد من الموضوعات والمشاركات
وبعدين حضرتك بتقول انك تتمنى ان يكون دكتور يوسف غلطان كده حضرتك حطيت صوباعك تحت القطر دكتور يوسف عمره ما يغلط ابدااااااااا

اقتباس:

---

المشاركة الأصلية كتبت بواسطة mmbadroo

وفى الأخر يارب يا أستاذ وائل تكون مستعد للمبارزه الموضوع مش سهل خالص الموضوع عايز تدريب وانا بصراحة لسة مش جاهز خلينى انا حكم احسن
وبعدين عايز الفت نظر حضرتك لحاجة مهمه سيارة دكتور يوسف مختلفة عن السيارات الموجوده فى مصر وعلشان كده انا اكدت على معاليه لازم يجرب السبورتاج فى مصر علشان اكيد وانا متأكد انه ان شاء الله هيعرف ان كلامى صحيح وغير مبالغ فيه على الإطلاق هو بيتكلم عن سياره بموتور وحاجات تانية كثير مختلفة ده طبعا غير اختلاف البيئة دكتور يوسف تقريبا استخدماته كلها صحراوية ،،،،وظهرت هذه الإختلافات فى عديد من الموضوعات والمشاركات
وبعدين حضرتك بتقول انك تتمنى ان يكون دكتور يوسف غلطان كده حضرتك حطيت صوباعك تحت القطر دكتور يوسف عمره ما يغلط ابدااااااااا

---

يبقى انا كلامى صح العربية مش حلوة

هههههههههههه

اقتباس:

---

المشاركة الأصلية كتبت بواسطة wael30003

يبقى انا كلامى صح العربية مش حلوة

هههههههههههه

---

أنا بقول كده برضوه
بص انا عايز افهمك كلمتين بس خليهم سر بنا ومتقلوش لحد
الدكتور يوسف المنتدى كله فى ظهره فهمت

هههههههههههههههههه

اقتباس:

---

المشاركة الأصلية كتبت بواسطة mmbadroo

أنا بقول كده برضوه
بص انا عايز افهمك كلمتين بس خليهم سر بنا ومتقلوش لحد
الدكتور يوسف المنتدى كله فى دهره فهمت

هههههههههههههههههه

---

بعد الهجوم الشرس ده بتقول المنتدى كله فى دهره

مش راكبة ....شكلك كده جبت ورا .... وانسحبت من التحدى.....

لما يكون المنتدى كله فى ضهره يبقى وقفت ورا

وجبت مارش ديل يا معلم ....

هههههههههههههه

لعلم حضرتك وإللى حضرتك متعرفوش ان العلاقة بينى وبين دكتور يوسف اكبر كثير جدا من كلام حضرتك ده وليس له اى تأثير فمتحولش مع كامل احترامى وتقديرى لشخصك الكريم
وبعدين انا واحد من كثيرين على هذا المنتدى استفادوا كثير من علم وتجارب هذا الشخص الخلوق حتى لو كان فيها بعض الإنحياز او الإنتماء الشديد لنيسان فهى حرية شخصية واقول هذا الكلام دون اى نفاق او رياء
وحتى لو وصلت انك تعتبر انى انسحبت فأنا لى الشرف ان انسحب من امام قامة كبيرة مثل دكتور يوسف
وانا كل ما كنت اقصده فى أخر مشاركة كانت دعابة لأكثر ولاأقل

ايه يا عم الكلام الكبير ده

يا عم انا برده باهزر

انت خدت الموضوع جد ولا ايه

وقامة وكلام كبير انا مش قده

على العموم انا سعيد يمعرفة حضرتك

وان كنت حاسس ان اجنا دخلنا فى جو رسميات

بس برده انت انسحبت متغيرش الموضوع

طيب والله مقبولة منك يا استاذ/ وائل
ياريت تشوفوا صاحب الموضوع راح فين

اقتباس:

---

المشاركة الأصلية كتبت بواسطة mmbadroo

أنا بقول كده برضوه
بص انا عايز افهمك كلمتين بس خليهم سر بنا ومتقلوش لحد
الدكتور يوسف المنتدى كله فى ظهره فهمت

هههههههههههههههههه

---

اقتباس:

---

المشاركة الأصلية كتبت بواسطة mmbadroo

لعلم حضرتك وإللى حضرتك متعرفوش ان العلاقة بينى وبين دكتور يوسف اكبر كثير جدا من كلام حضرتك ده وليس له اى تأثير فمتحولش مع كامل احترامى وتقديرى لشخصك الكريم
وبعدين انا واحد من كثيرين على هذا المنتدى استفادوا كثير من علم وتجارب هذا الشخص الخلوق حتى لو كان فيها بعض الإنحياز او الإنتماء الشديد لنيسان فهى حرية شخصية واقول هذا الكلام دون اى نفاق او رياء
وحتى لو وصلت انك تعتبر انى انسحبت فأنا لى الشرف ان انسحب من امام قامة كبيرة مثل دكتور يوسف
وانا كل ما كنت اقصده فى أخر مشاركة كانت دعابة لأكثر ولاأقل

---

ههههههههههههههههههههههههه ه اخجلتم تواضعنا يا استاذ محمد
ما انا قولتلك من الاول سيبك من العربيات وخناقاتها دى :argue1:
والمهم الصحبة الحلوة :Ob_mak1[1]:

صحيح الموضوع كده خرج عن موضوعه تماما وشكلكم كده هاتخدوا لفت نظر :nemoflow: