الموضوع: ماذا تفعل اذا ركنت سيارتك بمكان و اقفلت عليك سيارة اخرى ( تجربة واقعية )

المشاركة الأصلية كتبت بواسطة ramyso4

جيب طفاية الحريق واكسر إزاز العربية الزنئاق ونزل الهاند وإنطلق
أنا طبعاً مش بعمل كدة بس شفتها أبل كدة

تصدق ان هذا افضل حل فعلا

و لو كان خطر على بالى وقتها لكنت فعلته

و لكن المشكلة الوحيدة

اذا كانت السيارة بها انذار

المشاركة الأصلية كتبت بواسطة Matrixawy

تصدق ان هذا افضل حل فعلا
و لو كان خطر على بالى وقتها لكنت فعلته
و لكن المشكلة الوحيدة

اذا كانت السيارة بها انذار

ما فيش مشكلةولا حاجة ماهى لو فيها انذار يبقى ينزل عشان يروح يركب الازاز اللى اتكسر ما حضرتك هاتكون خلاص مشيت

السؤال مش مين اللى حصل معاه كده واتزنق لاننا وبنسبه 99.9 % حصل معانا .انما السؤال مين اللى مبيزنقش حد بعربيته .بس بجد ناس فعلا لا يستحقوا العقل اللى فى رأسهم اذا كان عندهم عقل لانهم فعلا بلا عقل ولا تفكير ولا مخ .اقرب موقف حصلى امبارح راكن موازى للرصيف قدام ستوديو علشان جارى وبردو صحبى بيتصور صور الجواز والاقى بيجو 504 قفل عليا صف تانى والزفه ابتدت تتحرك وطبعا سبونى المهم بعد 10 دقائق عرفت اتحرك بس طبعا كانت الزفه مشيت واللى كان مزعلنى ان سعاده الزفت لازم يركن قدام المكان اللى نازل علشانه مع ان كان فيه اماكن فاضيه قدام بتاع 25 او 30 متر فعلا يستاهلوا كل اللى يحصل فى عربياتهم من كاوتشات على الارض او بمفتاح عربيتك تعمله رسم مسمارى على صاج عربيته للذكرى او تدش ازاز عربيته حتى لو العربيه جديده مش مهم .مره واحد فى العمارة اللى جانبى رجع من الشغل لقى حد راكن مكانه تحت التانده والجو كان حر راح مطلع الخنجر من درج التابلوه وفتحله اول كاوتش رحله البواب وقاله ده عربيه ظابط قاله يبقى هقطع الاربع فرد بس الناس هدته والظابط نزل ركب الاحتياطى ومشى ولا فتح بقه .عندنا كمان فى الاسماعيليه عندهم عيب قاتل لازم يركنوا قدام المكان اللى داخلينه حتى لو صف رابع مش مهم

هنا فى الامارات بيعملوا حاجة ظريفه
مع ان الركن المخالف قليل جدا
انت بتتصل بالشرطة وتقولهم رقم السيارة
هما من البيانات اللى عندهم يتصلوا على موبايل صاحب العربيه
ويقولوا حرك عربيتك
لو مردش الشرطة بتجى تحركها
الحقيقة انا كل لما اشوف خدمات شرطة أبوظبي انحنى لها احتراما من ادبهم واخلاقهم

المشاركة الأصلية كتبت بواسطة NaderNabil

تاني مره في الجامعة و نفس السيناريو بس عربية كورولا...و المشكله انها كانت علي البارك و شادد الهاند يعني ال 4 عجلا قافشين:)

المهم جبت 4 شباب زي الورد و شيلنا العربية...و طلعنها قدام شوية مسافة تخلي عربية مرسيدس كده تعدي مش 127 :)

حصلت معايا بالضبط!
بس سيبنا العربية فى نص الشارع :D