رقم العضوية : 1646
تاريخ التسجيل : 31Jul2007
المشاركات : 3,549
النوع : ذكر
الاقامة : 6 أكتوبر
السيارة: N/A
السيارة[2]: Daihatsu Sirion 1.3 GLX - 2008
الحالة :
نفس اللي حصل معايا في ساحة انتظار صغيرة كدة قدام الشغل
اخت فاضلة قفلت عليا بالأوبترا بتاعتها
كان معايا الـ 128
وملقيتش حل غير اني أطلع فوق الرصيف
كان شئ متعب وكانت العربية صعبانة عليا جداً
بس استعجالي على معاد مع زوجتي للدكتور اضطرني غني أطلع فوق الرصيف زي مانتا عملت بالظبط يا نادر :)
Me on Twitter
@aliabutaleb
رقم العضوية : 1646
تاريخ التسجيل : 31Jul2007
المشاركات : 3,549
النوع : ذكر
الاقامة : 6 أكتوبر
السيارة: N/A
السيارة[2]: Daihatsu Sirion 1.3 GLX - 2008
الحالة :
رقم العضوية : 98
تاريخ التسجيل : 23Apr2007
المشاركات : 534
النوع : ذكر
الاقامة : cairo
السيارة: rio
السيارة[2]: yaris
دراجة بخارية: No
الحالة :
هوه ده اللي عملته مع واحد اشك انه بني ادم
راكن صف تاني وزانق عليا مع ان فيه خمسين مكان فاضي علي بعد 20 ولا 30 متر
وكمان معشق الهاند بريك والفتيس
فضلت الف علي كل البوابين عربيه مين دي؟
بعد 45 دقيقه تأخير اضطريت اسفا اني اعمل كده
وكان نفسي بعدها صاحب العربيه ديه يوريني وشه وييجي يلومني ويسألني كسرت القزاز ليه
ناس معندهاش دم
هو انا بشتغل عند اهله عشان افضل مستني الباشا لما يخلص وييجي يفرج عني؟
رقم العضوية : 5740
تاريخ التسجيل : 15Feb2008
المشاركات : 75
النوع : ذكر
الاقامة : 6th october
السيارة: nissan sunny ex saloon 2009
السيارة[2]: opel victra 1994
الحالة :
ان شايف انى فكرت الكارت الذى يحتوى على رقم تليفونك من الافكار الجيده لان من الممكن ان تضطر لركن العربيه بشكل غير صحيح نتيجة اى ظروف مثل شخص مسن معك ذاهب الى الدكتور او اى شى اضطرارى و اعتقد انه مش من حق اى حد مهما ان كان ان يفتح عربيه حد او يتلف عربيه حد علشان ركنته ضايقته و حط نفسك مكانه و نزلت لقيت عربيتك الكاوتش بتاعها على الارض او متجرحه او اى ضرر بيها اعتقد انك هتتضايق وو سع صدرك يا اخى كان ممكن تصبر او تقضيها تاكسى او تركن جوه جراج بس افساد اشياء الغير غير مقبول بالمره مهما كانت الاسباب
رقم العضوية : 2087
تاريخ التسجيل : 07Sep2007
المشاركات : 4,087
النوع : ذكر
الاقامة : Nasr City, Cairo
السيارة: ميتسوبيشي لانسر 2006
السيارة[2]: شيفرولية فرونتيرا 3200 V6 (ايسوزو روديو)
الحالة :
عملها معايا واحد ظريف برضة ركن صف تاني و قفل عليا وانا راكن عمودي قدام اولاد رجب في مصطفى النحاس من حوالي 5 او 6 سنين و كنا في الشتاء بالليل و الجو برد و طلعت من السوبر ماركت لقيت الكابريس القديم دي قافلة عليا و دخت حوالي 30-45 دقيقة ندور في كل المحلات و بتاع اولاد رجب يندة في الميكروفون على صاحب العربية ومافيش فايدة و كان معايا بنتي لسة بنت كام شهر و عمالة تعيط و الجو كان بارد جدا رحت مطلع مفتاح ملف العجل (المنافلة بتاعه الكوريك) لقيت المنادي و بتوع اولاد رجب اتلموا ويابية ماينفعش و حاتعملنا مشكلة و مش عارف اية طبعا انا كنت ثائر جدا و قلت لهم مانا بقاللي اكتر من نص ساعه واقف في البرد و البنت الصغيرة بتعيط ومانتوش لاقيين البني ادم دة المهم ندهوا نداء اخير في ميكروفون الماركت على صاحبها من عينة النداء الاخير الي صاحب الكابرس الفضي و برضة ولا هو هنا المهم كتبوا رقم عربيتي في ورقة علشان يأمنوا نفسهم و رحت هابدلة قزاز السواق منزلة بودرة و فاكك البارك و منزل اليد و ليقيت العربية بتدور من غير مفتاح( زي معظم الامريكاني ممكن تطلع المفتاح من غير ما تسوجر الكونتاكت) رحت مطلعهالة قدام و ماشي
و الظريف ان الاسبوع اللي بعده رحت السوبر ماركت الواد المنادي (رجب) قاللي تصدق يابية بعد مامشيت بشوية الراجل طلع من السوبر ماركت و وقلنالة عاللي حصل و اننا معانا رقم عربيتك علشان لو عاوز يعمل محضر بس هو ماخدوش و مشي
قلتلة دة بني ادم بارد معندوش دم و لو كان طلع وانا موجود كنت ضربت تـــــــــــــــــــــيــ ــــــــــــــــــــت يعني كل دة و سامع النداء برقم عربيتة و لونها ونوعها و حانبوس تــــــــــــــيـــــــــ ـــــــــت ومش عاوز يطلع دة يستاهل ضرب الدزمة
رقم العضوية : 3543
تاريخ التسجيل : 03Dec2007
المشاركات : 706
النوع : ذكر
الاقامة : al salam
السيارة: no
السيارة[2]: nubira 2.0cc
دراجة بخارية: no
الحالة :
انا مره حصلت معايا برده و العربيه الي قفلت علي كانت كانشيل اتوماتيك و تحت الشغل قعد ادور علي صاحبها ولا صحبتها و مافيش حد عارف عنها حاجه قعد ازق فيها و ازحزح فيها علي الارض لغيت ماوسعت لنفسي علشان اخرج و قعد في الموال ده اكتر من نصف الساعه
رقم العضوية : 10720
تاريخ التسجيل : 15May2008
المشاركات : 355
الاقامة : CAIRO
الحالة :
واضح ان المشكلة عامة
و هذا التصرف من التصرفات السلبية فى مجتمعنا
و الذى يجب العمل على تجنبه و خاصة من اعضاء المنتدى
بحيث نكون نحن قدوة لغيرنا
و اول الناس فى احترام الاخرين و مراعتهم
رقم العضوية : 3649
تاريخ التسجيل : 10Dec2007
المشاركات : 772
النوع : ذكر
الاقامة : ismailia
السيارة: NO CAR
السيارة[2]: lancer 2005
دراجة بخارية: no
الحالة :
وانا معك فى اننا جميعا كأعضاء موقرين فى هذا المنتدى الرائع نلتزم جميعا بعدم ممارسه مثل هذه الافعال الهمجيه والافعال الحمقاء سواء كسر الاشاره وركن صف تانى وحبس شخص اخر او السير فى الاتجاه المعاكس حتى نشعر جميعا كأعضاء اننا ارقى من هذه التصرفات ويكون لقب عضو نايل موتورز فخر لنا ودليل على رقى وتحضر الشخص
رقم العضوية : 2780
تاريخ التسجيل : 24Oct2007
المشاركات : 4,837
النوع : ذكر
الاقامة : beneath the sky
السيارة: Renault Clio 2007
السيارة[2]: Daihatsu Sirion XL 2008
الحالة :
حصلت معايا مرتين .. مرة كان معايا أهلي .. و رجعت لقيت العربية مقفول عليها ... سألت بواب قاللي دي بتاعة فلان .. فلتله طب اندهله .. منزلش .. بعتله عيل صغير من الشارع قلتله قول للي يفتحلك ( فيه واحد خبطلكوا العربية خبطة جامدة تحت و الإكصدام واقع عالأرض ) .. قام نازل زي الكلب ..
المرة التانية كان قدام الجامعة و كان يوم مش طايق فيه نفسي .. وقفت ادام العربية و سألت الواد اللي بيشوف الركنات .. قاللي معييش مفتاحها .. قعدت اقوله و بعدين في الناس بنت التيييت دي .. و ايه التييييت ده انا بشتغل عند تييييت عشان اقف استني تييت .. و في وسط الشتيمة و كل حاجة لقيت واحد بيفتح العربية و طبعا كان سامع الشتيمة .. قلتله ينفع يعني كدة فيه حد يركن صف تاني و يشد هاند بريك !؟ قاللي رد من الردود اللي بتفقعني جدا .. ( لا مؤاخذة يا برنس ) !
Leadership is based on inspiration, not domination
رقم العضوية : 223
تاريخ التسجيل : 25Apr2007
المشاركات : 104
النوع : ذكر
الاقامة : القاهرة
السيارة: لادا 1500
السيارة[2]: ماتريكس
دراجة بخارية: no
الحالة :
أنا بقى براعى جدااااااااا الموضوع دة ومش بركن صف تانى أصلا عشان العربية غالبا بتبقى ملطش....ولو حصل -نادرا- إنى أركن صف تانى بسيب الفرامل .....
المهم أنا عايز أقولكم إن الموضوع دة مش دايما بيبقى غلاسة وبرود دم وكدة.....لأنى فى مرة ركنت صف تانى وزنقت على الصف الأول عشان الشارع يمشى وطبعا منفعش أنزل من الباب بتاع السواق فحاولت اعدى للكرسى التانى إستعدادا للنزول من الباب التانى و معرفتش بسبب الفتيس كان على وضعية ال N روحت مطلعة على وضعية ال p عشان أعرف أعدى..... المهم فى وسط الكركبة دى نسيت أرجع الفتيس لل N عشان تبقى حرة الحركة لو حد عايز يخرج من الصف الأول ....ونزلت وقضيت مشاويرى وصليت وبعدها رجعت لقيت واحد شكلة محتار ومعاة عيلتة وفاتح عربيتة وواقف جنبها وهى العربية اللى لازقة فى عربيتى فى الصف الأول ....سألتة مالك يافندم؟ قاللى أنا بقالى ساعة واقف وعربيتك أوتوماتيك وحرام أزقها وهيا ع ال P .......ساعتها مكنتش عارف أعتذرلة إزاى ولا أطيب خاطرة إزاى .......وقعدت ساعة أعتذرلة و هو كان أنسان محترم غاية الإحتلرام
أنا حكيت لكم الموقف دة عشان انا مكنتش قاصد ولا هو كان مفترى وعمل حاجة إنتقامية مثلا ...فلازم ندى الناس عذرها برضة ....ولا إية؟؟؟؟
المفضلات