انا عن نفسي مش بحاول اعمل الحركة دي على قد ماقدر بس لو الدنيا زنقت معايا اوي بيكون حاجة سريعة وطالعة على طول يعني لو مش هاقعد في المكان ده اكتر من 10 دقايق مثلا أو ربع ساعة ممكن اركن صف تاني بس لو لاقيت نفسي هاتأخر في المكان اكتر من كده بنزل كل شوية اشوف لو حد من اللي انا قفلت عليهم جه وعايز يطلع عشان اطلعه طبعا أو اشوف لو لاقيت ركنة كويسة بدل الركنة الغلط يبقي خير برده اما لو عند شغلي فالبواب عارف وبييجي يندهلنا لو حد مننا عربيته قافلة على اي حد في ساعتها يعني عشان مينفعش نأخر الناس عن مصالحهم برده.
بس موضوع اني اسيب الهاند بريك ده بيقلقني لإنهم ممكن يدودها اخر الشارع ولا في اي حتة تانية ومعرفش الاقيها اصلا بس حل الكارت ده كويس بس طبعا انا كبنت مينفعش اسيب الكارت بتاعي اللي فيه بياناتي كده على الملأ عشان ممكن اي حد تاني هو اللي يتصل يستظرف ويشتغلني يعني مش واحد عايز يطلع عربيته فعلا. :)
المفضلات