الموضوع: ماذا تفعل اذا ركنت سيارتك بمكان و اقفلت عليك سيارة اخرى ( تجربة واقعية )

المشاركة الأصلية كتبت بواسطة Noha-M

لا يا جماعة بس وسعت منكو شوية موضوع كسر الازاز دة

مهما حصل برضه الواحد ميئذيش حد اوى كدة لانه ممكن يكون مضطر و غصب عنه و ياما برضه الواحد بيتزنق و يضطر يرضه يركن صف تانى

طب ما انا قولت ان كلنا بنطر نركن صف تانى بس بنسيب الهاند لو انا مسيبتش الهاند استاهل ان ازاز عربيتى يتكسر وهعمل زى الاستاز اللى خرج من اولاد رجب وخد عربيته ومشى من غير ما يفتح بقه
اانا معنديش ميول عدوانيه........ بس انا اكره الاستفزاز موووووووووووت
ودى من اكتر المواقف المستفزه

مرة كنت في واجب عزاء مع الوالد لاصــدقاء :

ظبطت العربية فى ركنة بحيث ان اليمين و الخلف سور حائط و تركت فراغ مناسب بين عربيتى و العربية اللى امامي و اليســار شارع و الناحية التانية من الشــارع فاضية الىحـد ما .
- رجعنا من العزاء لقينا عربية ليجنزا سا بت الدنيا كلها و جت ركنت موازى لعربيتى صف ثاني و طبعاً شادد الفرامل ................... السؤال طب ليييييييييييييية ؟ الناحية الاخرى من الشارع لازالت فيها اماكن ركن معقولة ؟

المهم دقيقة مع اختها .... لغاية ما مرت ساعه فين و فين لما العربية الثالثة " اللي قدام اللى قدام عربيتى " طلعت ، و زقينا العربيات اللى قدمنا اللى سبحان الله محدش كان معشقها ؟
و طلعت الــعربية بتاعتى و ركب الوالـــد جنبي و طلعت ركنت الناحية الاخرى من الشارع عشــان اروح اسمع أحلي صوت و احلى مزيكا تهـــدي الاعصــاب فى تلك الحالة إلا و هو صوت تفريغ كاوتش العربية اللايجنزا فسسسسسسسسسسسسسسس
و رجعت لوالـــدى و هو بيبص لى بستغرب ، مش من اللى انا عملتة لكن من السعـــادة و الراحــة اللى كانت على وشي بعد فسسسسسسسسسسسسسس .
تقول بلطجى طول قلة اخلاق تقولة قلة ذوق اهو من قلة قلة لكن صدقنى كان احلى صوت مزيكا سمعتة فى حياتى سيمفونية يا ناس