عربيه لانوس و دى سهله جدا من تحت الاكصدام هتلاقى سيلك الكالون شده و هايتم المراد
عربيه لانوس و دى سهله جدا من تحت الاكصدام هتلاقى سيلك الكالون شده و هايتم المراد
بص يا حبيبي
انا مش كسرت قزاز العربية عند و لا علشان يتعلم, انا باحل موقف انا فية و مافيش حل غير كدة اطلع العربية, ماهو مش حانام جنبها في الشارع بمراتي و بنتي
بس ارجع و اقولك برضة ان لما يكون حد من الرعونة انة يتصرف بأسلوب غير محترم معاك يبقى كل التصرفات مباحه
يعني لما مثلا 4 عيال حبيايب ماما ماشيين بعربية و يزنق عليا و يشتمني من الشباك كمان معتمد انهم اربعه و انا لوحدي مع مراتي وولادي يبقى مباح ليا ساعتها اني احط كاوتش عربيتي علي كبوت عربيتة او اهبدة بالاكصدام اطلعه فوق الرصيف و اسيبة وامشي
كدة بقى يتعلم انة يكون محترم و مايستعرضش عضلاتة مع حد هوة مش قدة علشان شايفين نفسهم شلة صيع ماشية تقل أدبها على خلق الله في الشارع, انت تقدر تشتمني, ماشي بس انا كمان اقدر ارد بطريقتي و أخليك تعيط على عربيتك و تجري وراالسمكرية اسبوع تصلح فيها و تدفع دم قلب مامتك اللي سايبالك عربيتها تتعرض بيها لخلق الله و تقل أدبك كمان
اهو دة بقى الكلام اللي يضايق
يعني ييجي واحد يحط كوم طوب قدام باب بيتك يقفل عليك وللا واحد يركن عربيتة عالرصيف لازق في الحيط قافل باب العمارة ويسيبها ويمشي
ماهو لو انت عاوزني ملاك يبقى تراعي حقي الأول و بعدين تطلب اني احترمك
انما تقفل على عربيتي و تعطلني ساعه او اكتر و ماعرفش اعمل حاجة و انت ماتعرفش اية الظرف اللي انا فية بكل لا مبالاة و عاوزني احترمك
و لو كان صاحب العربية اللي عطلني في نص الليل ساعه في الشارع طلع كان حاياخد درس في الادب يتعلم منة بعد كدة يراعي حقوق الغير
ولو كان قليل الأدب يتضرب و يتعلم الأدب
طالما مش بيحترم غيرة و مش بيحترم حريتي يبقى من حقي ادافع عن حريتي و و امنع من يتعدى عليها باي شكل من الاشكال
ملحوظة
تنتهي مساحه حريتك عندما تعترض حرية الآخرين, او في مقولة اخرى عندما تبدأ حرية الآخرين
وهو ربنا مش حايبارك في علاجها علشان ابنها كسر قزاز عربية علشان يطلع عربيتة يلحق يودي أمة المريضة للدكتور
هو ربنا بياخد ذنب الشخص بذنب شخص تاني؟؟؟ حسب كلمتك التانية كما تدين تدان!!!!
اللي اعرفة ان كل واحد بيتحاسب عاللي بيعملة, لو في الأصل عمل معصية او ذنب, مش ناس بتشيل ذنب ناس تانية
أنا كنت قلت حل مناسب وأنا بعمله
لو ركنت صف تاني ودة مبيزدش عن دقائق بسيب رقم موبايلي تحت الزجاج
ثانياً
كنت في يوم مستعجل و خارج وقدامي نص ساعة بس أروح من عباس العقاد لمصر الجديدة في عز الزحمة ولقيت عربية لانوس واقفة ورايا وصاحبها كانه بايعها وشادد الهاند بريك
كان ممكن أكسرلة القزاز واكسر الباب أو أجيب ونش وأرميها في الزبالة ولو هو مين مكنش هيعرف ياخد مني حق ولا باطل
لكن صممت أستناه علشان اديلو كلمتين في العضل ومش مهم المشوار إلي ورايا أعمله تاني يوم أصلها كبرت في دماغي
ربع ساعة مستنيه في الشارع لحد ما جه
شاب صغير ومعاه مراته وطفل صغير تعبان جداً وشكله مريض وكانوا مستعجلين علشان يودوه للدكتور تقريباً
وقلت له كلمة واحدة بس
ابقى راعي شعور الناس إلي إنت قفلت عليهم وحبست عربياتهم
بص للولد الصغير ولمراته وهو مكتئب وفتح سيل اعتذارات متقفلش اللا لما سبته ومشيت
الموقف دة بس لتوضيح إن في ناس بتبقى مضطرة ومعذورة لعدم وجود أماكن للباركنج كتير وهما كمان عندهم حالات طارئة أو مستعجلين
فيا ريت نختلق أعذار لبعض على قد ما نقدر
والمسلم من سلم المسلمين من لسانه ويده في ما معنى حديث رسول الله عليه الصلاة والسلام
على العكس والتضاد
راكن عربيتي عمودي على الرصيف زي باقي العربيات ونزلت لقيت عربية مرسيدس وقفت ورايا وصاحبها نزل منها وقفلها وبيبصلي وهو ماشي
سألته إنت هتتأخر قالي آه أنا طالع البيت قلت له بس أنا كدة مش هعرف أخرج
قالي ماهو إنت راكن قدام عمارتي والمكان دة من حقي ولو مطلعتش أنا هفضل قافل عليك !
وأعد يبرطم بالكلام إنه هيسدها بجنزير وكلام فاضي كدة
قلت له الجنزير ممنوع ولو عملت كدة هبعتلك إلي يشيله ويحرجك
على كام كلمة تهديد تانيين كدة لقيته شال عربيته ومشي
دة لو كان إستعبط فيها مكنتش هكسرله عربيته ولا حاجة بس كنت حجيب ونش مرور يشيلوها له ويحطوها في الحجز وحللني بقى لو طلعها
علشان أعتقد دة حقي بدون وسايط ولا أي حاجة
ودة السائد برة لو حد قافل على حد بتتصل بالشرطة وتقولهم على رقم العربية وهما يتصلوا بيه لأنه لازم يسجل رقم موبايله عندهم و لو لأي سبب مشالش العربية خلال دقائق بيبعتوا الونش يشيلها هوا
حاجة تانية غريبه بجد
هو ليه مرتبط في أذهان المصريين إن أي شاب صغير عنده عربية تبقى بتاعت مامته :)
بجد أصل أنا بسمع الموضوع دة كتير !
هل في أصل للموضوع دة :)
لحد دلوقتي لهجة الحوار هادئة وعاقلة زي ما كلنا متوقعين من بعض بس برضه دعوة للهدوء وعدم الانفعال
-------------
يا استاذ واو
لما حضرتك يوقعك سوء حظك مع سواق ميكوباص ترامكو ما بيفهمش غير لغة اكصدام في اكصدام ولغة القوة
صعب قوي انك تتكلم معاه بالتفاهم والعقل
ولما حظك يوقعك مع دكتور جامعي(محترم) صعب تعاملة بمنطق القوة
لكل مقام مقال
ده واحد اعتدي على حريتى وكتفني لان السيارة بقت في زمنا وخاصة للي واخد عليها هيا ايدة ورجلة
ده جه كلبشني ازاي اسكت
ما تقولش اني بسكر الازاز عشان هو مش موجود
لاء ده ادعى اني احافظ عليها
لكن لو موجود ومرضيش يشيلها هاكسرهالة
كل واحد ليه مقدرة معينة في العفو
ويما عفونا ومشينا واحتسبنا عند الله
لكن كتير قوي مابنفعش بقى
اما عن كلبشة الحكومة لولا اني اخاف ان هو اللي يلبسها كنت كسرت الكلبش
بس عارف انه هايتحاسب حساب قوي وفيها حبس تقريبا يبقي الضرر ما يوصلش لغاية كدة
وهاروح ادور وقتها على الونش يجي يفكها ويطلعني ووقتها معايا حق
وعارف انا بدور على مين
مش ابرة في كوم قش
اصل صعب قوي يكون شاب في جامعة جايب عربية من مصروفة
وكلمة مامتة مبالغة في التريقة عشان الاستهتار اللي بنشوفوة يوميا منهم
لان في الغالب لو ابوة اللي جابهالوة هايكون معلمة سواقة كويس ولو خبطها خبطة صغيرة هايخدها منه
لكن الام حنـــــــــــــــــــــــ ــان بقي
مين حنان دي
انا مقولتش حاجة:):)
أعتقد إن الناس بقت بتكسر القزار تنفيساً للغضب أكتر من انهم بيكسروه علشان يحركوا العربية إلي سدت عليهم :)
يعني لو صاحب العربية جه وإعتذر انتهت المشكلة ولا هيكون في كسر قزاز ولا غيره لكن لو مجاش
بيبقى الواحد مفقوع و عاوز ينفس غضبه صح واللا أنا غلطان :)
ليس الشديد بالصرعة انما الشديد من يملك نفسه عند الغضب
''في ما معنى الحديث الشريف''
Thanks
Eng.Sherif Shaker
آه نسيت
فيه قصتين حصلولي حلوين جدا نسيتهم ازاي مش عارف
مرة ركنت عند مكتب واحد صاحبي و نزلتلقيت مقفول عليا بعربيتين
الساعة 3 الفجر و البيت قريب و لوحدي ، أخدتها مشي و لقيت تاكسي في السكة (علي ما في ذلك من خطورة في مثل هذا الوقت)
تاني يوم الصبح روحت اخدت العربية و بتكلم مع زميلي اللي كنت عنده ، ابتسم ابتسامة مكتومة و فهمني انهم عاملين كده مخصوص علشان محدش يركن امام عمارتهم و حارس الأمن معاه المفاتيح و بيطنش عن عمد
مش عارف إزاي قدرت اسكت و احتسبت بس قررت اني لما الاقي الركنة دي تاني حاركن فيها و يا قاتل يا مقتول
سبحان الله مفيش يومين كان الونش مروق المنطقة كلابوش كل ليلة لاي حد يركن صف تاني
مرة تانية راجع من الشغل و كنت راكن العربية في مكان جديد بالنسبة لي لقيتها مقفول عليها تماما بعربيتين و بقيت الرصيف فاضي ، عربيه أمامها و واحدة جنبها و شادين فرامل اليد
طلعت البيت غيرت و جهزت نفسي و نزلت ، بصراحة مكنتش ناوي استعمل لساني خالص، و الحمد لله العربيتين مكانوش موجودين
الاسلوب الحيواني هو الاكثر انتشارا و ليس له رد الا . . . . و لا بلاش
في بعض المواقف التسامح ضعف و دعوة للفجور
يا جماعه انا شايف ان المشكله ان مفيش نظام ولا تطبيق للقانون وده اللى دفع الناس انها تستخدم ايديها او واستطها لتأخذ حقها(اصلنا فى غابه).انما مثلا لو مطبق انه لو قفلت عليك عربيه اتصل بالنجده تبعتلك اقرب عربيه دوريه مع ونش يجوا يرموهاله فى اقرب خرابه اكيد محدش هيكسر ازاز ولا ينيم كاوتشات ولا يجرح الصاج واساسا مش هتلاقى حد هيركن صف تانى خالص وتنتهى هذه الحماقه اللى الابد