استفسار بخصوص الفوانيس الاماميه

**m4th** · 26-10-2012 02:18 PM

السلام عليكم

كل سنه و انتوا طيبين و ربنا يعيده علينا بالخير ان شاء الله :)

لو سمحتوا انا عايز اعرف سعر الفوانيس الاماميه الديبو ؟ و هل هى كويسه ولا لأ و اجيبها منين

الفوانيس عندى قواعدها مكسره و مصفره و حالتها تصعب على الكافر

و سؤال لولبى بقى انا عايز اركب زينون , هل لما بركب زينون هكسر فى ال cover اللى جوه الفانوس عشان اعدى الفيشه ؟

اصلى مستحرم اجيب فوانيس جديده و اكسر فيها من جوه و تصفر تانى

**Mohamed.Fawzy** · 26-10-2012 02:35 PM

الديبو الأماميه لانوس كانت على ما اتذكر 200 جنيه للفانوس الواحد ... وهيا ممتازه و كنت مجربها قبل كده فى عربيبتى ... و بالنسبه للزينون فمش عارف موضوع الفيشه ده و الله لأنى مركبتوش قبل كده

**hessenp** · 26-10-2012 11:42 PM

موضوع الزينون انا مركبه عندى فى اللانوس وعلى كشافات جديدة
الموضوع ببساطة ان الراجل بتاع الكماليات هيخرم خرم صغير بالشنيور فى الغطا البلاستيك الى واره الكشاف ولا هياثر فى حاجة للكشاف ونصيحى برضة وانت عند بتاع الكماليات خلية يلزقلك لزق شفاف على الكشاف لحماية من السنفرة الى بتحصل وانت مسافر ....
المعلومة دى عرفتها من سواقين الميكروبصات التويوتا ....

**m4th** · 27-10-2012 04:15 AM

شكرا على الرد يا رجاله
طب الزينون فى اللانوس حلو ؟ ولا هرمى فلوس على الارض ؟ :)
حسيت بفرق كبير عن النور العادى ؟

**Dr.Rayyan** · 27-10-2012 07:07 AM

الفانوس الديبو الواحد ب 130-135 لسه سال عليه امبارح بس مش بيبعه لواحده لازم طقم
والزينون يفرق طبعا وفرق شاسع حتى لو صينى و35 وات بس الاختلاف بين الاصلى والصينى فى
الجوده-السعر-درجه البياض(اللون)-بيسخن فى وقت قليل ولا بياخد 5 ثوانى على ما يسخن عشان ترعش بيه -وكمان بيفرق عمر الموديول (الجهاز) وعمر اللمض وطبعا الفرق معروف لصالح مين :)