حد يعرف حاجه عنها وهل كويسه ولا لا وازاى بقدم فيها وامتى التقديم ؟؟
عرض للطباعة
حد يعرف حاجه عنها وهل كويسه ولا لا وازاى بقدم فيها وامتى التقديم ؟؟
انت بتروح الجامعه وبتسأل عن مكان ال iti بالنسبه لينا في اسيوط هي موجود في مبني الحاسابات والمعلومات
انت ممكن تروح تسأل في المبني الاداري وهما هيدلوك ولما توصل تسأل عن الدوارت وكده لان في حاجات بتبقي للمتخرجين وحاجات للطلبه وهكذا وشوف اللي يناسبك وتسال علي معاد التقديم وخير بأذن الله وعلي فكره ال iti محترمه جدا ودورتها معتمده وبتحس بفرق بعد ماتخلص
لو مكنتش شغال شغل كويس أنصحك تقدم
السنه الجايه وعليك خير :)
التقديم بيفتح شهر 8 لاخر 9
Www.iti.gov.eg
على أيامي كان مرتين في السنة......مرة بداية الدراسة في شهر سبتمبر و التانية بعدها بكام شهر
قدم في الدورة اللي جاية و اعمل الامتحانات و ربنا يوفقك ان شاء الله
هي محترمة جداً سواء دراستك كان ليها علاقة بالكمبيوتر و لا لأ
كانت حلم من أحلامى ايام التخرج
بس شروط قبولها صعبة جدا ...
مكانها فى الهرم عند المطبعة
بالتوفيق
بص اللى أعرفه أنها مره واحده فى السنه
التقديم لمدة 3 سنين من وقت التخرج بمعنى لو خريج 2012 تقدم السنه دى وممكن السنه الجايه واللى بعدها
شروطها تكون خريج جامعه حكوميه وتقديرك ميقلش عن جيد بالاضافه للشرط اللى فوق
وقت الأعلان عن الدفعه الجديده بيبقى فى شهر 8 ( نصه أو أخره مش فاكر )
و بتسجل على السايت بتاعهم وبتختار التراك اللى ناوى تدرسه
عشان بتعمل فيه انترفيو ( وساعات تيست لبعض التراكات ) وممكن تختار لغاية 3 تراكات وتعمل فيهم انترفيوهات
وبعدين بتشوف الفرع الأقرب ليك وتقدم ورقك وهناك بيحددلك ميعاد لأمتحان انجلش واى كيو ( غالباً بعدها بيومين )
النتيجه بتظهر على السايت فى ليلتها ولما تنجح ان شاء الله بتلاقى ميعاد الأنترفيو برده على السايت ( الأكونت اللى أنت سجلت بيه )
الموضوع سهل بس محتاج تستعد له من دلوقتى لأن عدد المتقدمين كتير أوى أوى وهما بيخدوا 1000 تقريباً
الفيس بوك مليان جروبات تقدر تستفاد منها ( هحاول أدور عليها )
مش محتاج أقولك أن المنحه دى قويه أد أيه وأنك قبل مبتخلصها بتتخطف من الشركات التقيله
ربنا يوفقك ان شاء الله
المكان أتغير يا باشا و بقى فى القرية الذكية
شروط قبولها صعبة شوية طبعاً علشان منحة................لكن هما كان عندهم إختيار تاني أنك لو متقبلتش ممكن تدفع و تدخل.........و مكنتش رخيصة.....كان معانا واحد طبيب عنده حوالي 40 سنة فى الدفعة بتاعتنا.....كان داخل بفلوس.....أعتقد كان دافع 12 ألف جم .
عموماً أنا بعتت لواحدة أعرفها شغالة هناك أستفسر منها بيقبلوا كام دفعة فى السنة و هل لسه فيه أمكانية لو متقبلتش تدفع فلوس ولا لأ....و هتبقى بكام.
بس أنا فاكر أنهم دفعتين فى السنة و اللى بيأكد كلامي أن ال iti بدأ أول سنة فى سنة 1994 و أنا خلصت فى 2001 و كانت دفعتي رقم 16.
أستاذ أحمد كل سنه وحضرتك طيب :)
أنا قدمت السنه دى ( القريه الذكيه ) ومحصلش نصيب عشان مكنتش جاهز خالص
وان شاء الله فاضلى سنه وناوى أقدم وربنا يكرم
بالنسبه لموضوع التويفل معادوش بيدققوا عليه أوى يعنى أغلب المتقدمين مكانش معاهم تويفل
هم بيشترطوا عليك تاخده خلال أول مرحله ( أول 3 شهور ) وممكن متاخدوش برده مفيش مشكله
الكلام ده من ناس صحابى متخرجين السنه اللى فاتت واللى قبلها
__________________________________________
بالنسبه لموضوع انى ممكن أخدها بفلوس...ياريت لو مش هتعب حضرتك تتأكدلى منه
وأيه رأى حضرتك فى تراك ( ERP SAP( Financial بما انى خريج تجاره انجليزى ( محاسبه )
انا مش فاهم ايه ال iti !! ممكن حد يفهمنى بعد اذنكوا
هو كان موجود عندنا فى الكلية بس انا مقدمتش
بالنسبة للتويفل على أيامي كان لازم يبقى معاك بس ممكن تاخده خلال الدورة
الدخول بفلوس ده أنا متأكد أنه على أيامي كان شغال لأن زى ما قولتلك كان معانا أكتر من واحد كبار فى السن.........و الأتنين كانوا أطباء.
بس حالياً مكتوب على الموقع أنه مينفعش
http://www.iti.gov.eg/faq.aspx#Rel8
ال ERP من المجالات الكويسة اللى عليها طلب دلوقتي.......و أعتقد بما أنك خريج تجارة أنجليزي هيبقى الموضوع أسهل و اظرف بالنسبة ليك أنك تفهم ال business side بتاعه غير ال technical اللى هما هيدرسوه ليكم.