سقاطة قفل ظهر الكنبة اتقطعت - ابيزا 99

**SYD** · 26-10-2012 07:40 PM

السلام عليكم ورحمة الله وبركاته

اخواني في قسم سيات، كل سنة وانتوا طيبين

النهاردة حبيت افتح ظهر الكنبة علشان ازود المساحة التخزينية في شنطة العربية لقيت السقاطة بتاعة الظهر مقطوعة - المفاجأة ان الأتنين مقطوعين وكأن حد قاصد يكدرني
انا مش عارف اتقطعوا امتي - يمكن لما وديت العربية سمكرة ودوكو ؟؟؟
طب سواء السمكري او البوهيجي هيفتحوا الكنبة ليه ؟؟؟ مالهمش حاجة فيها.

حد عنده فكرة افتح بيها ظهر الكنبة؟
طب هل ليها تصليح؟
طب لو حبيت اشتري ظهر الكنبة - بيعمل كام ؟؟ وهل هيتباع لوحده ولا لازم اخد الظهر والقاعدة ؟؟

انا متكدر اخر حاجة من الصبح بسبب الموضوع دة.

والله المستعان
،
،

**Karim Ibiza** · 27-10-2012 03:18 AM

انا عندى نفس المشكلة

**SYD** · 27-10-2012 10:32 AM

المشاركة الأصلية كتبت بواسطة alzelafy

الحوار دة فى 90 فى الميه من الابيزا فى مصر و السقاطه دى ضعيفه جدا جدا حتى لو مكنتش بتستخدمها مجرد ما تمسكها هتلاقيها بتقع فى ايدك زى ما يكون دايبه لمجرد مرور السنين عليها .... الحل بتروح لسروجى و بيفك الكنبه و بيعملك اى شدادة حته حديدة او الافيز البلاستيك و طبعا شكلهم وحش جدا بس هو دا الحل اللى شفت ناس عاملينو ....انا كان عندى فى عربيتى الاتنين موجودين و اتقطعو فى يوم واحد

كتر الف خيرك يا باشا
انا فكرت استخدم حتة سيخ متنيه وادخلها واسحب بيها اللوك
انا كمان كانوا شغالين زي الفل لأخر لحظة - ومرة واحدة لقيت الأتنين مقطوعين
أشك كمان انهم نشفوا او دابوا بسبب الكار كير - لأني لقيتهم زي ما يكونوا ..
عارف لما تنظف التابلوه بملمع وبعد يومين يلم تراب - السقاطة كانت كدة بالظبط

طب ولو حبيت اشتري ظهر كنبة استيراد - هيعمل كام ؟؟

**windofchange** · 27-10-2012 11:13 AM

والله ياسيد باشا لو هتشتري استيراد ربنا يبارك لك هات لي معاك واحدة ") ومش هتفرق سعرها انا محتاجها اووي الايام دي

**SYD** · 27-10-2012 12:46 PM

المشاركة الأصلية كتبت بواسطة sala7

من خبرتي البسيطه في العربيات الالماني بوجه عام ... اي حاجه (تتكسر/ تتقطع/ تتلوح/تفرقع/...........الخ) لازم يا تيجي مكانها نفس القطعه جديدة يا تتبدل كلها كاملة بواحده تانية إما جديدة او شغالة على الاقل (استيراد) غير كدا انسى ....
بصراحة مابحبش الافتكاسات اللي بنخترعها و تحس انك في الاخر راكب (راما -أو - 128 متجمعة في الحرفيين)

و في الاخر ..
هتعمل ايه بس يا ابو السيد .... امرك لله .... اشتري ابيزا 99 جديدة و ريح دماغك ...

انا جاي اهدي النفوس ..!

هي بقت كدة ؟؟؟
هههههههههههههه

والله يا صاحبي انا مش بفتكس في اي شئ يخص ميكانيكا او كهرباء
لكن مفيش مانع من شوية عك في حاجات مش اساسية (انا عارف انها بتخلي شكل العربية عرة وساعة البيع بيقولك دة مبهدل عربيته بس انا بقول مؤقتاً لحد لما اظبط العربية كلها ومايبقاش ناقص غير شوية تناتيش او رفايع)
بمعني
اعمل الأول المهم فالأهم ولما اروق خالص ابقي افضي للرفايع والكماليات

**SYD** · 27-10-2012 12:47 PM

المشاركة الأصلية كتبت بواسطة windofchange

عندي مقطوعة وفكرت الحمها بس اشك انها متتقطعش تاني فكرت في حته دوبارة جامدة مثلا او حاجة عموما انا كنت بجيب مفك طويل سنه رفيع وازق اللوك وافتح الكنبة مؤقتا بس ده مش الحل اكيد بس هي الخامة بتاعتها مااستحملتش الصهد بتاع مصر

يعني اللوك بتاعها بيتزق ولا بيتشد ؟؟؟
اعتقد انه بيتشد لفوق !!
ازاي بتعملها بمفك ؟؟؟؟

**Ahmed_Rahem** · 27-10-2012 01:07 PM

انا كان معايا جولف 2 وطلعلى فيها نفس المشكلة، السقاطة اتكسرت، فتحت الشنطة وبمفك طويل رفعت اللسان من ورة بطاحة المساعد وفتحت ضهر الكنبر وبعدين جبت سيلك طويل وخرمت السقاطة ولفيتة فيها وفيتة على اللسان وكلة تمام بعد كدة.

-

-

الموضوع: سقاطة قفل ظهر الكنبة اتقطعت - ابيزا 99

LinkBack

أدوات الموضوع

عرض

سقاطة قفل ظهر الكنبة اتقطعت - ابيزا 99 - انشر الموضوع فى :

-

-

-

-

-

المواضيع المتشابهه

لوحة نمر العربية اتقطعت

هى العربية fo اخبارها اتقطعت ليه

كاوتشة الشباك الخارجية اتقطعت, ممكن تتلحم ؟

كاتينة اتقطعت تريوس 99

كوبستة ال 131 اتقطعت ازاى الحمها

الكلمات الدلالية لهذا الموضوع

المفضلات

المفضلات

ضوابط المشاركة