هيا رينو ميجان اعلى فئه طارة الدركسيون فيها جلد بخياطه ؟؟
هيا رينو ميجان اعلى فئه طارة الدركسيون فيها جلد بخياطه ؟؟
عذرا تصحيح لكلمة جلد بخياطه؟؟
اه الطاره والفتيس وفرامل اليد
طيب عايز اعرف بلتفصيل ايه الفرق بين اعلى فئه بانوراما و اعلى فئه بانوراما فرش جلد ؟؟
هل الفرش الجلد للكراسى بس ؟؟
ولا الفرش الجلد ومقبض الفتيس والفرامل والدركسيون جلد ؟؟ وايه تانى؟؟
شوف اللينك ده هتلاقى فى كل المعلومات عن الميجان
http://www.nilemotors.net/Nile/24062-ii.html
تقريبا الفرق هو الفرش الخاص بالكراسي ......... بس انا شوفت واحده كانت في سموحه ورا زهران مول كان فرش الابواب كمان جلد اللي هو كانه مخرم خروم صغيره جنب بعض ده و كان الفرش كله اسود و التخازين اللي في نص الكرسي كانت من نفس نوع الجلد ده و الاحرف كانت جلد اسود عادي
الاختلاف تقريبا فى فرش الكراسى
البانوراما بيبقى جلد كامل أو قماش زى قطيفة كدا فى جلد بالنسبة للكراسى وجوانب الأبواب أما الطارة والفتيس وفرامل اليد
أعتقد إنهم كلهم جلد فى كل الفئات بيبقى جلد ناشف كدا ومخرم ومتخيط بالفعل
وكمان حاجة فيه عربيات بيبقى نازل فيها فرش بيج جامد بصراحة أنا شفته أفضل من الأسود بكتير بس دى أذواق
بيبقى الدريكسون برضه لونه بيج والتابلوه
أنا رأي تعمل موضوع واحد فيه كل استفساراتك لسهوله المتابعة
بالتوفيق
الموضوع للأسف مش قياسي فى كل الموديلات
معايا هنا واحدة 2007 بانوراما الفرش جلد على الأجناب و قماش فى الوسط
الدركسيون و الفرامل و الفتيس و جوانب الأبواب و المخدع اللى فى النص جلد بالكامل.
دى صورة من موضوع كنت عامله عن تغيير سماعات الأبواب
http://www.nileup.com/uploads/13513644901.jpg
وأنا عربيتنا 2007 والفرش قماش وجوانب الأبواب قماش ووالطارة والدريكسون وفرامل اليد جلد
على ما أتذكر إن ميجان كانت بتنزل أكتر من تجهيز يعنى مش مجرد أول فئة أوتو وتانى فئة وهاى لاين بانوراما
تقريبا كانوا 8 يعنى أنا عربيتنا نازل فيها جنوط اسبور كتجهيز أساسى وتكيييييييف بكرة مش تاتش وفرش قماش
على فكرة أنا شفت أكتر من ميجان الفئة الأولى الفرش كله قماش ما عدا الطارة والفتيس وفرامل اليد
بس برضه مش متأكد إن كل الفئات مجهزة بالحاجات دى ولا لأ
على العموم دى حاجات بسيطة كلها يا أستاذ حسام والبانوراما بيبقى فيها كل الأوبشن متخفش
بس ممكن تلاقى الفرش قماش فى جلد
ماعنديش المعلومة , عموما انا اول فئة , الدركسيون جلد متخيط
و الكراسي و الأبواب قماش
و الفتيس و الفرامل بلاستيك :)
وبالمناسبة عربية الاستاذ احمد ممكن تخرجها من المقارنة لأنها مش وكيل مصرى
يعنى أنا شفت فيديو لرينو ميجان مانيوال وبتكيف تاتش وفرش جلد فى قماش بيج وتابلوه بيج وطارة وفتيس ومقبض فرامل اليد جلد بيج وبانوراما وطبعا دى مبينزلهاش وكيلنا فى مصر
برغم إنى شايف إن ال مفروض إنهم ينززلوا البانوراما منها مانيوال لأن فيه ناس كتير بتحب المانيوال زيى كدا ومش بتحب الاوتو
وبالنسبة للأستاذ تامر الفتيس جلد وعصا فرامل اليد كمان بس هو ناشف شوية أتأكد تانى وقولنا
ودى صورة من النت لبانوراما لاحظ فرش الكراسى جلد فى قماش قطيفة كدا
http://www.nileup.com/uploads/13515977221.jpg
ودى بانوراما تانية فرش جلد بالكامل
http://www.nileup.com/uploads/13515981011.jpg
وللعلم فيه فئة فيها الفرش الجلد والتكييف التاتش وكل الكماليات ما عدا فتحة السقف البانوراما
وفى الفئة دى والبانوراما بيبقى ا لغطاء بتاع العلبة اللى بين الكرسيين الأماميين جلد برضه
بس الفرش الجلد البيج قليل شوية ولكن المنتشر بكثرة الفرش الجلد الأسود بالكامل والجلد فى قماش