إرتفاع الميجان على الأرض

**ahmedtr9989** · 26-10-2012 09:02 PM

كل سنة و إنتم طيبين يا ميجاناويه .......وعيد سعيد علينا كلنا...
حد جرب قبل كده يحاول يعلي الميجان شوية من على الأرض ...علشان شوارع مصر المحروسه ...؟؟
أنا عارف ممكن علوها يقلل من كفاءة الثبات (مع إن مفيش شوارع أصلا ينفع نجري فيها)... بس أنا عن نفسي محتاج العربيه تعلى شوية ..علشان المطبات إلي عندنا ملهاش مثيل ....
ولو حد عمل الموضوع ده عمل إزاي و تقريباً بيتكلف كاااام

حد جرب قبل كده يعمل الموضوع ده ؟؟ مستني أرائكم و تجاربكم يا وحووووووووش

**gefoo** · 26-10-2012 09:29 PM

فعلا مشكله مفيش مطب الا والعربيه بتسلم عليه لازم حل للموضوع دا

**Ahmed Selim** · 26-10-2012 10:03 PM

ميجان بتحك في المطبات ؟؟؟؟

ازاي و امتى ؟

مش ممكن يكون عندك مشكلة مسببة العربية توطى شوية ؟

احمد يا طه……انت بتتكلم بجد عاوز تعلي الميجان ؟؟؟؟؟

**ahmedtr9989** · 27-10-2012 02:03 AM

المشاركة الأصلية كتبت بواسطة Ahmed A.Maksoud

ميجان بتحك في المطبات ؟؟؟؟

ازاي و امتى ؟

مش ممكن يكون عندك مشكلة مسببة العربية توطى شوية ؟

احمد يا طه……انت بتتكلم بجد عاوز تعلي الميجان ؟؟؟؟؟

يا عوبد إنت بتتكلم و كأنك محسسني إن العربية عاليه قوي عن الأرض ....

أنا معنديش مشكله خالص في العفشه ...بس أصل إمبارح و أنا جاي المنصورة كان في مطب إبن حلال هو أنا بالنسبالي كنت شايفه عادي و كانت العربية فاضيه الحاجه بس هيا إلي كانت معايا .....و المطب باسني من تحت .... إتغظت قووي و قولت في عقل بالي لو كنت راكب البيجو كنت أنا إلي بست المطب...

فقولت أشوف رأيكم بالنسبه لتعلية العربية ....
وبعدين أنا مش بتكلم في تعليتها بمقدار كبييير .... أنا معرفش المفروض أد إيه تعلى ....
هيا يمكن عاليا من الخلف لكن من قدام أعتقد إنها واطيه شوية ولا رأيك إيه يا عوبد

**ahmedtr9989** · 27-10-2012 02:08 AM

المشاركة الأصلية كتبت بواسطة ahmed_adham

هيه العربيه بتحك ولا انت عايز تعليها احتياطي؟ جربت تظبط الكاوتش حسب اللي مكتوب على القايم او المانيوال بتاع العربيه؟

الكاوتش عندي بشيك عليه كل أسبوع أو إتنين ,,,,,
العربيه مش على طووول بتحك .يعني أكيد لو المطب جامد شويه ....
الواحد بيحب يكون ماشي في الأمان و بيجمع بين جميع المزايا و خاصة إرتفاع العربيه عن اﻷرض دي حاجه مهمة خاصة في شوارع المحروسه

**MohammedAladel** · 27-10-2012 07:35 PM

عندنا المطبات فى المنيا عجيبة جدا خصوصا فى القرى اللى بيعملوها الأهالى

العربية لما كنت بسوقها كانت بتحك والبركة فى المصفحة هى اللى بتاخد الخبطة

لكن لو خدت المطب على مهلى مش بتحك

حتى صاحبها القديم كان مغير ارتفاع الكاوتش الامامى ل 60 بدل من 55

وأنا عندى المساعدين الأماميين تعبانيين شوية برضه جايز يكون دا سبب والله أعلم

**Ahmed Selim** · 27-10-2012 08:16 PM

يعني يا طه علشان بعض المطبات اللى معمولة غلط تبوظ العربية ؟؟

لو عليت الميجان الثبات هيفرق معاك.........و دى ملهاش حل

بس لو خليتها زى ما هى و أخدت المطبات بالراحة أو بالعرض شوية مش هتخبط.

الله يرحم أيام البى أم كنت باخد نص مطبات البلد بالعرض :)