الموضوع: هي وحده التكييف اللي جوه التابلوه اسمها ايه ؟؟؟

السلام عليكم

انا معايا لوجان و عندي مشكله في التكييف ان الزرار اللي بيتحكم في اتجاه الهوا جوه العربية مش شغال .. ده نتيجة حادثة من حوالي شهرين كنت ماشي جمب مقطورة محملة خشب والخشب نزل فوق العربية نزل علي نص السقف الامامي بالازاز وطبعا لما كسر الازاز نزل خبط علي التابلوه .. الخبطه اللي علي التابلوه دي اثرت علي وحده التكييف اللي جوه التابلوه .. طبعا في السمكرة السمكري فك التابلوه وطلعنا الوحده دي وكان طبعا فيها فيبر كتير مكسر .. كل اللي ركزت عليه اني اصلح الفيبر ده عشان هواء التكييف ميسربش وفعلا عملته ب 100 ج عند واحده قعد يلحملي فيه .. المهم بقي انا مكتشفتش المشكله غير لما الوحده دي اتركبت والتابلوه اتركب لقيت حاجتين :

1- صوت خبط جاي من المروحه اللي جوه وحده التكييف لما افتح البوابه اللي بتجيب هوا من بره العربية .. ودي حلتها اني ما افتحش البوابه دي والراجل بتاع التكييف فصلي الزرار اللي بيفتح البوابة دي

2- الزرار اللي بيتحكم في اتجاه الهواء اللي داخل العربية ( اللي هو بيخلي الهوا ييجي من وش التابلوه او من اعلي التابلوه او من الرجلين ) الزرار دي مبيتحركش نهائيا وواقف وممكن لو ضغط عليه بقوه اكبر اكسره .. بتاع التكييف قالي دي اكيد نتيجة الحادثة فيه حاجة جوه وحده التكييف اتكسرت ودي حاجات كلها ورق وحتي لو اتلحمت هترجع تتكسر تاني لانها ضعيفة .. الحل عندك انك تغير وحده التكييف دي تشوفها استعمال او لو وجوده في التوكيل ...

سؤالي : ايه هي اسم وحده التكييف دي عشان لو دورت عليها استعمال ؟؟ وايه رايكوا في المشكله دي هل فيه حل ليها ؟ وسعر الوحده دي ممكن يبقي في حدود كام لو جديد وبكام لو استعمال ؟؟ ياريت اللي يقدر يفيدني هكون شاكر ليه جدا وجزاكم الله خير ا وكل عام وانتم بخير