فهمونى ايه اللى حصل يا شباب
انا النهاردة حصلى حاجة ونفسى حد يفهمنى .............
واحد منوا لله ريح عليا فى طريق المحور واضطريت عشان افاديه اطلع على الرصيف وفجاة لقيت عيلة على الرصيف لدرجة انى فرملت على الرصيف ونزلت من عليه بسرعة ..... والحمد لله الموصوع خلص على كدة
بعد شوية الكلاكس مرديش يشتغل نهائى واضطريت اقف على جنب فى التحرير عشان اشوف ايه اللى فصل ؟؟؟؟؟؟
ومن هنا لقيت واحد جالى بيقولى لو محتاج ميكانيكى انا موجود .... فسالتوا عندى الكلاكس فصل مش اكتر وانا بدور عليه هو فين .... وى صراحة هو قلى انوا ادام .... وبعدين نزل تحت العربية قال ايه بيشوفوا وبعد كدة بشغل العربية بعد ما الكلاكس اشتغل لقيت العربية بتكركر ومش حاسة معاية انى بدوس على بنزين
ومن هنا فهمت انوا بيشتغلنى وبيصيع وبدات اتخانق معاه انوا عمل حاجة زبالة فى العربية وى فصل حاجة عشان ياخد فلوس وى خلاص ...... على العموم هاودتوا بعشرين جنية على اساس يشغل العربية وقالى انوا فى حساس او قندنسر فصل وانوا وصل مقاومة عليه وى خلاص ..... طبعا كلام ملهوش اى لزمة واشتغالة وقولتلوا انوا بيصطعبت وانوا حرامى وى نصاب ..... لكن دلوقتى انا عاوز افهم ايه الحساس اللى موجود تحت العربية عند الفتيس اللى بيخلى العربية تفصل بالشكل ده ............ فياريت يا جماعة وى الخبرة فى الافيو يقولى الشخصية دى عملت ايه تحت عشان عاوز اطمن ؟؟؟؟؟؟؟؟؟؟؟؟؟؟ وشكرا مقدما