الموضوع: استفسار عن قوة برودة تكييف اللانوس

المشاركة الأصلية كتبت بواسطة MMamdouh

هو انت مش قعدت فى لانوس تانية و حسيت بالفرق؟

MMamdouh

شكرا لكل اللي ردوا وأنا حسيت بالفرق وكان فرق جامد جدا هو كان مشغل التكييف على 2 أو 1 وكان البرد شديد جدا بالنسبة للي عندي وكنت فاكره ممكن يكون اشترى مكيف غير الأصلي علشان كده في فرق ، بالنسبة لعندي أنا مش باقدر أشغله غير على 4 علشان لو أقل مش هاحس انه شغال اصلا كاني ماشي ومقفل المكان ولو في الشمس يبقى لو فتحت الشباك ارحم من المكيف.
فهل ممكن تكون دي مشكلة تستدعي شراء مكيف جديد ولا حاجة بسيطة تتصلح أو تتظبط ؟

شكرا لكل اللي ردوا ، ، ،

أنا رحت النهاردة خليت واحد كشفلي على المكيف لقي ان المفتاح اللي بيدخل هواء من بره مفتوح على طول (لإنه مكسور) هو قاللي مفيش عربية لانوس بيكون الزرار ده سليم علشان بلاستيك ولما بنفك الزرار بتاعه بيتكسر طبيعي ، فخلى وضعه مقفول عل طول وبعدين فرغ كل الفريون الموجود وقاللي ده هواء مش فريون ( أو فريون رديء جداً ) وان ضغط الفريون الموجود اعلى بكتير من الطبيعي ، وملاه تاني والحمد لله في فرق جامد جداااااااااااا الأول بيتهيألي انه كان زي مروحة وكنت بادوس بنزين جامد حتى وانا واقف علشان احس بنسمة هواء باردة وكنت ساعات بافتح العربية في الفجر علشان اخزن هواء بارد قبل الشمس

بس لكن بعد التعديل لا كده مكيف اللانوس قوي لدرجة التجمد حتى في عز الشمس والزحمة والحمد لله.