واخيراً انتصر سائقي التوكتوك والميكروبازات

والله بجد الواحد قرف من البلد دي وزوق الناس اللي بقى منعدم

عنوان الموضوع بيتكلم على سيطرة زوق سواقين الميكروباز والتوكتوك على عقول 90% من الشعب الجميل ده

معقول مصر بلد الفن اللي مشهورة في الوطن العربي بالكامل بالفن والالحان والاغاني تبقى شهرتها اغاني سواقين التوكتوك والميكروباز؟؟؟!!

بصراحة بقيت قرفان اوي من الناس ووكل ماامشي في شارع اسمع شعبي
احول في القنوات اسمع شعبي
اروح فرح في افخم الاماكن اسمع بردو شعبي
اقعد على القهوة الاقيهم مشغلين اغاني شعبي على القنوات الغريبة اللي فتحوها دي
اشوف فيلم من افلام العيد الاقيه كله اغاني شعبي

معقول زوق الناس انعدم للدرجة دي؟؟
معقول الناس بقت متسولة للدرجة دي؟؟
معقول واحد زي اوكا ولا اورتيجا يبقو نجوم؟؟
معقول واحد يغني ويقول ( ياام الحسن والحسين ) وفي رقاصة بترقص على الاغنية دي؟ ايه قلة الادب والوساخة دي؟؟
معقول واحد صاحبي مهندس ومحترم وابن ناس اوي يجيلي تحت البيت ومشغل اغاني شعبي في العربية وكمان معلي الصوت ومش مكسوف؟؟
هيا الناس زوقها بقى مقرف ليه كدة في الاعاني
وليه كل الافلام بقت شعبي × شعبي سواء اغاني ولا احداث ولا عيال متسولة عملو فيلم؟

طيب ليه

معقول واحد محترم يبقى زوقه زي زوق سواق توك توك حشاش ولا مدمن ولا بيضرب برشام ولا ولا ولا
انا بجد قرفت وزهقت من البلد دي

فعلا البرادعي قالها قبل كدة انهم عايزين يغيبوا عقول الشعب ويخربه زوقه ويخلوهم يهتموا بتظغيط البط بدل التفكير في المستقبل والتقدم


حسبي الله ونعم الوكيل
انا دلوقتي اتمنى حازم صلاح ابو اسماعيل يبقى رئيس عشان يمنع الاغاني والتمثيل الهابط ده

الاغانى دى تعتبر مستوى اقل من الشعبى اصلا يعنى عبد الباسط حمودة مثلا يعتبر استاذ و حاجة من ريحة الزمن الجميل بالنسبة للمهرجانات و القرف ده

التكاتك و الموتوسيكلات الصينى و الميكروباظات هى الراعى الرسمى للحاجات دى و ده طبيعى علشان ثقافتهم و تربيتهم و مستواهم فمش هنلوم عليهم

انما المشكلة فى الناس الى بتسمع الحاجات دى من باب الترويش و التغيير فدول حرام عليهم

انا فعلا مستغرب من انتشار الاغاني علي شاكله "أزأز كابوريا" و افلام علي شاكله "عبده موته" و برضه الاغرب ان في بعض الناس بتفتخر بأنهم اصبحوا "سرسجيه" و كأنهم قد فازوا بجائزه نوبل "للسرسجه"

معاك حق
فعلا بشوف شباب شكلهم ولاد ناس واحيانا راجل ومراته وعياله وقاعدين فى عربية شيك ونظيفة
ومشغل اغالنى متخلفة زيه زيه بتوع التوكتوك
!!!!!

ربنا يسترها على البلد فى الى جاى :beatdeadhorse5:

الحمد للة دانا كنت فاكر انى انا بس اللى مش باحب اغانى الهلس:embarrassed: دى والمهرجانات:B4_282: اتارى فى ناس كتيرة لسة بتعرف يعنى اية موسيقى واغانى راقية بس الاغلبيية زوقها بقى فى الحضيض ومنة للة اللى كان السبب

السلام عليكم ورحمه الله
فين ايام زمان والاغانى الجميله حتى كلمات الاغانى معانيها جميله

ياخى كنت مره مشغل فريد ومتسلطن معه وجه جانبى عيل راكب شاهين وقلى وسع ياجدو طيب راكب شيروكى ليه خلانى اعفرت عليه فى الطريق ووريته سواقه الشباب لحد ما كا حيعيط
الله يخرب بيت ام التوكتوك يا اخى دول عملوا قناه باسمه

الحمدلله انى مش بعانى من الموضوع دا لوحدى...طول ما انا ماشى وعمال اسمع حاجات عجيبة وطبل وزمر يقرف لدرجة انه خلاص مبقيتش افتح شباك السيارة تانى بقيت تكيف دايما وسبحان الله حتى ساعات كنت تلاقى حد زوق فى التقاطعات يعديك او ناس بتحترم المرور خلاص مبقاش فيه خالص من حوالى شهر كدا بقيت احس اننا فى حلبة مصارعة مش شارع..ربنا يرحمنا من الذوق الغبى دا

هو الحمد لله أنا مرحوم بدرجة كبيرة أني أسمع الهلس ده غير مثلاً لما حد يكون مشغله في عربية معدية جانبي أو موتوسيكلات الدليفري..
بس هو الغريب فعلاً لما تروح فرح فيه ناس مستويات و يشغلوا الأغاني دي.. و الأغرب أنك تلاقيهم حافظينها و بيغنوا معاها!!..
و لسة !!..

الاغاني بتاعت فيلم عبده موتة منتشرة مع سواقين التاكسي في بورسعيد بطريقة مستفزة انا بحس ان الناس دي مش طالعة تاكل عيش !!!!!!!!!!!

زمان فى الثمانينات كان نفسى اكبر واجيب عربية واشغل فيها حميد الشاعرى وافتح الازاز واعلى الكاسيت على الاخر واسمع الناس كلها معايا ولما كبرت شوية وجبت العربية بقيت اتكسف من الصوت العالى اشغل الكاسيت على قدى اما الان لا اسمع الا الراديو مابين قران كريم او اى اذاعة اخرى وفين لو حطيت حاجة كده اغنية ولا حتى ام كلثوم يظهر ان للسن علاقة بالموضوع

وجهه نظر يمكن متعجبكش بس هيا دي الحقيقه المره اللي لازم تتقبلها وتتعايش معاها يا ترحل وتخف العدد
بص يا كينج احنا ضيوف عند الناس دي اللي مش عاجباك يعني 80% من الشعب المصري اذا ما كانش اكتر تحت خط الفقر وتحت خط العلم وتحت خط كل الحاجات الطبيعيه هما كدا سميه فلح سميه جهل سميه تخلف سميه زي ما انت عايز هما كدا نتيجه طبيعيه ل 30 سنه من دوله الاستبداد فعملو لنفسهم عالمهم الخاص واغانيهم الخاصه وثقافتهم المختلفه عن حضرتك وحضرتي مش كفايه الدنيا طحناهم كمان حضرتك وحضرتي بنتأمر عليهم وعلي فنهم واغانيهم ومش عاجبنا طب تفتكر واحد طلع الدنيا لايملك غير الهدوم اللي عليه ولا علم ولا فلوس ولارعايه ولا اي حاجه مستقبل معدوم منتظر منه يسمع سلنديون ولا يسمع عمرو دياب حضرتك الناس دي بتغني كلام ميتفهمش للشعب هيعبر ازاي عن شخص معدم مستحيل علشان كدا مغنيين ال no ware منتشرين المغني من دول بيبقي ضارب نفس نوع البرشام اللي بيضربه المستمع فبالتالي فيه بينهم لغة حوار
واحب اهديك المقال دا بتاريخ النهادا في جريده التحرير بعنوان هاتي بوسه يا بت ههههههههه
هاتى بوسة يا بت - التحرير

اقتباس:

---

المشاركة الأصلية كتبت بواسطة eng f3lix

معقول واحد صاحبي مهندس ومحترم وابن ناس اوي يجيلي تحت البيت ومشغل اغاني شعبي في العربية وكمان معلي الصوت ومش مكسوف؟؟
ده

---

لا يصح إلا الصحيح وابدأ بنفسك
صاحبك ده تديله استمارة 6
:)

اقتباس:

---

المشاركة الأصلية كتبت بواسطة kok3

وجهه نظر يمكن متعجبكش بس هيا دي الحقيقه المره اللي لازم تتقبلها وتتعايش معاها يا ترحل وتخف العدد
بص يا كينج احنا ضيوف عند الناس دي اللي مش عاجباك يعني 80% من الشعب المصري اذا ما كانش اكتر تحت خط الفقر وتحت خط العلم وتحت خط كل الحاجات الطبيعيه هما كدا سميه فلح سميه جهل سميه تخلف سميه زي ما انت عايز هما كدا نتيجه طبيعيه ل 30 سنه من دوله الاستبداد فعملو لنفسهم عالمهم الخاص واغانيهم الخاصه وثقافتهم المختلفه عن حضرتك وحضرتي مش كفايه الدنيا طحناهم كمان حضرتك وحضرتي بنتأمر عليهم وعلي فنهم واغانيهم ومش عاجبنا طب تفتكر واحد طلع الدنيا لايملك غير الهدوم اللي عليه ولا علم ولا فلوس ولارعايه ولا اي حاجه مستقبل معدوم منتظر منه يسمع سلنديون ولا يسمع عمرو دياب حضرتك الناس دي بتغني كلام ميتفهمش للشعب هيعبر ازاي عن شخص معدم مستحيل علشان كدا مغنيين ال no ware منتشرين المغني من دول بيبقي ضارب نفس نوع البرشام اللي بيضربه المستمع فبالتالي فيه بينهم لغة حوار
واحب اهديك المقال دا بتاريخ النهادا في جريده التحرير بعنوان هاتي بوسه يا بت ههههههههه
هاتى بوسة يا بت - التحرير

---

بيقولك صاحبه مهندس وبيستكنيس من الحاجات دي :) ههههههههه
كان معايا زميل في ال it بيحب يسمع أغنية من إياهم دي بس كان بيسمعها وهو لوحده في العربية وحلفني ماأقولش هههه

اقتباس:

---

المشاركة الأصلية كتبت بواسطة kok3

وجهه نظر يمكن متعجبكش بس هيا دي الحقيقه المره اللي لازم تتقبلها وتتعايش معاها يا ترحل وتخف العدد
بص يا كينج احنا ضيوف عند الناس دي اللي مش عاجباك يعني 80% من الشعب المصري اذا ما كانش اكتر تحت خط الفقر وتحت خط العلم وتحت خط كل الحاجات الطبيعيه هما كدا سميه فلح سميه جهل سميه تخلف سميه زي ما انت عايز هما كدا نتيجه طبيعيه ل 30 سنه من دوله الاستبداد فعملو لنفسهم عالمهم الخاص واغانيهم الخاصه وثقافتهم المختلفه عن حضرتك وحضرتي مش كفايه الدنيا طحناهم كمان حضرتك وحضرتي بنتأمر عليهم وعلي فنهم واغانيهم ومش عاجبنا طب تفتكر واحد طلع الدنيا لايملك غير الهدوم اللي عليه ولا علم ولا فلوس ولارعايه ولا اي حاجه مستقبل معدوم منتظر منه يسمع سلنديون ولا يسمع عمرو دياب حضرتك الناس دي بتغني كلام ميتفهمش للشعب هيعبر ازاي عن شخص معدم مستحيل علشان كدا مغنيين ال no ware منتشرين المغني من دول بيبقي ضارب نفس نوع البرشام اللي بيضربه المستمع فبالتالي فيه بينهم لغة حوار
واحب اهديك المقال دا بتاريخ النهادا في جريده التحرير بعنوان هاتي بوسه يا بت ههههههههه
هاتى بوسة يا بت - التحرير

---

انا بسمع فيروز وفريد ووردة ونجاة واميمة الخليل وعبد الوهاب وغيرهم كتير
وبسمع جديد منير وغيره
وبسمع شعبي عبد الباسط حموده وطارق الشيخ وغيرهم

لكن اللي بيتقال دلوقتي ده له قديم ولا جديد ولا شعبي
ومحدش يقوللي ماهي اغاني الراب بتقول اقذر من كدة مانا مش هاخد اقذر ما في الغرب ماهو التون جون موجود وبراين ادامس واديس بياف
ايه يخليني اسمع اغاني كل كلامها تحرش
الكاتبة المحترمة اللي في المقال ده هي عايزانا نسيبهم في حالهم
هي مش دي دعوة للانحلال
الهانم بتستعبط ولا مش عارفة معني (الوسادة الخالية تعبت من يا غالية )
لو مش عارفة نجيبلها حد يعرفها
لا حول ولا قوة الا بالله

عندك حق

اقتباس:

---

المشاركة الأصلية كتبت بواسطة kok3

وجهه نظر يمكن متعجبكش بس هيا دي الحقيقه المره اللي لازم تتقبلها وتتعايش معاها يا ترحل وتخف العدد
بص يا كينج احنا ضيوف عند الناس دي اللي مش عاجباك يعني 80% من الشعب المصري اذا ما كانش اكتر تحت خط الفقر وتحت خط العلم وتحت خط كل الحاجات الطبيعيه هما كدا سميه فلح سميه جهل سميه تخلف سميه زي ما انت عايز هما كدا نتيجه طبيعيه ل 30 سنه من دوله الاستبداد فعملو لنفسهم عالمهم الخاص واغانيهم الخاصه وثقافتهم المختلفه عن حضرتك وحضرتي مش كفايه الدنيا طحناهم كمان حضرتك وحضرتي بنتأمر عليهم وعلي فنهم واغانيهم ومش عاجبنا طب تفتكر واحد طلع الدنيا لايملك غير الهدوم اللي عليه ولا علم ولا فلوس ولارعايه ولا اي حاجه مستقبل معدوم منتظر منه يسمع سلنديون ولا يسمع عمرو دياب حضرتك الناس دي بتغني كلام ميتفهمش للشعب هيعبر ازاي عن شخص معدم مستحيل علشان كدا مغنيين ال no ware منتشرين المغني من دول بيبقي ضارب نفس نوع البرشام اللي بيضربه المستمع فبالتالي فيه بينهم لغة حوار
واحب اهديك المقال دا بتاريخ النهادا في جريده التحرير بعنوان هاتي بوسه يا بت ههههههههه
هاتى بوسة يا بت - التحرير

---

انا متقبل اي حاجة يا فندم
بس اللي مضايقني من الموضوع لو نرجع بالزمن 4 سنين فاتو مكانتش الاغاني دي بتتسمع غير من توك توك ولا ميكروباص وبس
دلوقتي بتسمعها في كل حتة
- نادي
- فرح
- كافيه
- قهوة
- افتتاح
- عربية
- موتوسيكل صيني
- ده حتى في التليفزيون وكل الافلام واغلب المسلسلات لازم تسمع فيها القرف ده
الاغاني دي انتشرت بطريقة فظيعة وكلها بتتكلم عن المخدرات والحشيش
ايه اللي يجبرني اسمع حاجة زي دي غير اذا كان زوقي زي زوق سواقين التوك توك؟؟

هاتى بوسة يا بت - التحرير

هتركلكم قراية التعليقات :)

للاسف احنا في زمن المسخ
واللي الواحد بيسمعه ده مش فن ولا يمت لصله بالراب والاغاني الغربيه حتي العشوائيه لا من قريب ولا من بعيد
ده تلوث ضوضائي
انا مش هاحجر علي حد في اللي بيسمعه
بس المفروض لاضرر ولا ضرار يعني كل واحد يسمع علي قده...
المنتجين وبتوع البيزنس وصناعه السينما اتجهوا للنوع ده من الافلام لانه فعلا بيعبر عن الشعب( للاسف)
ولو كان الاغلبيه من الشعب مثقفه كان نوع الفن هايعبر عنها

ياباشا دا معمول عنهم أفلام تسجيلية بالعبيط ...

بيقولك أصل ده الـــ Under ground ودي زي بداية ال Hip hop هههههههههه

ماهو أنت مش هتقدر تقنع شاب فـ ثانوي مثلا أنه مايسمعش أغنية بتتكلم عن ( أنا أصلا جامد ) أو ( أنا عشتي حرام في حرام ) أو ( الدنيا خربانة ) ماهو طبيعي كل ده لازم يعجبه في السن ده ...

الغريب أن أورتيجا بيقولك إحنا اللي نضفنا الشعبي هههههههههه :ma:
.

اقتباس:

---

المشاركة الأصلية كتبت بواسطة graffittiii

ياباشا دا معمول عنهم أفلام تسجيلية بالعبيط ...

بيقولك أصل ده الـــ under ground ودي زي بداية ال hip hop هههههههههه

ماهو أنت مش هتقدر تقنع شاب فـ ثانوي مثلا أنه مايسمعش أغنية بتتكلم عن ( أنا أصلا جامد ) أو ( أنا عشتي حرام في حرام ) أو ( الدنيا خربانة ) ماهو طبيعي كل ده لازم يعجبه في السن ده ...

الغريب أن أورتيجا بيقولك إحنا اللي نضفنا الشعبي هههههههههه :ma:
.

---

الغريب والاغرب ان اورتيجا واوكا طلعوا في التليفزيون وبرامج التوك شو

وكمان حفلات في كل مكان

خلاص بقو نجوم

مش فاهم ازاي بصراحة ؟!!!

يعنى واحد اتولد واتربى فى منطقه المخدرات فيها بتتباع على باب بيته متوقعين يألف أغنيه شكلها ازاى ولا حيسمع ايه يعنى وديه فئه كبيره من الشعب و اكتر فئه مظلومه على فكره هوه معهوش امكانيات عشان يتعلم زى الناس اللى راكبه عربيات مكيفه وتقفل ازاز عربيتها من القرف اللى شغال
انا مش بقول انه فن بسمع منقعدش نحقر من ناس يا دوبك بتاكل وبتشرب بالعافيه وانت متضايق عشان وانت معدى جنبيهم بعربيتك بتتضايق
واذا كان فى ناس مستواها التعليمى مرتفع وبتسمع الاغانى برضه ديه مش مشكله الراجل اللى مالفها يعنى