مشكلة زيادة زيت المحرك --نيسان صني 2012

السلام عليكم جميعا

كل عام وانت بخير

اول امبارح وانا مسافر يوم الوقفة الصبح الي الاسكندرية كنت بظبط العربية عشان السفر ففتكرت موضوع "الطريقة الصحيحية للكشف على زيت المحرك"وقولت اطبقه دورت وسخنت ثم طفيت 10 دقائق وطبعا الارض مستوية ولكتي للاسف فوجئت بزيادة الزيت لغاية حرف h غير كدة لاحظت زي بلل بسيط او تعريق زيت فوق على الموتور من فوق( الاربع بوجيهات)...

طبعا واضح كدة ان ده بسبب زيادة الزيت مع العلم اني لسه حاطط ليكي مولي 10 الالاف من اسبوعين فقط في السبع واديتهم ال 3 لتر وانا داخل وكنت هسأل على الربع اللي فاضل وانا خارج بس قولت لحسن يفتكروك بخيل!

بس واضح كدة انهم حطوا ال3 لتر كلهم...

ما العمل في حاجة زي كدة خصوصا اني مسافر حاليا ومش في القاهرة عشان اروح السبع؟

حضرتك هتجيب خرطوم زي بتاع الهواء بتاع اسماك الزينة وتحطه بعد ماتشيل مقاس الزيت هتحطه في فتحة المقاس وتدخله بايدك علي قد ماتقدر والجزء اللي فاضل اللي طالع بره تقص منه بحيث ميكنش طويل اووي وتركب سرنجة 5 سم من غير السن بتاعها وتسحب الهواء الاول وتشيل السرنجة وتسد الخرطوم بصباعك تفضي الهواء اللي شيلته فالهواء وبعدين تشيل صباعك وتحط السرنجة وهكذا تكرر الخطوة اللي فاتت لغاية مايبتدي الزيت يطلع مكان الهواء وتشيل النسبة الزيادة وفكل مرة متنساش تسد فتحة الخرطوم بصباعك بعد ماتشيل السرنجة علشان الهواء لما يدخل هينزل الزيت تحت ومش هتعرف تسحبه وتفضي الزيت الزيادة في زجاجة او شيء وتقيس وتشوف المقاس اتظبط ولا لأ

عادى اول ما تسافر وتعمل مشوار طويل الزيت هيظبط تلقائى للتبخر
ويمكن الى هناك افتكر ان راكب فلتر جديد بقا عشان كده ممكن يكون حطه كله
او ممكن اقرب محطه يسحبلك منه ربع لتر وتخليه معاك وتكشف بعدها عليه

شكرا لكل اللي ردوا ولكن هل في خطورة او اي اثر جانبي يكون حصل؟؟؟ عشان لو كدة ارجع للسبع واتكلم عن الاخطاء المتكررة دي...

نصيحة لكل عضو حابب يلتزم بكمية الزيت اللى فى الكتالوج 2.7 لتر بالفلتر
يسلم 3 عبوات سعة واحد لتر من الزيت مع انقاص ربع لتر من احدهم قبل الذهاب للصيانة
لأنه بصراحة مفيش عامل او فنى فى اى توكيل هايظبط المعيار بالظبط حتى لو قولتله لأنه واخد على كده وانا طول عمرى باحط 3 لتر فى عربيتى صنى 2010 ووصلت دلوقت 70 الف كم وعادى جدااا

اقتباس:

---

المشاركة الأصلية كتبت بواسطة youssef.awad

نصيحة لكل عضو حابب يلتزم بكمية الزيت اللى فى الكتالوج 2.7 لتر بالفلتر
يسلم 3 عبوات سعة واحد لتر من الزيت مع انقاص ربع لتر من احدهم قبل الذهاب للصيانة
لأنه بصراحة مفيش عامل او فنى فى اى توكيل هايظبط المعيار بالظبط حتى لو قولتله لأنه واخد على كده وانا طول عمرى باحط 3 لتر فى عربيتى صنى 2010 ووصلت دلوقت 70 الف كم وعادى جدااا

---

عندك حق ..

بس بصراحة السبع ظبطلي المقياس بالمللي :b4_282:

يعني يا جماعة العربية كدة باظ حاجة فيها ولا لأ؟؟؟

اقتباس:

---

المشاركة الأصلية كتبت بواسطة abdo1100

يعني يا جماعة العربية كدة باظ حاجة فيها ولا لأ؟؟؟

---

لأ .. لكن المفروض نمشى على كتالوج العربية

صاحب الموضوع اطمن المره القادمه خلي بالك و انت بتزود متقلقش من 250 ملي ليتر زياده ثانيا الزيت الي فوق عند البوجيهات ده مش زيت زياده ده الفني و هو بيحط الزيت نزل شويه بره حوالين الغطا و دول بينزلوا حوالين البوجيهات متقتلقش نضفه بفوطه و مناديل كلينكس كويس قوي و فك غطاء الزيت الاسود و نضف حواله و اربطه كويس قوي و متقلقش و سافر و تروح و ترجعلنا بالف سلامه :)

اقتباس:

---

المشاركة الأصلية كتبت بواسطة fbiahmed

صاحب الموضوع اطمن المره القادمه خلي بالك و انت بتزود متقلقش من 250 ملي ليتر زياده ثانيا الزيت الي فوق عند البوجيهات ده مش زيت زياده ده الفني و هو بيحط الزيت نزل شويه بره حوالين الغطا و دول بينزلوا حوالين البوجيهات متقتلقش نضفه بفوطه و مناديل كلينكس كويس قوي و فك غطاء الزيت الاسود و نضف حواله و اربطه كويس قوي و متقلقش و سافر و تروح و ترجعلنا بالف سلامه :)

---

شكرا لردك الجميل وذوق حضرتك ومعلوماتك القيمة

اقتباس:

---

المشاركة الأصلية كتبت بواسطة windofchange

حضرتك هتجيب خرطوم زي بتاع الهواء بتاع اسماك الزينة وتحطه بعد ماتشيل مقاس الزيت هتحطه في فتحة المقاس وتدخله بايدك علي قد ماتقدر والجزء اللي فاضل اللي طالع بره تقص منه بحيث ميكنش طويل اووي وتركب سرنجة 5 سم من غير السن بتاعها وتسحب الهواء الاول وتشيل السرنجة وتسد الخرطوم بصباعك تفضي الهواء اللي شيلته فالهواء وبعدين تشيل صباعك وتحط السرنجة وهكذا تكرر الخطوة اللي فاتت لغاية مايبتدي الزيت يطلع مكان الهواء وتشيل النسبة الزيادة وفكل مرة متنساش تسد فتحة الخرطوم بصباعك بعد ماتشيل السرنجة علشان الهواء لما يدخل هينزل الزيت تحت ومش هتعرف تسحبه وتفضي الزيت الزيادة في زجاجة او شيء وتقيس وتشوف المقاس اتظبط ولا لأ

---

طيب علي فكرة الحكاية دي مجربة وسهل تعملها والمفروض نسأل وانا معاك ايه ضرر الزيت الزيادة علي البوجيهات والجوانات وكوتش الصباب فالموتور؟ انا اعرف ان لها ضرر وحكاية ان الزيت الزيادة هيتحرق والبوجيهات هتحرقه لكن البوجيهات عمرها هيقل لأنها مش المفروض تحرق زيت دي بتحرق بنزين وهواء مع بعض ولا ايه؟

اقتباس:

---

المشاركة الأصلية كتبت بواسطة windofchange

طيب علي فكرة الحكاية دي مجربة وسهل تعملها والمفروض نسأل وانا معاك ايه ضرر الزيت الزيادة علي البوجيهات والجوانات وكوتش الصباب فالموتور؟ انا اعرف ان لها ضرر وحكاية ان الزيت الزيادة هيتحرق والبوجيهات هتحرقه لكن البوجيهات عمرها هيقل لأنها مش المفروض تحرق زيت دي بتحرق بنزين وهواء مع بعض ولا ايه؟

---

يعني شايف اني اروح اتخانق مع السبع ولا اعمل شكوى؟ وهل اطالبهم بالكشف على البوجيهات؟

اقتباس:

---

المشاركة الأصلية كتبت بواسطة abdo1100

يعني شايف اني اروح اتخانق مع السبع ولا اعمل شكوى؟ وهل اطالبهم بالكشف على البوجيهات؟

---

تاني عمر مما الزيت هايعدي للبوجيهات الا لو كان المتور مفوت وده شئ بعيد و مستحيل ثانيا الضرر من موضوع زياده الزيت هو بوظان الزيت نفسه نتيجه وصوله من الكارتيره لعمود الكرنك فبيتقلب زي الخلاط و بيعمل حاجه اسمها فومنج و يبوظ و بعدين يؤؤثر على المتور و ده عشان يحصل محتاخح بتاع لتر و نص زياده مش 220 مللي ليتر

اقتباس:

---

المشاركة الأصلية كتبت بواسطة fbiahmed

تاني عمر مما الزيت هايعدي للبوجيهات الا لو كان المتور مفوت وده شئ بعيد و مستحيل ثانيا الضرر من موضوع زياده الزيت هو بوظان الزيت نفسه نتيجه وصوله من الكارتيره لعمود الكرنك فبيتقلب زي الخلاط و بيعمل حاجه اسمها فومنج و يبوظ و بعدين يؤؤثر على المتور و ده عشان يحصل محتاخح بتاع لتر و نص زياده مش 220 مللي ليتر

---

جزاك الله كل خير على ردودك العلمية والمؤكدة

فعلا زكاة العلم نشره...



سؤال جانبي بره الموضوع :

عاوز افهم كيفية عمل تكييف السيارة عشان افهم حاجات معينة زي (انهي سرعة مروحة ياكل بنزين اكتر / انهي سرعة عربية تخلي التكييف ميكلش بنزين/ لو فاتح التكييف مروحة بس ياكل بردو بنزي/لو في الشتاء مشغله سخن ياكل بردو بنزين/مش مركب فلتر ولكني مش بجيب هواء من برا العربية في خطورة على التكييف؟ وهكذا)
دورت كويس في المنتدي والفهرس العام ملقتش حاجة بتشرحه بالتفصيل ده,,, هل ممكن اعمل موضوع جديد وحضرتك تجاوبني فيه عشان الفايدة تعم للجميع؟