ماهى تجربتك مع المستعمل ؟؟؟

**M_HaFeZ** · 09-07-2008 11:23 AM

المشاركة الأصلية كتبت بواسطة Abdo_Eldesokey

أو تجربة ليا مع المستعمل تويوتا كورولا 2003 ... كان قبلها 128 مو 97 زيرو

والصراحة تجربة سيئة للغاية ... العربية من برة وجوه عروسة وفابريقة وكل الكلام التعبان بتاع السوق المصري وماشية 37 ألف كيلو بس ...

المهم العربية بعد ما مشيت بيها شوية فتحت بقها ... العفشة سيئة للغاية ومتهانة ع الآخر ... وكل يومين تلاتة تصرفلها 500 جنيه لحد ما صرفت عليها 4000 جنيه خلاص شهرين ... ربنا يهديها

طيب ممكن حضرتك توضح اكتر المشاكل اللى حصلت
موديل 2003 وكورلا اللى سمعتها ممتازه فى السوق
وكمان 37 الف كيلو ..؟؟
انا باستفتسر مش باشكك فى كلامك والله

**amr_elrashidy** · 09-07-2008 11:37 AM

المشاركة الأصلية كتبت بواسطة Abdo_Eldesokey

أو تجربة ليا مع المستعمل تويوتا كورولا 2003 ... كان قبلها 128 مو 97 زيرو

والصراحة تجربة سيئة للغاية ... العربية من برة وجوه عروسة وفابريقة وكل الكلام التعبان بتاع السوق المصري وماشية 37 ألف كيلو بس ...

المهم العربية بعد ما مشيت بيها شوية فتحت بقها ... العفشة سيئة للغاية ومتهانة ع الآخر ... وكل يومين تلاتة تصرفلها 500 جنيه لحد ما صرفت عليها 4000 جنيه خلاص شهرين ... ربنا يهديها

لو حضرتك شارى من حد متعرفوش..ممكن اوى اوى يكون مظبط العداد ..و عالفكرة التجار بتعمل بلاوى فى العربيات..ممكن اوى تكون متهانة و طلعان عين اللى جابوها بس فابريقة بره و جوه و ده اساس شغلهم

**amr_elrashidy** · 09-07-2008 11:50 AM

انا تجاربى مع المستعمل كتير الحقيقة..اولهم فيليشيا..فابريقة بره و جوه و 44 الف كم و مفهاش الهوا..غيرتلها جوز طنابير و تيل و بقت تمام..شهر بالظبط لقيت عفشتها زى الزفت و ناشفة و تقيلة و منيلة بنيلة..بعتها و خسرت 2000ج
التانية لانوس 99 نازلة لمهندس فى شركة دايو مخصوص..كان فيها كل حاجه ممكن تتخيلها حتى الابانوس اصلى و الستارة الكهرباء اصلى..حالتها ممتازة..بعد 8 شهور تقريبا الفرامل بتاعتها كانت مجننانى و استهلاكها فى البنزين عالى ..بعتها و مخسرتش نكلة
لانسر 96 اوتوماتيك فابريقة بره و جوه..زى الفل..مفهاش الهوا فعلا..شوية و غيرتلها جوز مساعدين قدام و لكن العربية كانت بحالتها فعلا..دى كانت احسن عربية جبتها..بعد فترة اتزنقت فى الفلوس قلت ابيع و اصغر العربية شوية..جبت تويوتا ستارلت 93
راشة بره(مع انى بتخنق من العربية اللى مش فابريقة) لبست تمام بقى فى العربية دى
مع انها كانت واقفة على حيلها اوى و شكلها محترم..بعد فترة اكتشفت انها عاوزة 4 مساعدين و بلية فتيس و علبة الدركسيون كانت بتشاور عقلها(قطع غيارها اغلبها استعمال و غالية) طبعا كام شهر و قلبت ابوها..دلوقت معايا كيا بيكانتو..جبتها و انا عارف انها عاوزة اويلسيل كرنك..المهم عالبال ماحليت المشكلة بتاعة الكرنك دى كنت دفعتلى حوالى 2000..بس بصراحة عربية لحد دلوقت ممتازة و انا متسمك بيها على الرغم من كل اللى ركبته ده لكن دى عربية لذيذة و موفرة اوى فى البنزين و يمكن ده اللى مخلينى قافش فيها...من الاخر الزيرو زيرووووووووو فعلا..ربنا يعطينا و يرزقنا

**tamim** · 09-07-2008 12:17 PM

انا بقى اركب زيرو ان شاء الله تكون عجلة

**MMamdouh** · 09-07-2008 12:34 PM

المستعمل بيبقى حالة مش موديل... ممكن عربية موديل 2006 و تبقى كنبة لانها كانت بتتاجر و عربية موديل 2000 و ريحة لفابريكة لسة فيها

MMamdouh

**Abdo_Eldesokey** · 09-07-2008 01:18 PM

المشاركة الأصلية كتبت بواسطة M_HaFeZ

طيب ممكن حضرتك توضح اكتر المشاكل اللى حصلت
موديل 2003 وكورلا اللى سمعتها ممتازه فى السوق
وكمان 37 الف كيلو ..؟؟
انا باستفتسر مش باشكك فى كلامك والله

يا باشا عادي خالص

بص عشان أجبلك من الآخر رحت التوكيل يكشفوا على العربية بس ... طلعولي فيها التالي
- الأربع طنابير بتوع الفرامل عايزين يتغيروا
- صرة عجلة أمامي شمال
- بيضة اسكترا
- بلي عجل أمامي

زي ما يكون العربية كان بيتفحط بيها

إلى جانب صوت طقطقة مع الفرامل عملت معاه كل حاجة ومفيش فايدة

لو هتشتري مستعمل ... اكشف عند التوكيل ... هما بيستلأفوا ... لو لقوا حاجة فيها خدش بس هيقلك غير على طول ... وكله في صالحك طبعا ً

**Abdo_Eldesokey** · 09-07-2008 01:20 PM

المشاركة الأصلية كتبت بواسطة amr_elrashidy

لو حضرتك شارى من حد متعرفوش..ممكن اوى اوى يكون مظبط العداد ..و عالفكرة التجار بتعمل بلاوى فى العربيات..ممكن اوى تكون متهانة و طلعان عين اللى جابوها بس فابريقة بره و جوه و ده اساس شغلهم

الموضوع مش عداد يا باشا ... انا شاريها من مالكها الأول ...

المشكلة إنه كان مهمل في صيانتها ... ودي تفرق كتير أوي في العربية

**M_HaFeZ** · 13-07-2008 11:57 AM

ماهو اللى يغيظ تلاقى واحد او واحده معاه عربيه زيرو ممتازه ومهمل فى كل حاجه
صيانه مش فى ميعادها .. مبيكشفش على الزيت ولما يحتاج زيت بعد مايكون لونه اسود يجيب حاجه رخيصه وطبعا تلاقى العربيه متهانه اوى
شفت عربيه لانوس 2003 مع واحده بجد فى عربيات موديلات التسعينات والتمانينات حالتها احسن بمراحل
العفشه بايطه .. الابواب متنيله بنيله
حاجه تفقع

**mo3tazelgamal** · 13-07-2008 08:41 PM

أنا كنت أشتريت سيينا 1400 موديل 2003 فى سنه 2005 ماشيه 37 ألف الحاله الخارجيه ممتازة شويه خبطات صغيرة على الماشى
داخليا أكتر من ممتازة
ميكانيكا معقوله يعنى خلال سنه ونصف أستعمال غيرت طقم دبرياج وجوان غطا التكيهات وتيل فرامل أمامى وكوبلن شمال وعملت صيانه 40ألف بتغيير سيور وبليه شداد
مشكله العربيه دى فى كهربتها الزجاج الأمامى يمين ساعات يقل عقله وتلاقيه يطلع ببطئ شديد مع صوت تكتكه ,فى التوكيل فك وشاف ويا دوب Wd-40وبس
السنتر لوقفلت بالمفتاح من ناحيه السائق -باب السائق فقط إللى يقفل والباقى لأ وطبعا فى الفتح نفس النظام _ الريموت (الأصلى) شغال تمام داخوا فيها وملهاش حل عندهم خصوصا أن الموضوع دة بغزاله يعنى شويه أة وشويه لأ.
بعد سنه ونص بعتها علشان لاقيت فيها حته بارومه فى الباب الخلفى و لاحظت أن فيه سيينا كتير فيها بارومه فى نفس المكان تقريبا وفى كتير غريبه زى الكابوت والسقف فقلت لأ أحلق نفسك وبعها
والحمد لله قلت كل عيوبها للمشترى

الموضوع: ماهى تجربتك مع المستعمل ؟؟؟

LinkBack

أدوات الموضوع

عرض

-

-

-

-

-

المواضيع المتشابهه

هل فعلا الزيرو افضل من المستعمل؟ المفاجأة!!! لماذا المستعمل افضل في مصر؟؟

تجربتك مع المطبات

تحذير للاعضاء::"قصتي مع نصابين المستعمل" =ماتقولش فلوس الكشف على المستعمل كتير

شركـــات التـأمين ! اضف تجربتك !

ماهى خطورة التوكيل عند شراء المستعمل ؟

الكلمات الدلالية لهذا الموضوع

المفضلات

المفضلات

ضوابط المشاركة