-
الأستلام بالسعر القديم انا الحمد لله استلمت بالسعر القديم وهو 55900 للالتو 1100 بجميع الكماليات بس لسة مستلمتش الورق الخاص بها لأن دفتر الضمان لسة حيجي الأحد القادم وتقريبا انا استلمت بدري لان في حد رجع في كلامه ورجع العربية فسلموها للبعدوه وهما قالو ان المرة القادمه للتسليم سوف تكون بعد 3 اسابيع تقريبا وعلى فكره العربية مطلعش معاه الا استبن من غير طاسة وكوريك تعبان ماعتقدش ان يرفع عجلة ومش عارفة اهي هيه شنطة العده دي لانها مش موجوده هو فتح الكرتونه وكان فيها الكتالوج والكوريك بس حتى المفاتيح من غير مدلية والبطاريه اختلفو عليها هي جافه ولا عادية معلش انا كنت مشغول جدا ويدوب ركنتها وغطتها لغاية اما ربنا يسهل وارخصها لاني مش عارف الرخصة تكلف كام لو حد يعرف يقول اسف على الأطالة
-
اعمل حسابك على 400 جنية تقريبا و الف الف مبروك و ربنا يعطيك خيرها و يكفيك شرها
-
يا جماعة حد استلم ال 800 Cc
احنا حاجزين من يجي 3 شهور
و باكلمهم النهارده بيقولولي كمان اسبوعين
حاجه تحرق الدم
انا حاجز في فرع الدقي
يا ريت لو حد استلم يعرفنا علشان يبقي كده الموضوع فيه لعب مش سليم و يبقي نهارهم مش فايت بقي
اسف ..
تحياتي
-
حاجز من 3 شهور؟؟
عربية تغلى 4000 جنيه مرة واحدة؟ :unhappy4:
هو فيه ايه بيحصل بالظبط؟ :004:
-
والله يا ستي انا دمي اتحرق انا بادفع قسط العربية للبنك قبل ما استلم
مش عارف يا ريت لو حد استلم الاسبوع ده او اللي قبله يقولنا علشان انا فعلا شايط وعايز اعرف بيحصل ايه مع الناس الغريبة دي
الراجل اكلمه يوم الاثنين اللي قبل اللي فات يقولي حضرتك اسمك قدامي و هاتستلم اول الاسبوع الجاي
اتصل امبارح يقولي اسبوعين 10 ايام
و اتصل النهارده يقولي كمان اسبوع
انا مش فاهم حاجه بجد
ولو حد معاه نمرة الادارة بتاعة التوكيل ده يا ريت يقولنا علشان الظاهر ان بتوع المعرض دول أي كلام ومش فاهمين اي حاجه ...
-
يا جماعة إظاهر كنتو تضحو بألف زيادة وتستلمو فوري من المزعين وخلاص . . ولا وجع قلب:2guns:
-
سؤال برا الموضوع بفتح الوسيط بلاقي هيونداي فرنا واكسنت بالهبل موديلات حديثة للبيع والسعر أقل من سعر الالتو 1100 وطبعا دول 1500 1600 cc ، ده غير الفيات سيينا بمبلغ 45 ألف وده سعر مغري دي الاتو 800 بالتكييف بس ب 49 .. الواحد محتار يا ترى بيبيعو ليه .... هل لان الماتور في السيارات دي مش انجكشن .. واللا عايزين يطورو بموديلات فارهة زي الانترا والتيوتا كورولا والاوكتافيا .. أنا جاهلة في السيارات تماما ولولا خوفي لأتخم لكنت اشتريت مستعمل وخلاص.. أ/ زلباني إيه رأيك
دردشة لحد ما العربية تييجي :driving::beta1::jiggy:
-
هاااااااااااااااااااااااا ااااااااااااااااااااااااا نت
-
د حسام الزلبانى انت حاجز منين ؟؟ توكيل سوزوكى و لا معرض ؟؟
-
بصي يا استاذة ألتوهايا :d
انا رأيي من البداية لو فيه سيولة مادية انك تجيبي مستعمل كاش بس يكون حديث و حالته نضيفة يبقي احسن من تقسيط جديد. بس خدي بالك من كلمة مستعمل جديد علشان العربيات القديمة زي ال128 و أمثالها عربيات اتعملت علشان الكهربائي والميكانيكي والعفشجي و اتباعهم بشتغلوا ويسترزقو
ده علي الرغم من ان العربية الزيرو ليها ميزتها طبعا ولو كانت شانا بيني ولاشيريqq مش ألتو كمان، كفاية انك اول حد يركبها.
هي المعادلة ممكن نقولها كالتالي
سيولة غيركافية + ضروف مش محتاجة عربية كبيرة = جديد صغير "ألتو يعني معقولة للناس دي"
سيولة كافية + رغبة في حجم عربية أكبر= مستعمل حديث
تحياتي
Content Relevant URLs by
vBSEO 3.6.0 PL2