الموضوع: بيقلك السيراتوا 2010 بقت ب 80 الف :(

مين اللى قال لحضرتك كده ؟!! معرض ولا ايه السعر ده سعر تجار لانه عاوز يكسب فيها طبعا , بص حضرتك فى مواقع كتير زى كونتاكت و نايل موتورز الجديد و فابريكه عليهم عربيات كتير زيها و ممكن تشوف رينجات الاسعار , ال2010 الفابريكه بره و حوه و حالتها كويسه بتبقى على الاقل ب 90 الف و انت طالع , تحت ال90 بيكون فيها حاجه او خبطه راشه فيها و حالتها بتكون مش قد كده

المشاركة الأصلية كتبت بواسطة temo85

مين اللى قال لحضرتك كده ؟!! معرض ولا ايه السعر ده سعر تجار لانه عاوز يكسب فيها طبعا , بص حضرتك فى مواقع كتير زى كونتاكت و نايل موتورز الجديد و فابريكه عليهم عربيات كتير زيها و ممكن تشوف رينجات الاسعار , ال2010 الفابريكه بره و حوه و حالتها كويسه بتبقى على الاقل ب 90 الف و انت طالع , تحت ال90 بيكون فيها حاجه او خبطه راشه فيها و حالتها بتكون مش قد كده

:( انا شفت السعر ده في الوسيط و كونتاكت كار ... و لما اتكلمت مع ناس كل ما كلم واحد بضرب كف على كف ... بيحسسني انها صندوق زبالة ...

ممكن تحضرتك تبص ع الموضوع ده

http://www.nilemotors.net/Nile/29714...post3874407876

ربنا يخليك يا ابو ليلي طول عمرك راجل ذوق و كل سنة و انتا طيب ...

انا كنت بفكر اخليها كمان سنة ولا اتنين ... تعتقد حتنزل اكتر من كدة ؟ ولا بيقلك زي اللانوس تخسر عشرة اول سنة و بعدين 2 او 3 الف بالكتير كل سنة لو مشرحة ...

يعني كمان سنة او سنتين ابيع ب ال 85 ديه برضه ؟ ولا مفيش الكلام ده حتوصل ل 60 ؟ نص سعرها لما كانت جديدة يعني ؟ :(

المشاركة الأصلية كتبت بواسطة Deshahcoka

ربنا يخليك يا ابو ليلي طول عمرك راجل ذوق و كل سنة و انتا طيب ...

انا كنت بفكر اخليها كمان سنة ولا اتنين ... تعتقد حتنزل اكتر من كدة ؟ ولا بيقلك زي اللانوس تخسر عشرة اول سنة و بعدين 2 او 3 الف بالكتير كل سنة لو مشرحة ...

يعني كمان سنة او سنتين ابيع ب ال 85 ديه برضه ؟ ولا مفيش الكلام ده حتوصل ل 60 ؟ نص سعرها لما كانت جديدة يعني ؟ :(

حتوصل 60 اكيد لا مفيش حاجه اسمها كده و خد بالك ان دايما اللى بيشترى بيخسف بالعربية الارض رأى الشخصى لو العربية وكيل وفى الضمان خليها لحد ما الضمان يخلص انت اولى بالضمان و مزاياه لو بعت عشان الضمان يعلى العربية و تتباع اسهل بتكون عامل زى اللى بيركب فرش للعربية من جوه عشان لما يبيع يكون فرش الفابريكه كويس و نظيف و اللى ياخدها بعدك هو اللى يستمتع بيه !! انت اللى دافع الفلوس و تعبان و شقيان فيها يبقى استمتع بكل جنيه دفعته و ساعه البيع يحلها حلال و زى ما قلت لحضرتك النت مليان تجار ممكن تعرف منه بس متوسط الاسعار لكن مش مقياس حقيقي و متبعش لتاجر عشان هيخسف بيها الارض , انا موتى و سمى تجار السيارات المستعمله دول انا ممكن ادلق بنزين على العربية و اولع فيها لكن مديهاش لتاجر لما تبيع بيع لشخص عادى عاوز ياخد العربية عشان يركبها مش عشان ينصب عليك و حلاص