جيب 2011 وبفكر اقلبها غاز

**Hussein_Ramdan** · 27-10-2012 12:59 PM

ازيكو يا شباب
انا كنت اعد معا جماعة اصاحبىى انبارح وبنتكلم على العربيات والحاجات دى قلو ليا على فاكرة شركات الغاز نزلت حاجات جديدة فى الغاز
بيعالج ضعف سحب العربية وكمان مش بدمر الماتور
زاى ما ماهو معرف عن الغاز ان بيقلل السحب وكمان بيقذف عمر الماتور
الصراحة انا قولت اجى هنا فى بيتى اوسئل الناس
اية رئيكو انا معايا جيب رنجلر 2011
هل ممكن اقلبها غاز
ولاة حرام ابوظ العربية
انا عاير اعرفكم حاجة انا الصفيحة عندى بتعمل مش اكتر من 110 الى 120 كيلو
يعنى انا مرفوع فى البنزين
وكمان هعمل اية لو البنزين غلى

**zangry** · 27-10-2012 03:06 PM

انا رأيي انك تبيع العربية :d

**Mohab.Nabil** · 27-10-2012 03:47 PM

انا رأى فعلا برضه انك تبيع العربية قبل ما قرار البنزين يطلع لأن سعرها هينزل جامد بعد القرار و ممكن تفكر فى حاجة 4x4 بس موتور صغير و تضحى بالقوة .. معلش دا بقى حال البلد

**semi** · 27-10-2012 04:22 PM

الحكومة والرئيس نفسه لمح ان الدعم هيتعدل للطاقة كلها
فأحتمال مثلا يبقى بنظام الكوبونات وفي الحالة دي انت عربيتك مش هيكفيها اي كمية
لانها فعلا بلاعة بنزين
فانت بعها اضمنلك لان لو حصل فعلا الكلام ده عربيتك تمنها هينزل في المستعمل جامد
موضوع الغاز المعروف فعلا من سواقين التاكسي ان سحبه ضعيف وبتضطر تعمل نص عمرة كل فترة

**Mamoud salah H** · 27-10-2012 04:48 PM

بيعها واركب بي ام 316 او 318

**monamize4** · 27-10-2012 05:35 PM

خسارة انك تلعب ف عربية زى دى و خصوصا انها 2011 ,,,و صعب جدا لكن مش مستحيل انك تبيعها لانها عربية مزاج مش اى حد يقدرها و خصوصا ف ازمة البنزين اللى احنا فيها فا هتخسر فيها كتيييير
يعنى لو ظروفك مرتاحة خلى العربية معاك احسن و خليها للمناسبات بس او لما تكون رايق غير كدة بيع و ربنا ان شاء الله يعوضك خير

**Mohab.Nabil** · 27-10-2012 05:38 PM

المشاركة الأصلية كتبت بواسطة mamoud salah h

بيعها واركب بي ام 316 او 318

اظن انه كان معاه 320 و مكانتش مناسبة لظروفه فى الشوارع و كده عشان واطية على الارض فباعها و جاب الرانجلر

**Ahmed_Adham** · 27-10-2012 06:43 PM

بغض النظر عن السحب وعمر الموتور خد بالك ان تانك الغاز مش بيعملو كيلومتر كتير فتضطر تمون عدد مرات أكتر وتضيع وقت في الوصول للمحطات اللي فيها غاز والوقوف في طوابير مع بتوع التاكسي. ولو اضريت تسافر لأى محافظه هتلاقي محطه غاز واحده تقريب فى كل محافظه وده هيضيعلك وقت كتير في السفر ده غير انه هيلغيلك شنطه العربيه تقريبا.