الموضوع: مشكلتى المستمرة مع فيوز الكهرباء

المشاركة الأصلية كتبت بواسطة mohamed.fawzy

كلامك صح يا محمد باشا ... بس ساعات الفيوز المضروب بيفصل لوحده .... حصلت معايا قبل كده و الله .... تقريبا بيبقوا كاتبين عليه امبير اى كلام

ايوة بس بلا نمشى فى سكة اننا ندور على الفيوز الاصلى وننسى السبب الرئيسى ، انا قعدت فى مشكلة مشابهة بتاع سنة ، و كنت مقتنع انى اول لما الاقى فيوز اصلى حتتحل المشكلة ، لكنها كانت بتتفاقم ، خصوصا ان الفيوز لما باحط واحد تانى بيضرب و بعد كدة واحد مختلف فى مكان مختلف هو اللى ضرب ، و اتعذبت و كانت العربية كلها لا تتحرك ساعتها و ناهيك عن المشاكل السخيفة فى الحر و الزحمة ، و التوكيل هو الى اكتشف ان المشكلة فى النهاية كانت ان فى جزء فى الضفيرة عامل قفلة و مكانها كان فى اسفل الراكب بجوار السائق ، بيكون فى بعض الاحيان بسبب عمل بعض التوصيلات فى هذا المكان و عدم تثبيت الضفيرة بشكل سليم كما كانت فى هذا المكان تحديدا و مع الضغط عليها بالرجل على مدار الايام بيحصل ان العزل الخارجى يتهتك و بالتالى بيحصل تلامس بين احد الاسلاك و بين جسم العربية او بين سلك اخر ، التوكيل ساعتها اخد 120 جنيه ، و يومين سايب عندهم العربية علشان لما يكشفوا عليها ، و فى يوم استلامى ليها كان فيه احد الزملاء فى المنتدى كتب حل هذه المشكلة على المنتدى ، لكن للاسف بعد ما كنت استلمت العربية

فى حالة صاحب المشاركة ممكن يكون السبب فى قفلة فى مكان اخر، زى ما محمد ممدوح قال ، مفيش فيوز بيضرب بدون سبب ، بنسبة كبيرة قوى لازم يكون فيه قفلة فى مكان ما فى الضفيرة، الغلاسة بقى ان صاحب المشكلة لازم يراجع بنفسة على كل شغل الكهرباء ـ او مسار اى سلوك اضافية ،

طيب علشان اراجع الضفيرة و شغل الكهرباء علشان اعرف مكان القفلة اعملها ازاى طالما ان القفلة ممكن تكون فى حتة من ضفيرة هل من طريقة

المشاركة الأصلية كتبت بواسطة mohamed.fawzy

لو بتجيب فيوزات صينى .... يبقى قبل ما تعمل اى حاجه هات فيوز اصلى و جرب الأول

انا فيوز التكييف كان مجننى فى الانوس برضه و المشكله متحلتش الا لما جبت فيوز اصلى ... و رحت مغير الفيوزات كلها بفيوزات اصليه و ريحت دماغى ... و اللى بتنزل فى العربيه صينى برضه

الأصلى كنت جايبهم من محل مشهور قوى فى شارع محمد محمود قبل سنترال الفلكى ... بيتباع بالواحد ... و الواحد على ما اتذكر كان ب جنيه و ربع ... و صناعه ايطالى

فعلاً الفيوزات الإيطالي و الألماني محترمة بعكس الصيني اللي بيركبوه مكان أي فيوز وبيتباعوا بالواحد من جنيه وربع الي اتنين جنيه
ابعد عن الصيني

المشاركة الأصلية كتبت بواسطة tarek_2005

لو بصيت علي الديجرام ده والفيوز المعلم عليه بالمربع الاسود
غالباً كدا كتاوت طرمبة البنزين تالف وعايزة تتغير مش الطرمبة الكتاوت وده في علبة الفيوزات الي في الحوض وممكن للتجربة تستبدله بكتاوت النور مؤقتاً لو ضرب فيوز النور يبقي الكتاوت تالف ومحتاج تغييير فوري

فعلا انا سمعت الن الفيوز دة لية علاقة بالطرمية البنزين بس من كلام حضرتك انة ممكن يكون كتاوت الطرمية مش الموتور بتاع الطرمبة طيب ان ممكن اجرب انى اغير الكتاوت بتاع الطرمبة بس ممكن حضرتك تقولى مكان فين بالظبط يعنى الكتاوت ده فى حوض العربية و لا مكانة مع طرمبة البنزين و لو فى شرح بالصورة او كلامى هيكون افضل بكثير

شكرا لك و اسف على الاطالة