اولا حضرتك لازم تعرف ازاى تكشف على الفيوزات بنفسك، الفيوز بيبان انه محروق لو مسكته و بصيت عليه من الجنب حتلاقي الموصل على شكل حرف u لو مقطوع من جوه و مش متصل يبقى كده محروق لازم يبقى متصل، تانى حاجه كل فيوز معروف هو بتاع ايه من مجرد النظر لغطاء علبه الفيوزات سواء اللى جوه او بره العربيه حتحتاج الموضوع ده عشان لو معكش فيوزات تستبدله بفيوز من الحجات اللى ممكن تستغنى عنها موقتا لحد ما تشترى فيوز.
انا حفترض انك ببتكلم عن علبه الفيوزات اللى جوه العربيه اللى بتبقى جنب رجلك الشمال
رابع فيوز من تحت يمين ده f17 ده فيوز للكنترول فعلا بس مع الكونتاكت (بيبقى فيه فيوز تانى للكنترول مباشر من البطارية بس مش اللى انت قايل علية ده) و اعتقد انه لما كان بيضرب معاك و كنت بتحاول تدور العربيه كنت بتلاقى ان لمبه التشيك مش بتنور و انت فاتح الكونتاكت و مش بتسمع صوت الطلمبه
الطرف ده لونه احمر ساده ماشى من علبه الفيوزات و راجع وراء شويه و بعدبن معدى من تحت كرسى السواق و بعدين من تحت الكونسوله و وبعدين معدى من تحت الكرسى اليمين و منتهى بفيشه فى جنب اليمين للكرسى اليمين و منها الى الكنترول
لو الفيوز كل شويه بيضرب يبقى لازم تراجع على الطرف ده كويس من اوله لاخره و تبدا بالاجزاء اللى ظاهرة الاول و ملقتش فيها اى مشكله او تلميس مع الرضى يبقى حتضطر تفكك الكرسيين و الكونسوله و تراجه الطرف ده كويس من اوله لاخره طبعا لو الكوضو بيتكرر معاك دايما و اياك و تشعير الفيوز لانه ممكن يسيحلك السلك و حتلاقيه لصق فى الاسلاك اللى جنبه فى الضفيره و الدنيا حتبوظ خالص
الفيوز التانى اللى بتقول انه ضرب معاك و هو رابع فيوز من تحت شمال ده ملوش علاقه بالكارته خالص ده بتاع نور الفرامل الخلفى و ميخليش العربيه تبطل ابدا، فيوز الكنترول التانى ده هو سادس فيوز من تحت شمال،
المفضلات