انا عندي رجه (نتشه) في ال128 لما تكون العربيه ماشيه ع التالت او الرابع يعني بحس ان العربيه بتترج مني لوحدها كده وانا ماشي ع السرعه ده يا ترا ايه الحل؟
و شكرا
عرض للطباعة
انا عندي رجه (نتشه) في ال128 لما تكون العربيه ماشيه ع التالت او الرابع يعني بحس ان العربيه بتترج مني لوحدها كده وانا ماشي ع السرعه ده يا ترا ايه الحل؟
و شكرا
لو الرجرجة من الموتور اكشف على قواعد الموتور ، لو لقيتها سليمة اكشف على البوجيات و طاقم سلك البوجيهات وووش الاسبراتير
اما لو الرجرجة من العجلات فاكشف على العفشة ، واعمل ترصيص للعجلات
شكرا يا بشمهندس سبعاوي معلش اصل انا لسه جايب العربيه وكل شويه ألاقي فيها حاجه تحصل مشعجباني
لأ هي الرجه مش من العجلات على ما أظن
وانا سايق أحيانا بحط ايدي ع الفتيس بحس بالنتشه ده في دراع الفتيس كمان مشعارف ده ممكن يكون ايه
وربنا يبارك فيك وفي منتدانا الجميل ده
غير المكثف (الكوندنثر) الى راكب جوه الأسبراتير هوه الى بيعمل الحركة ديه لما بيبوظ
السلام عليكم يا جماعه
انا فعلا غيرت المكثف اللي في الاسبراتير و كمان الأبلاتين بس لسه النتشه ده موجوده وانا ماشي ع التالت او الرابع
الميكانيكي بيقولي غير الأسبراتير كله علشان وحش
يا ترا ايه رأيكم
ياريت سرعة الرد
اشكركم
طيب هو حضرتك بتحط بنزين كام و هى كانت ماشية على بنزين كام؟؟
يمكن النتش ده او الرجرجة بسبب البنزين اللى بقي مضروب اليومين دول
هو فعلا غير الأبلاتين و الكوندينسور و قالي الأسبراتير فيه بوش فهل كده كلامه صح وأغيره ولا ايه
بالنسبه للبنزين انا بحط 80و اكيد ده عادي بالنسبه للعربيه ده
ارجو النصيحه
يااااه يا جماعه مفيش حد عنده فكره ولا ايه
أرجو النصيحه
شكرا يا جماعه
العيب طلع من الموبينه