أسئلة هامة عن نيسان صني 2013 سوبر صالون قبل الاستلام

السلام عليكم ورحمة الله وبركاته

جزاكم الله خيراً على المعلومات إللي بتقدموها

أنا متابعكم من فترة كبيرة بدون مشاركة .. وده لأني كنت عايز أجيب نيسان بإذن الله

كنت عايز أسأل كام سؤال:

1) بخصوص موضوع المايك إللي في وسط العربية في السوبر صالون .. ده بيستخدم في إيه تحديداً؟
2) لازم أستلم كام ضمان من التوكيل وأنا بستلم العربية؟
3) ممكن حد يقولي على نمرة وعنوان مكان موثوق إديله العرببة بالكاوتش الماكسيس .. يديني مكانهم 5 بريدجستون أو أي ماركة نضيفة .. وهديله الفرد كلها Zero يدوب مسافة مروحله بالعربية؟ وكمان يعمل الترصيص والزوايا والحاجات إللي بتتعمل للكاوتش كلها قبل مستلمها منه؟

جزاكم الله خيراً

المايك ده علشان لما توصل الموبايل بالكاسيت عن طريق البلوتوث ممكن تستقبل مكالملت او تتصل وسماعات العربية هي كانها سماعات الموبايل والمايك اللى فوق ده هو اللى بتتكلم فيه :)
لكن النقطة 2 و 3 ماقدرش افيدك فيها الصراحة
والف مبرووك مقدما
بس كنت عايز استفسر من حضرتك انتا حاجزها منين وهتستلم امتى ان شاء الله ؟؟
تحياتى

اهلا بيك يا استاذ عبد المنعم فى قسم نيسان وكل سنة وانت طيب وعيد سعيد عليك وع الاسرة جميعا ..

1. المايك .. ده خاص بالتحدث فى التليفون بعد ربطه ببلوتوث العربية الموجود فى فئة السوبر صالون فقط .

2. حضرتك هاتستلم كتيب ضمان العربية (100.000كم/3 سنوات) + ضمان البطارية الكلورايد + ضمان الكاسيت

3. بصراحة فيه كذا موضوع موجودين فى القسم من فترة بخصوص استبدال الكاوتش الماكسيس بنوعية اخرى وفيه اعضاء قاموا بالعملية دى وكاتبين تفاصيل تجربتهم وممكن حضرتك تتواصل معاهم ع الخاص لمعرفة المكان ورقم التليفون وغيرها من المعلومات ..
لكن الموضوع نفسه هايكون مكلف لأن اعلى سعر للماكسيس حتى لو خدت العربية من المعرض لمحل الكاوتش على ونش مش هايوصل 1000ج لأنه نوعية رخيصة فى السوق والبريدجستون اقل طقم فيه هايعمل سعر 1800 ج .. فحضرتك هاتدفع فرق مش اقل من 800ج .

مبروك مقدما وعقبالنا
على حد علمى فية ضمان للعربية وضمان للكاسيت وضمان للبطارية والله اعلى واعلم

اقتباس:

---

المشاركة الأصلية كتبت بواسطة mahmoud magdy

المايك ده علشان لما توصل الموبايل بالكاسيت عن طريق البلوتوث ممكن تستقبل مكالملت او تتصل وسماعات العربية هي كانها سماعات الموبايل والمايك اللى فوق ده هو اللى بتتكلم فيه :)
لكن النقطة 2 و 3 ماقدرش افيدك فيها الصراحة
والف مبرووك مقدما
بس كنت عايز استفسر من حضرتك انتا حاجزها منين وهتستلم امتى ان شاء الله ؟؟
تحياتى

---

جزاك الله خيراً يا أخ محمود

بالنسبة لموضوع الحجز .. أنا حجزها في نيسان أوتوإيجيبت إللي في مدينة نصر في الحي الثامن

وقالي إن الاستلام بعد مدة أقصاها شهرين بإذن الله وإداني إيصال بده ... والله أعلم

اقتباس:

---

المشاركة الأصلية كتبت بواسطة youssef.awad

اهلا بيك يا استاذ عبد المنعم فى قسم نيسان وكل سنة وانت طيب وعيد سعيد عليك وع الاسرة جميعا ..

1. المايك .. ده خاص بالتحدث فى التليفون بعد ربطه ببلوتوث العربية الموجود فى فئة السوبر صالون فقط .

2. حضرتك هاتستلم كتيب ضمان العربية (100.000كم/3 سنوات) + ضمان البطارية الكلورايد + ضمان الكاسيت

3. بصراحة فيه كذا موضوع موجودين فى القسم من فترة بخصوص استبدال الكاوتش الماكسيس بنوعية اخرى وفيه اعضاء قاموا بالعملية دى وكاتبين تفاصيل تجربتهم وممكن حضرتك تتواصل معاهم ع الخاص لمعرفة المكان ورقم التليفون وغيرها من المعلومات ..
لكن الموضوع نفسه هايكون مكلف لأن اعلى سعر للماكسيس حتى لو خدت العربية من المعرض لمحل الكاوتش على ونش مش هايوصل 1000ج لأنه نوعية رخيصة فى السوق والبريدجستون اقل طقم فيه هايعمل سعر 1800 ج .. فحضرتك هاتدفع فرق مش اقل من 800ج .

---

جزاك الله خيراً يا أستاذ يوسف

بخصوص موضوع السماعات .. هو أنا ينفع أربط موبايلي بالبلوتوث .. بس السماعات تبقى بلوتوث في ودني ومتطلع على السماعات بتاعة العربية لأن ساعات بيبقى معايا أغراب في العربية ومراتي بتكلمني مثلاً :)

بخصوص موضوع الفرق بتاع الفلوس مش مشكلة ... بس بدل الواحد يقدر ياخد وسائل أمان أكثر يبقى ده أفضل وأهم من أي حاجة تانية وده أحد أكبر أسباب اختياري لنيسان على الرغم من سمعة الكاوتش السيئة

فلو أمكن أنا قرأت موضوعات كتير هنا فعلاً عن ناس بتغير الكاوتش لكن مش كاتبين لا نمر تليفونات ولا عناوين للناس دي .. فلو أمكن وحضرتك تعبت معايا شوية وعملتلنا موضوع فيه أفضل ناس في الموضوع ده وتثبته في القسم لأنه عليه طلب يبقى جزاكم الله خيراً

في سؤالين تاني معلش وبتعبك معايا:

1) بخصوص فرش السيارة .. المفروض إننا بنفك العربية من جوة ونفرشها كلها مش كدة لأن دي أول مرة أجيب عربية زيرو .. وكمان هل المسند إللي ورا هيفضل موجود ولا المسند ده هيختفي؟!

2) هل من السهل أركب حساس للركن عند أي حد برة التوكيل ولا لأ؟ وممكن أعرف بس هو يشتغل إزاي يعني لما أجي أركن ويطلع في مشكلة هيحصل إيه؟ هينور في التابلوه مثلاً؟ ولا هيحصل إيه؟

وجزاكم الله خيراً وأسف على تعب حضرتك

بالمناسبة أنا اسمي أحمد عبد المنعم بس صحابي بيقولولي عبد المنعم :d

اقتباس:

---

المشاركة الأصلية كتبت بواسطة gadoo30

مبروك مقدما وعقبالنا
على حد علمى فية ضمان للعربية وضمان للكاسيت وضمان للبطارية والله اعلى واعلم

---

جزاك الله خيراً أخ جادو :)

اقتباس:

---

المشاركة الأصلية كتبت بواسطة abdulmoniem

جزاك الله خيراً يا أخ محمود

بالنسبة لموضوع الحجز .. أنا حجزها في نيسان أوتوإيجيبت إللي في مدينة نصر في الحي الثامن

وقالي إن الاستلام بعد مدة أقصاها شهرين بإذن الله وإداني إيصال بده ... والله أعلم

---

شكرا للرد وربنا يهون عليك مدة الانتظار

اقتباس:

---

المشاركة الأصلية كتبت بواسطة abdulmoniem

جزاك الله خيراً يا أستاذ يوسف

بخصوص موضوع السماعات .. هو أنا ينفع أربط موبايلي بالبلوتوث .. بس السماعات تبقى بلوتوث في ودني ومتطلع على السماعات بتاعة العربية لأن ساعات بيبقى معايا أغراب في العربية ومراتي بتكلمني مثلاً :)

---

لا شكر على واجب يا استاذ احمد ..
والله انا ما جربتش بلوتوث الصنى ايه نظامه .. لكن انا معايا سبورتاج ولما باحب اعمل زيك كده بيكون ظاهر على شاشة تليفونى مستطيل فيه (Blutooth on/off) بادوس عليه وافصل الصوت عن الكاسيت واتكلم من التليفون احسن
وفيه تحكم فى الmenu للاعدادت بيكون فيها اولوية لجهازك periority عشان لو كان فيه اكتر من جهاز فى محيط العربية ومعموله pairing او اتصال

اقتباس:

---

المشاركة الأصلية كتبت بواسطة abdulmoniem

بخصوص موضوع الفرق بتاع الفلوس مش مشكلة ... بس بدل الواحد يقدر ياخد وسائل أمان أكثر يبقى ده أفضل وأهم من أي حاجة تانية وده أحد أكبر أسباب اختياري لنيسان على الرغم من سمعة الكاوتش السيئة

فلو أمكن أنا قرأت موضوعات كتير هنا فعلاً عن ناس بتغير الكاوتش لكن مش كاتبين لا نمر تليفونات ولا عناوين للناس دي .. فلو أمكن وحضرتك تعبت معايا شوية وعملتلنا موضوع فيه أفضل ناس في الموضوع ده وتثبته في القسم لأنه عليه طلب يبقى جزاكم الله خيراً

---

ماهو عشان كده انا قولت لحضرتك ممكن تبعت لأحد الاعضاء اللى استبدلوا الكاوتشات بأخرى وهو يفيدك بالتأكيد
لأن عمل موضوع بعناوين وارقام تليفونات واسعار فى القسم او المنتدى ده يندرج تحت بند الاعلانات وغير مسموح بيه ويعد مخالفة لقواعد المنتدى

اقتباس:

---

المشاركة الأصلية كتبت بواسطة abdulmoniem

في سؤالين تاني معلش وبتعبك معايا:

1) بخصوص فرش السيارة .. المفروض إننا بنفك العربية من جوة ونفرشها كلها مش كدة لأن دي أول مرة أجيب عربية زيرو .. وكمان هل المسند إللي ورا هيفضل موجود ولا المسند ده هيختفي؟!

2) هل من السهل أركب حساس للركن عند أي حد برة التوكيل ولا لأ؟ وممكن أعرف بس هو يشتغل إزاي يعني لما أجي أركن ويطلع في مشكلة هيحصل إيه؟ هينور في التابلوه مثلاً؟ ولا هيحصل إيه؟

وجزاكم الله خيراً وأسف على تعب حضرتك

بالمناسبة أنا اسمي أحمد عبد المنعم بس صحابي بيقولولي عبد المنعم :d

---

1. فيه نوعين من الفرش .. النوع الاول هو الكسوة العادية اللى بتركب عند اى محل بدون فك الكراسى لكن بيشيل الكنبة (القعدة + الظهر) ويركبهم تانى عادى جدا وده بيكون له اضرار على تنجيد الكراسى لأن الفرش بيكون لكل العربيات ويتم تقييفه على الصنى يعنى مش محكم ومش بالضرورة يحافظلك على مسند اليد الوسطى فى الكنبة الخلفية ، النوع الثانى هو الفرش التفصيل زى اللى بيركب فى جينز كار كده وبيكون بالظبط على المقاس بالمللى وفيه بيتم فك جميع الكراسى الامامية والخلفية والتركيب مرة اخرى وبيكون زى الفرش الاصلى بالظبط بكل تفاصيله وزوايده .

2. من السهل طبعا تركب اى حاجة برة التوكيل .. لكن انا وغيرى كتير بنفضل تركيب اى كماليات تتعلق بالكهرباء فى التوكيل للحفاظ ع الضمان والعربية كليا وتجنبا لأعطال وقفلات فى الضفيرة وايضا حتى ارتاح من فتاوى الاسطى بلية بعمل ثقوب فى الاكصدام وغيرها من توصيلات .. وطبيعة عمله انه بيتم تركيب شاشة صغيرة فى التابلوه بتنور بلمبات ليد ملونة وتصدر صوت متقطعا او متصلا حسب درجة اقترابك من حاجز خلفى ما .

أى خدمة ومبروك مقدما ع الاستلام ..

جزاك الله خيراً على الرد ..
مكنتش أعرف إن الإعلانات ممنوعة .. هحاول أسـأل الأعضاء إللي عملوا كدة إن شاء الله

بس معلش أنا مفهمتش حتة الفرش التفصيل

قصدك إن الفرش الأصلي بيتفك .. ولا بيبقى عليه؟

لأنه لو بيتفك يبقى إيه الفايدة الواحد بصراحة يخاف يبوظه لو فكه؟!

اقتباس:

---

المشاركة الأصلية كتبت بواسطة youssef.awad

لا شكر على واجب يا استاذ احمد ..
والله انا ما جربتش بلوتوث الصنى ايه نظامه .. لكن انا معايا سبورتاج ولما باحب اعمل زيك كده بيكون ظاهر على شاشة تليفونى مستطيل فيه (blutooth on/off) بادوس عليه وافصل الصوت عن الكاسيت واتكلم من التليفون احسن
وفيه تحكم فى الmenu للاعدادت بيكون فيها اولوية لجهازك periority عشان لو كان فيه اكتر من جهاز فى محيط العربية ومعموله pairing او اتصال

ماهو عشان كده انا قولت لحضرتك ممكن تبعت لأحد الاعضاء اللى استبدلوا الكاوتشات بأخرى وهو يفيدك بالتأكيد
لأن عمل موضوع بعناوين وارقام تليفونات واسعار فى القسم او المنتدى ده يندرج تحت بند الاعلانات وغير مسموح بيه ويعد مخالفة لقواعد المنتدى


1. فيه نوعين من الفرش .. النوع الاول هو الكسوة العادية اللى بتركب عند اى محل بدون فك الكراسى لكن بيشيل الكنبة (القعدة + الظهر) ويركبهم تانى عادى جدا وده بيكون له اضرار على تنجيد الكراسى لأن الفرش بيكون لكل العربيات ويتم تقييفه على الصنى يعنى مش محكم ومش بالضرورة يحافظلك على مسند اليد الوسطى فى الكنبة الخلفية ، النوع الثانى هو الفرش التفصيل زى اللى بيركب فى جينز كار كده وبيكون بالظبط على المقاس بالمللى وفيه بيتم فك جميع الكراسى الامامية والخلفية والتركيب مرة اخرى وبيكون زى الفرش الاصلى بالظبط بكل تفاصيله وزوايده .

2. من السهل طبعا تركب اى حاجة برة التوكيل .. لكن انا وغيرى كتير بنفضل تركيب اى كماليات تتعلق بالكهرباء فى التوكيل للحفاظ ع الضمان والعربية كليا وتجنبا لأعطال وقفلات فى الضفيرة وايضا حتى ارتاح من فتاوى الاسطى بلية بعمل ثقوب فى الاكصدام وغيرها من توصيلات .. وطبيعة عمله انه بيتم تركيب شاشة صغيرة فى التابلوه بتنور بلمبات ليد ملونة وتصدر صوت متقطعا او متصلا حسب درجة اقترابك من حاجز خلفى ما .

أى خدمة ومبروك مقدما ع الاستلام ..

---

كنت أحب أسأل حضرتكم عن جنوط الالمنيوم في الموديل الجديد super saloon 4 ولا 5 جنوط

اقتباس:

---

المشاركة الأصلية كتبت بواسطة abdulmoniem

جزاك الله خيراً على الرد ..
مكنتش أعرف إن الإعلانات ممنوعة .. هحاول أسـأل الأعضاء إللي عملوا كدة إن شاء الله

بس معلش أنا مفهمتش حتة الفرش التفصيل

قصدك إن الفرش الأصلي بيتفك .. ولا بيبقى عليه؟

لأنه لو بيتفك يبقى إيه الفايدة الواحد بصراحة يخاف يبوظه لو فكه؟!

---

الفرش التفصيل بيركب على الفرش الاصلى
واللى بيتفك هو الكراسى وليس الفرش الاصلى ..

اقتباس:

---

المشاركة الأصلية كتبت بواسطة addams_2

كنت أحب أسأل حضرتكم عن جنوط الالمنيوم في الموديل الجديد super saloon 4 ولا 5 جنوط

---

4 راكبين

والكاوتش الخامس الاستبن من غير جنوط

اقتباس:

---

المشاركة الأصلية كتبت بواسطة youssef.awad

الفرش التفصيل بيركب على الفرش الاصلى
واللى بيتفك هو الكراسى وليس الفرش الاصلى ..

---

جزاك الله خيراً :)

Many Thanks abdulmoniem

لا الفرش الاصلى بيفضل زى ما هو الفرش التفصيل بيركب فوقه