السلام عليكم ورحمة الله وبركاته
دلوقتي الصني سوبر صالون .. نازلة كالآتي:
1 - كاوتشات ماكسس مقاس 15/185/65
2 - جنوط 15
3 - 4 فرد فيهم جنوط .. والخامسة إللي هي استبن من غير جنط
دلوقتي أنا عايز ببساطة .. الآتي:
1 - ما هو أقصى حد لتعريض الكاوتش في الصني 2013 سوبر صالون؟
2 - أنا عايز أبدل الخمس فرد .. بنوع تاني زي بريدجستون مثلاً والمكان ده ياخد مني الخمسة إللي معايا بسعر كويس خاصة إني أول مهستلم إن شاء الله هروح أبدلهم ... ياريت لو حد يعرف مكان كويس يراسلني على الخاص ببيانات المكان ونمر تليفونه ويبقى جزاه الله خيراً
3 - هل عندما أقوم بالتبديل .. أشتري جنط خامس .. وهل يا ترى هلاقي نفس الشكل بالظبط ولا أجيبه من التوكيل ساعتها .. والجنط ساعتها بيركب على الكاوتش المطاط عادي .. ولا لازم أوديه التوكيل يركبلي الخامس على الجنط الجديد؟
4 - طبعاً الجنوط إللي عندي هيتغير عليها الكاوتش وهتفضل زي ما هي مش كدة؟
5 - بعد لما بغير الكاوتش .. العربية بتبقى محتاجة إيه؟ ترصيص .. إتزان .. زوايا .. نيتروجين؟ إيه بالظبط .. ياريت حد يشرحلي كل واحدة من دول عبارة عن إيه لأني مش فاهمهم بصراحة
جزاكم الله خيراً
المفضلات