مشكله السخونيه فى النوبيرا غريبه جدا

**hesham69** · 27-10-2012 04:45 PM

بسم الله الرحمن الرحيم

اولا كل سنه وانتو طيبين والسنه الجايه على عرفات ان شاء الله جميعا

اقولكم بقى مشكله مش فاهم يعنى هى ايه ديه
العربيه معايا نوبيرا اوتوماتيك 2001
من كام يوم كده لاحظت مشكله غريبه فى العربيه لما اقف فى اشاره او زحمه الاقى مؤشر الحراره على امشى الاقيه رجع تانى مكانه والدنيا جميله طول ما انا ماشى زى الفل لو وقفت شويه يرفع بس لو وقفت والعربيه جايب ال d ودايس فرامى لو واقف عادى ميحصلش مشكله حتى لو مشغل التكييف

روحت فكيت الرادتير ونضفت وظبطته الراجل قالى الكوعه بتاعه الترموستات محتاجه تتشال الترموستات الى فيها او هاتلى كوعه من غير ترموستات قولتله يعنى كده فيها مشكله قالى لا بينى وبينك ما اقتنعتش ما العربيه معايا بقالى سنين ومفيش مشكله طيب كده هيحصل المشكله ديه ياعم تانى قالى لا

المهم حصلت تانى رجعت للميكانيكى وقولتله قال كده صوباع الحراره هو الى بيخرف وبيقرى غلط هاتلى واحد جبت صوباع حراره وركبناه وقالى كده تمام جربنا وهى واقفه شويه وكده زى الفل
مشيت حصلت تانى برضو فى الزحمه
محلوظه صوباع الحراره ده تحت الانجكشن وبيركب زى فيشه كده لان بتاع قطع الغيار قالى ده بتاع الترموستات مش المؤشر والمكانيكى قالى لا ده بتاع المؤشر

المهم المشكله موجوده فا ايه بقى الحل ياترى اجيب الكوعه ديه زى ما قال الراجل ولا اجيب صوباع الحراره الى المكانيكى قالى عليه انه مش بتاع المؤشر واركبه زى ما بتاع قطع الغيار قال

ولا المشكله ديه حاجه تانيه خالص برجاء الافاده يا جماعه

وشكرا ليكم كلكم وكل سنه وانتو طيبين

**haimaN** · 27-10-2012 04:54 PM

المشكلة ده علشان مش تقعد تروش نفسك بيها هي مش عيب ميكانيكا ولا كوعة ده عيب كهربا لان هاقولك العيب ده بيحصل امته بالضبط العيب ده بيحصل لما تحط رجلك على الفرامل او تشغل النور العالي وانت متك فرامل هاتلاقي مؤشر الحرارة علي شوية جرب وشوف كده هاتلاقي انه بيعلي لما تعمل كده جرب وانت واقف انك تجيب العربية علي ال d وتشيل رجلك من الفرامل وتطفي النور هاتلاقي المؤشر رجع مكانه تاني

**hessenp** · 27-10-2012 06:06 PM

المشاركة الأصلية كتبت بواسطة haiman

المشكلة ده علشان مش تقعد تروش نفسك بيها هي مش عيب ميكانيكا ولا كوعة ده عيب كهربا لان هاقولك العيب ده بيحصل امته بالضبط العيب ده بيحصل لما تحط رجلك على الفرامل او تشغل النور العالي وانت متك فرامل هاتلاقي مؤشر الحرارة علي شوية جرب وشوف كده هاتلاقي انه بيعلي لما تعمل كده جرب وانت واقف انك تجيب العربية علي ال d وتشيل رجلك من الفرامل وتطفي النور هاتلاقي المؤشر رجع مكانه تاني

انت تقصد انه تهييييس من الكهربا بتاعة العربية ؟؟؟؟؟؟؟؟

**hessenp** · 27-10-2012 06:09 PM

على العموم لو هتغيير الكوعة اوعى تسمع كلام الميكانيكى وتجيبها من غير ترموستات عشان التبريد هيبقى زيادة والعربية هتبرجل منك فى الشتا وهتبهدلك فى الشتا وعلى الطريق السريع وهتعلمك الصبر الصبح وانت بتسخن العربية......

**addams_2** · 27-10-2012 06:14 PM

نضف أرضي الكهربا
ديه مشكلة أرضي الكهربا بعد ما ينضف كويس هتروح isa

**kagawa** · 27-10-2012 06:27 PM

المشاركة الأصلية كتبت بواسطة hesham69

روحت فكيت الرادتير ونضفت وظبطته

سؤال ... هو ردياتير النوبيرا الاتوماتيك سهل فكه وتركيبه وتنضيفه ......
حضرتك زي ما تكون بتحكي في ردياتير 128
لاني انا معايا نوبيرا اوتوماتيك الميكانيكي جه يشد خرطوم الفايظ كسر
بزبوز الردياتير ... روحت لبتوع الردياتير كلهم قالولي يستحسن تفكه وتركبه
في التوكيل علشان الفتيس الاوتوماتيك الزيت بتاعه عامل دوره تبريد جوه الرادياتير
وفيه حاجه اسمها الابره ممكن تخرب والاوتوماتيك يبوظ في الفيلم ده ...
وحتي لو الموضوع عدي معاك بدعا الوالدين مفروض تعبي زيت اوتوماتيك جديد !!!
اللي بقوله حصل فعلا معايا الاسبوع اللي فات ....

...

...

...

**blazer** · 27-10-2012 06:47 PM

اعتقد ممكن تبقى مشكله فى طرمبة المية

**hesham69** · 27-10-2012 07:06 PM

المشاركة الأصلية كتبت بواسطة haiman

المشكلة ده علشان مش تقعد تروش نفسك بيها هي مش عيب ميكانيكا ولا كوعة ده عيب كهربا لان هاقولك العيب ده بيحصل امته بالضبط العيب ده بيحصل لما تحط رجلك على الفرامل او تشغل النور العالي وانت متك فرامل هاتلاقي مؤشر الحرارة علي شوية جرب وشوف كده هاتلاقي انه بيعلي لما تعمل كده جرب وانت واقف انك تجيب العربية علي ال d وتشيل رجلك من الفرامل وتطفي النور هاتلاقي المؤشر رجع مكانه تاني

بص هو فعلا المشكله حاسسها كهرباء لان كمان لو الانتظار اشتغل الاقى المؤشر طلع وينزل مع فتح وقفل الانتظار وكمان يقف لو اتقفل وحستها مره مع النور بس قولت ما اعتقدش

المشاركة الأصلية كتبت بواسطة hessenp

انت تقصد انه تهييييس من الكهربا بتاعة العربية ؟؟؟؟؟؟؟؟

المشاركة الأصلية كتبت بواسطة hessenp

على العموم لو هتغيير الكوعة اوعى تسمع كلام الميكانيكى وتجيبها من غير ترموستات عشان التبريد هيبقى زيادة والعربية هتبرجل منك فى الشتا وهتبهدلك فى الشتا وعلى الطريق السريع وهتعلمك الصبر الصبح وانت بتسخن العربية......

ايوه فعلا انا حاسس بكده اصل مش ممكن يعنى العربيه موجوده فى مصر ونازله البلد ديه واحنا نفتى ونشيلها ونقول اصلها ملهاش لازمه

المشاركة الأصلية كتبت بواسطة addams_2

نضف أرضي الكهربا
ديه مشكلة أرضي الكهربا بعد ما ينضف كويس هتروح isa

يعنى هى المشكله دلوقتى فى ارضى الكهرباء بس اكيد ؟؟؟؟

المشاركة الأصلية كتبت بواسطة kagawa

سؤال ... هو ردياتير النوبيرا الاتوماتيك سهل فكه وتركيبه وتنضيفه ......
حضرتك زي ما تكون بتحكي في ردياتير 128
لاني انا معايا نوبيرا اوتوماتيك الميكانيكي جه يشد خرطوم الفايظ كسر
بزبوز الردياتير ... روحت لبتوع الردياتير كلهم قالولي يستحسن تفكه وتركبه
في التوكيل علشان الفتيس الاوتوماتيك الزيت بتاعه عامل دوره تبريد جوه الرادياتير
وفيه حاجه اسمها الابره ممكن تخرب والاوتوماتيك يبوظ في الفيلم ده ...
وحتي لو الموضوع عدي معاك بدعا الوالدين مفروض تعبي زيت اوتوماتيك جديد !!!
اللي بقوله حصل فعلا معايا الاسبوع اللي فات ....

...

...

...

بس فك الرادتير مفهوش اى مشكله بس واضح ان الصنايعى الى روحتله تعبان شويه لان الراجل قدامى فك الرداتير وركبه والدنيا زى الفل وفعلا الرداتير بتاع الاوتوماتيك غير المانيوال لان ليه دوره تبريد للفتيس وملهاش علاقه انى ازود زيت الفتيس بتاع الاوتوماتيك بعدها

وعشان تتاكد ان محصلش مشكله انا روحت البنزينه بعدها غيرت زيت للعربيه وكشفت على زيت الفتيس وطلع مظبوط مفهوش اى حاجه خالص
ولو عاي تروح تعمل دوره التنضيف ديه كلمنى وانا اوديك لواحد يظبطهولك تمام ويفكه وينضفه ويركبه فى خلال ساعه كل حاجه تكون تمام

المشاركة الأصلية كتبت بواسطة blazer

اعتقد ممكن تبقى مشكله فى طرمبة المية

مهو اعتقد لو مشكله طرمبه مياه العربيه هتبقى سخنه على طول مش وقت ووقت صح ولا ايه

وفى انتظار باقى الاراء

**amer_el7op** · 28-10-2012 02:48 AM

شوف الارضى بتاع الكهرباء

**kagawa** · 29-10-2012 12:52 AM

انا زي ما قولت لحضرتك البزبوز انكسر يعني كده انا عاوز اغير علبه الرادياتير
اللي داخل فيها دوره زيت الاوتوماتيك وزي ما انت بتقول موضوع الفك والتركيب سهل
ياريت حضرتك توصفلي مكان الراجل اللي عمل لك الرادياتير

...

...